基督家庭今日: 0|主題: 9938

收藏本版

發帖

返回列表

跳至頁

查看: 1060 | 回覆: 7

領詩時忍唔住喊出來....(一點分享見證) [複製鏈接]

sshoi

大宅

積分: 4598

1^#

發表於 11-6-14 20:50 |只看該作者 |倒序瀏覽 |打印

上星期我因為感冒﹐突然失聲左三日。我咁大個人都係第一次失聲﹐一直以來以為講唔到野無乜野大不了﹐親身經歷先發覺有口難言係幾痛苦嘅一件事。
更痛苦係﹐我主日崇拜要領詩。同一日我更要教成人主日學同做崇拜翻譯﹐以我狀況無可能連續講三個鐘頭野﹐所以我搵人代替我翻譯﹐但領詩我一定要做﹐因為我好親愛嘅妹妹最後一次在臺上同我一齊領詩讚美神﹐我點辛苦都要唱。
星期四晚我地練歌﹐我只有丁咁多聲帶領佢地練﹐但我自己唱唔到。原來聽住別人唱詩而自己唱唔到﹐真係好痛苦﹐個心好似要爆出來。
星期五、星期六﹐感謝神﹐亦感謝為我禱告嘅人﹐我把聲慢慢恢復﹐但到主日我把聲仍然只有四五成功力。
一切交托畀神吧。
到主日﹐我向臺下會眾講出我一星期內嘅經歷﹐勸勉大家珍惜敬拜嘅機會﹐因為凡有氣息的都要讚美耶和華。
我地唱嘅第一首詩歌係新心音樂事工嘅《你是我神》﹐內容講到主耶穌嘅創造、拯救同再來。到中間我妹妹讀出詩篇118:28﹕「你是我的神﹐我要稱謝你！你是我的神﹐我要尊崇你！」我在心裡同佢一齊讀﹐就想到能夠有耶和華咁樣一位神真係好﹗世上一切得失聚散都變成短暫﹐但在神裡面無野能夠讓人永遠隔絕﹐真係我地不配受嘅恩典。到最後唱哈利路亞﹐我實在忍唔到﹐終於哇啦哇啦咁喺臺上喊左出黎... 我知道一個大男人喺臺上咁喊法係好難睇﹐但我唔理喇﹐就將一切思念、一切讚美感恩交托畀主。
因為祂要將哀哭變為跳舞﹐把我的麻衣脫去披上喜樂﹐好叫我的靈歌頌祂﹐並不住聲。