香港18區媽媽會 今日: 0 | 主題: 156879

積分: 2360

1^#

發表於 11-9-24 13:15 |只看該作者 |倒序瀏覽 |打印

煩惱中......

0 0 0

私人傳訊

happymama11

珍珠宮

積分: 46102

2024年龍年勳章 2018復活節勳章開心吸收勳章最關心BB問題熱投勳章認識瑞士牛牛第二回育兒性格勳章夏天玩到顛畀面勳章有「營」勳章 wyeth冷知識勳章爸B勳章環保接龍勳章親子達人勳章 BK Milk勳章 hashtag影視迷勳章

2^#

發表於 11-9-24 13:32 |只看該作者

我都好想知

我囝雖然現在只是K1, 但已經密密地為他張羅小學選擇, 我首選都係李金 & 馮李, 不過2間都係新校(即是從前某幾間小學下午分拆出來)...但所了解唔係太多, 麻煩大家知道了解的, 請分享吧!

私人傳訊

joli3bb

積分: 3172

3^#

發表於 11-9-24 21:45 |只看該作者

先講校舍, 上次馮李佩瑤 "open day" 我參覲過, 剛巧今天是李今的開放日, 可惜我很遲才知道, 到達時也參不多完場, 所以我只好在進入校園望了一望, 我一進入門口卻給很黑暗的感覺, 而且一點也不舒服.

相比之下我覺得 "馮""的校舍舒服, 陽光充足, 給我很溫暖的感覺, 而且班房又大, 又光猛, 我最欣賞的是 "馮" 居然建設了一個很設備齊全的舞蹈室,
另外,我聽李今的家長講同學們的午飯是全部統一的, 沒有選擇權(我唔知有沒有聽錯), 但 "馮" 卻是每月提供餐單給家長/同學選擇.

私人傳訊

maggieddie

積分: 4742

熱血勳章

4^#

發表於 11-9-24 22:24 |只看該作者

引用：先講校舍,+上次馮李佩瑤+"open+day"+我參覲

原帖由 joli3bb 於 11-09-24 發表
先講校舍, 上次馮李佩瑤 "open day" 我參覲過, 剛巧今天是李今的開放日, 可惜我很遲才知道, 到達時也參不多 ...

以我所知李金都有餐單選擇的！上佢地學校網啲通告有得睇餐單！

私人傳訊

積分: 2360

5^#

發表於 11-9-24 22:32 |只看該作者

回覆：李金同馮李佩瑤你會點揀？

但我覺得馮李佩瑤比較多功課，我怕阿女吃不消！

私人傳訊

積分: 17

6^#

發表於 11-9-24 22:42 |只看該作者

去完兩間新校，我已決定同我囡囡選李金。睇下大家覺得我分析得岩唔岩！
第一、好多學校都係全日制，其實小朋友由朝上到下午，真係要好好考慮個上課時間表，因為小朋友成長過程唔係淨係讀書，追成績，而係要各方面平衡發展。李金返8:25，放3:10，早上上兩堂後有個25分鐘小息同活力操，之後再上2堂就去飯堂食午飯，食完可以活動，之後上一堂後再有個課間操，再上一堂就放學！而馮小呢，返8:00，放3:30(嘩！上當年我讀中學都冇返咁早，要搭校車的可能七點就要落樓，咁即係要成6點幾起身？)早上上2堂就有小息，但得十分鐘(老師遲左落堂的話，去完個厠所，野都食唔切，就又要返課室上堂)，之後再上2堂又係有個十分鐘小息，再上2堂就食飯。食飽左又係可以去活動，之後有一D什麼中、英、數特色課程，我聽完鍾校長講完都唔知有咩特別，只係覺得好似我細個時小學成績冇咁好D同學有老師同佢地輔導咁。我個人覺得好似迫晒D正常課堂在早上上晒，然後就搞卓頭有咩特別。我記得之前明報都有報導過佢地有家長反映 “假全日制”呢個說法！

點評

carrie123 李金返8:20 am 發表於 11-9-25 20:17

私人傳訊

積分: 17

7^#

發表於 11-9-24 23:16 |只看該作者

仲有，馮小竟然安排一星期得一日有午操，我聽完即刻諗 “下，食飽飯去做午操？會唔會唔好架？”而且一星期得一日有得操？唔知背後有咩原因？
第二、我覺得在中央飯堂食飯好好，好衛生，好健康！今日蘇校長解釋D菜會即時在學校個中央厨房灼熟，米飯、米粉都係，只係D餸煮好送去學校再加熱。而馮小就好似其他冇中央飯堂的學校咁，在課室食。拿！問題出現啦！在課室會唔會冇咁衛生呢？小朋友上堂在課室，轉堂刷黑板D粉到處飄，佢地張桌上都唔知乾淨與否？但中央飯堂唔同，感覺乾淨D！衛生D！
第三、兩間學校洗手間我都光顧過，感覺又係李金好D！因為有抺手紙同紙巾提供，雖然我覺得小朋友應該習慣自己帶手帕抺手，但學校真係好落本，肯為小朋友著想，如果佢地整到成地濕晒，好容易跌倒。至於課室，李金同樣提供左洗手液同抺手紙，但我在馮小課室真係見唔到，可能佢地收埋左啦 因為我覺得既然佢地在課室食飯，冇可能冇呢2樣野喎！
第四、兩位校長，我感覺蘇校長實幹D，聽佢個簡介會就知，好簡潔，學校同每科特色都好清楚；相反，馮小鍾校長好花枝招展，個簡介會上有時會講左第二D野，都唔關學校事(可能個HALL好局，我冇心機聽啦)！講真，我選議員我都投蘇校長一票啦

私人傳訊

積分: 17

8^#

發表於 11-9-24 23:57 |只看該作者

第五、唔記得講午飯時間，李金食12:10，而馮小食12:40，早上8:00到12:40食飯，都隔好耐喎！小朋友小息冇野食充飢，一定好肚餓！

第六、馮小個圖書館好似得一間課室咁大，而李金個圖書館就有2間課室咁大，小朋友可以自由在小息去圖書館，但馮小我冇聽到鍾校長話可以小息去！之前我睇莊啟程第二下午D討論，有家長明明話有閱讀時間同專睇英文書的時間，係小朋友自己中意帶咩書返學校睇，但宜家新校好似得午讀，係老師選定材料讀物，咁樣小朋友咪可能被迫閱讀，咁同做閱讀理解冇分別，咁點培養習慣呢？但李金推閱讀又真係好似莊啟程第二下午以前咁，返到學校就可以睇書，連老師都要做好榜樣一齊睇！兩間都係新校，點解個圖書館面積會咁唔同；相反，個舞蹈室馮小真係好大，好似大個個圖書館一倍，仲大個我阿囡向王仁曼學芭蕾個舞室。不過，我又諗學校個舞蹈組人數應該比圖書館使用的人數少D掛！唔通馮小鍾校長覺得跳舞係重要過小朋友使用圖書館？不過，我個女個日見到D姐姐跳舞，佢都好中意，但我真係覺得學校個舞蹈室駛唔駛咁大呀？

第七、課室設備又係李金好D！聽蘇校長講，佢地8月29日先收樓，但今日去參觀，D課室設備好齊全，有投射器同幕，電腦同實物投影機都有；但我去馮小當日，我個女玩攤位時，我去個間課室好似冇上述的器材，但馮小好似8月初就收樓架！不過，我諗呢D到我個女小一時，一定有啦，冇可能冇啩！所以呢點唔係我比較點！

私人傳訊

sensei

積分: 7324

好媽媽勳章

9^#

發表於 11-9-25 01:05 |只看該作者

路人甲雖然揀了何小，仍忍不住講講我的觀感。

功課或餐單方面，相信上這間校網會睇得倒，自己小朋友，唔好求其聽人講。我冇去過馮李，但我相信應該李金卂多些，若家長有心跟，相信李金英文程度會高些，因為實在很多練習英文機會。掃管芴三間小學因為不可同一時間上學放學，所以最後最早是馮李，跟著是李金，最晏是鄭任安。

若今年不是高班家長，明年一定要再去參觀。我一入李金就覺得，嘩，好有中學feel。中央派飯一定比在課室吃飯盒好，問題是學校夠唔夠大去處理。起碼蔬菜唔會黃晒，有營養好多。若要送飯盒去就鄭任安最慘，因為最遠頂。

總之，若我為我個小朋友揀這裡的學校，我會㨂李金，一來英文學習氣氛濃厚，二來升梁銶琚機會大些，銜接容易些。

私人傳訊

snakeman

別墅

積分: 538

10^#

發表於 11-9-25 11:28 |只看該作者

馮李聽校長簡介會,Hall冇冷氣冇心機聽走咗去課室參觀好光猛,空氣流通,的老師好nice

私人傳訊

carpisam

積分: 7731

11^#

發表於 11-9-25 12:32 |只看該作者

尋日我都有去睇李金, 我覺得睇唔到D咩
出年要睇多次

私人傳訊

積分: 2360

12^#

發表於 11-9-25 14:52 |只看該作者

回覆：李金同馮李佩瑤你會點揀？

原來馮李遲啲都有中央飯堂，佢本介紹書有寫。仲有，聽聞李金功課多過馮李，真係十五十六

私人傳訊

sensei

積分: 7324

好媽媽勳章

13^#

發表於 11-9-25 22:19 |只看該作者

將來升中有冇心儀？順德咪㨂李金，保記咪㨂番保記，教育理念相同會較易銜接。

私人傳訊

積分: 2360

14^#

發表於 11-9-26 10:45 |只看該作者

回覆：李金同馮李佩瑤你會點揀？

其實我心儀嘅中學暫時係陳瑞芝，所以兩間都ok。其實我同意李金個presentation做得好好，設施亦好好，又唔分精英班（呢樣我最buy！），真係好吸引。唯再仔細打考慮後，我最後揀咗馮李，一來兩間聯繫中學都唔錯，唯李金只得梁球鋸（譚伯羽有朋友話我知麻麻）；二來有幾個小學家長話我知，李金功課量其實比馮李更多，聽到都怕怕；三來李金要求每一個小朋友最少要學一種樂器，我嗰個只喜歡唱歌跳舞同畫畫，我都好想佢學琴，但係問咗佢好幾次，佢都say no，所以我冇迫佢；加上我覺得馮李嘅老師好有愛心（純粹個人認為），所以揀咗馮李。唉，宜家做家長其實都好大壓力，淨係選校我都有幾晚瞓唔好！

私人傳訊

Peggy25

複式洋房

積分: 433

15^#

發表於 11-9-26 12:59 |只看該作者

我囝正是讀馮李小一, 需然學校仲有工程設施未完成, 但大致都可接受.
上學時間係長咗少少, 但下午不要上課, 仲有時間做功課, 有啲學校上午要上7堂呀, 下午都要上一至兩堂.

		保良局西區婦女福利會馮李佩瑤小學
		2011-2012年度
		上午時段上課時間表
班別: 1
上課時間	DAY 1	DAY 2	DAY 3	DAY 4	DAY 5	DAY 6	DAY 7
8:05 - 8:15			班	務
8:15 - 8:55	英文	英文	中文	英文	數學	英文	英文
8:55 - 9:35	音樂	英文	常識	數學	常識	數學	英文
9:35 - 9:50			小	息
9:50 - 10:30	中文	體育	視藝	中文	英文	中文	數學
10:30 - 11:10	中文	數學	視藝	中文	英文	中文	電腦
11:10 - 11:20			小	息
11:20 - 12:00	數學	中文	數學	常識	中文	體育	圖書
12:00 - 12:40	常識	常識	英文	普通	普通	音樂	中文
12:40 - 13:40			午膳及午間活動
		下午時段上課時間表
上課時間	星期一	星期二	星期三	星期四	上課時間	星期五
13:45 - 14:05	通識課	午讀	德育及國民	午讀	13:45 - 14:15	午操及週會
14:05 - 14:50	拔尖補底	拔尖補底	教育/班級經營	拔尖補底		多元智能課
	(數學)	(英文)	及生活教育	(中文)	14:15 - 15:20	及
14:50 - 15:00		小	息			學科活動
15:00 - 15:20		功課	輔導
15:20 - 15:30		集隊及放學

我肯定每間課室及廁所內都有洗手盤及抺手紙(廁所內還有風機), 因我有回校做午膳家長義工.
此終新校, 需要時間去改善. 而選學校都要考慮該間學校適唔適合自己小朋友.

私人傳訊

sensei

積分: 7324

好媽媽勳章

16^#

發表於 11-9-27 00:12 |只看該作者

譚伯伯羽都唔差。聽何小校長講，譚收超過九成Band 1學生，其實有權同教育局申請所有科目用英文教，轉為英中，但譚是堅持母語教其中某些科目，所以有少部分仍用母語教學。

私人傳訊

sorachan

積分: 3507

17^#

發表於 11-9-27 01:26 |只看該作者

睇完李金各方面都很好唯獨是我個人覺得佢d 欄杆好" 呀煙" 其實當日不約而同有幾個家長都有咁既感覺 and then 個度真係好似冬凍夏熱咁... 本來我都心儀李金可能我本人憂心左d ..so 我都係安全第一為先打消左我入lk 既想法... 馮既"安全"我覺得比較優勝

祝大家都入到心儀的小學 ~~~

私人傳訊

09729loklok

水晶宮

積分: 57375

2024年龍年勳章畀面勳章環保接龍勳章 BK Milk勳章 hashtag旅遊勳章 hashtag影視迷勳章 DHA勳章育兒性格勳章開心吸收勳章

18^#

發表於 11-9-27 09:46 |只看該作者

譚伯羽都唔係差的
佢只係中中,可能家長無咁喜歡
想選番d英中

(我細佬都係譚伯羽畢業架,大學都讀完好幾年了
所以學校最新消息就不清楚了)

只有父母用一生的愛講一種道理
自那天哭一聲便繫著你心靈
陪著我數星星帶我探視美景
闡述了和平灌輸應有的防衛性
還指引我望事物用雪亮眼睛

私人傳訊

tuenmunbb

伯爵府

積分: 16627

好媽媽勳章

19^#

發表於 11-9-27 09:56 |只看該作者

李金校舍真係好似暗左d, 校舍中央無活動空間,
馮李校舍開揚d, 中間有大空地

私人傳訊