大家唔好再針住樓主,一人少句啦,其實真係觀點與角度問題,
我講嘅唔係想鬧任何人,只係想指出個問題所在,我都有自己感情加入唔夠客觀:
小朋友冇問題嘅家長 : 針唔拮到肉唔知痛,崩口人忌崩口碗嘅道理,
大家一定明,唔係話呢個話題係禁忌,而係大家討論時留少少餘地,
唔好去到太盡,嘗試以另一角度去想,如果係自己會點。
鬧人個阿媽係唔啱在先,我估呢度冇人會撐佢做得對,
只係有人指出有自閉兒嘅家長平日照顧小朋友好辛苦好大壓力,
如果個家長或小朋友有咩做得唔好嘅,希望你地就大人不記小人過,
唔好再去計較咁多,說話就如潑出嘅水收唔番。
有自傾或自閉兒嘅家長 : 其實更難聽真正歧視嘅說話,大家都應該聽唔少,
呢度咁多媽咪爹地講嘅都唔係全部帶有歧視成份,我地唔好自己對號入座,
每日要訓練小朋友已經好忙,得閒上到BK,都係想輕鬆吓,
加搵少少支持,加吹吓水,或者係我樂觀,我覺得要刀槍不入就要磨練,
要人有包容我地小朋友嘅心,不如自己先去包容人地唔體諒我地先,
唔好再花時間在一兩個字眼上嘅爭拗,唔值得,無謂破壞BK和諧氣氛,
更俾人覺得我地呢班家長要求過份,事實上大家都唔係咁諗,係嗎?
花旗太太生活在花旗國,留意時差,你問我未必即時答到。