最近因為這個菲菲(佢對上一份工是斷約的, 只做了1年) , 我失眼咗好多日呀, 佢的罪狀有 :
·
佢已2次帶我仔仔番興趣班(每堂1小時15分鐘)$225一堂, 2次都遲到超20分鐘而且無同我講過遲到一事 (是老師通知我的), 頭3堂都無遲到, 又唔係唔識路; 理由係我個仔瞓緊覺所以遲門....!
·
之前係廚房打爆咗個爐頭, 我要比$1,800換過.
·
佢嚟咗我屋企半年啦, 同仔仔(2.5yrs)相處到現在還合不來, 仔仔成日講 [憎死姐姐, 打姐姐, 驚姐姐]
·
同佢講過好多次, 同我仔仔出街番學, 一定要帶手機 (要開機, 可以接通的); 但每次要搵佢時, 依然電話唔通, 但我SEND SMS比佢, 佢又會覆?? 問親佢, 佢又多多大話, 我無聽落去啦!
·
我講過帶仔仔出街前要通知我, 但2星期前的一個下午佢無同任何人講, 就帶咗仔仔落公園玩, 我打番屋企, 打手機..足足一個鐘頭都聯絡唔到佢哋, 請屋苑管理員上門拍門….後報打999同驚方備案, 我嬲到發咗個短息比菲菲話佢真我已報咗警, 因為我的兒子失蹤, 2秒後電話突然回覆, 仲笑笑口話我知佢哋只不過去咗公園玩……
·
無愛心, 成日黑面, 唔成實, 多藉口, 多大話, 對佢好又唔知足….
·
但立即抄佢先要比$3,850 + 機票錢約$1,500, 從新請過又要比$3,500行政費….加加埋埋要成$8,580, 佢要等1個月先有新姐姐來….. 好煩呀………我可以點呀???