親子旅遊今日: 5|主題: 160907

收藏本版

發帖

返回列表

跳至頁

查看: 1886 | 回覆: 2

小心無良旅遊巴司機......NA2761 [複製鏈接]

bonboncat

大宅

積分: 3169

1^#

發表於 11-9-19 19:39 |只看該作者 |倒序瀏覽 |打印

本帖最後由 bonboncat 於 11-9-19 21:00 編輯

在中秋節補假當日(9月13日)下午4點左右, 我同老公&未夠2歲嘅囡囡一齊去馬鞍山落禾沙里玩. 我老公正在香港浸信會神學會門口泊車, 而我同囡囡先落車, 在掘頭路等我老公, 我地係企嚮行人路上, 因為當時好曬, 所以我地企埋牆邊諗住無咁曬, 我地企嘅位置同車路距離都有5尺左右.

當時囡囡就面向馬路, 而我面向住囡囡, 忽然, 我發現囡囡好快咁向後行, 當時我都未知咩事, 只係1~2秒之間, 囡囡個樣好驚咁, 仲手都震埋(我一直都拖住佢嘅), 我都知有啲唔妥, 我馬上擰轉頭一望, 點知原來係一架旅遊巴正在高速駛向我地, 果時我都嚟唔切反應, 只係1秒之間, 架車停咗嚮我地面前, 而當時我地同車頭嘅距離只係5~6尺左右, 我嚇到咩都唔識講喇, 我望住個無良司機, 佢又望住我, 但一啲唔好意思都無, 一野就入後波轉走架車, 泊咗嚮神學會門口喇!

我真係好鬼嬲呀!!!! 有無攪錯呀!!!!! 果度只得我同囡囡, 我係一個9個月大嘅大肚婆, 籮咁大個肚, 又拖住個女企嚮行人路, 我地仲著住鮮藍色&鮮黃色衫, 跟本無可能見我地唔到, 就算真係當佢之前發雞盲見唔到呀, 停車時見到我地兩個咁嚇都要say sorry啦, 佢竟然可以當無事發生咁. 又或者佢覺得我地企嚮行人路都咗住佢架車, 佢大可以慢慢駛埋嚟, 再叫我地行開, 我覺得佢根本就係有心嚇我地嘅!!!

後來我老公泊完車, 我同佢講番, 佢好慶, 我地行埋去旅遊巴車頭, 個PK司機仲嚮司機位, 我地係咁同佢影車頭相, 佢都當見我地唔到, 佢根本就身有屎.

如果佢架車真係control唔到撞咗埋嚟, 真係2C3命呀!!!!!!

第2日我打電話去生記(Sang Kee)旅遊巴士公司complain, 個負責人只係不停同我say sorry, 但又唔跟進之後會點, 真係不知所謂.

大家以後要小心, 如果見到生記嘅旅遊巴就要避之則吉.

就係呢架NA2761