論盡家傭 今日: 1|主題: 133734

我個印印今年年尾約滿，我地諗住換工人，去返上次請工人(即而家家中嗰個)的公司睇files，佢介紹幾個印印，有三個我shortlist左，這是上星期的事，剛過去的星期三上去視像一個履歷非常好(10年HK經驗、三份約都finish contracts)，個履歴好得不得了，我家中有老人家和四歲小朋友，老人家脾氣差但不需照護，相反老人家仲幫手煮飯，我video interview佢時主要問佢有老人家有小朋友你得唔得同講晒屋企情況，始終隔山買牛有啲嘢講清楚好啲，因為嚟度先發覺唔係自己expect咁大家都慘，我最后問佢可不可以聯絡你HK那位剛完約的前僱主(因佢份Biodata寫住last份finish contract係2007-2011)，我諗我咁提出都好合理，但視像嗰陣個agent即刻插咀叫我咪咁問，驚咁問嚇親佢，成個視像通話大約10 min左右，跟住個肥婆Agent問okay嗎?我話都幾好，但我手上只得份黑白hard copy，張相唔太清楚，可以send個PDF file去我emailaccount等老人家睇下再final confirm，個agent就話咁都仲要諗呀(態度唔多好) ，我就話家中老人家對住工人，比佢過目好啲，個肥Agent係印尼人但識講流利廣東話，佢跟住話有另一個客都睇啱，明早11:00簽約confirm，如果你啱就要快，我話好啦！到第朝10:00打佢手提話okay，佢就答話好啦，返到公司攪文件再打比你，直至＋二点幾無消息再打比佢因佢前晚話另一個客11:00am簽約，我好驚比人搶左，跟住佢話Okay la，今晚上嚟簽啦，我lunchtime後再打比佢再提出可唔可以contact 佢剛完約前僱主傾吓，我諗唔過份啫！但個agent就開始發爛渣，又話個工人條件咁好我地公司好多其他客想要，又話公司規矩HK做滿10年的工人唔會比前僱主電話給新僱主，又話最緊要你有confidence，你冇confidence就唔好請囉，我有另一個客都想要，我見佢態度咁惡劣我就話咁算數啦跟住收線，而且agent的確講過大話，我之前問agent last份約点解唔繼續，佢話個工人做左4年，佢掛住印尼個仔所以唔再續，但嗰晚視像問個工人又唔係咁答我，佢話上份約個家庭因小朋友大了唔需要佢所以唔同佢續約；唉！我話晒係間agent舊客，呢間又係大agent公司，但態度都可以咁Q差又講大話，好再仲有3個月時間揾工人。