婆媳關係今日: 0|主題: 27697

收藏本版

發帖

返回列表

跳至頁

查看: 1300 | 回覆: 7

唔知post邊度先啱, 可以借個位呻下嗎? 無端端比自己阿媽鬧 [複製鏈接]

天使仔

大宅

積分: 1937

1^#

發表於 12-1-9 17:13 |只看該作者 |倒序瀏覽 |打印

本帖最後由天使仔於 12-1-9 17:15 編輯

上星期好涷o個幾日我女發燒, 咁因為我住o個區係好涷既, 相反我媽o個邊比較暖, 咁我媽就話比阿女去佢度幾日, 其實如果我自私d諗梗係好啦, 有人幫我照顧阿女, 但我成日驚我媽會辛苦, 而且我媽有心律不正, 阿女病既第二日佢先發作過, 所以我就話唔好, 但佢堅持話佢無事, 咁我都唔再堅持因我知我唔會改變到佢, 點知我老公來到時又同我媽講驚佢辛苦, 仲講左句話"成日都會咁涷架啦", 咁我都即時同我老公講話阿媽ok架啦, 當時都無為意.
到左第二日我上到去我媽就問我c6係咪唔鐘意阿女o係佢度過夜, 咁我話唔係, 我地都係驚佢辛苦, 點知佢突然間發惡鬧我, 話"我講左好多次話得就得啦, 講到口臭啦, 第時我唔會再出聲架啦, 個女係你既, 你要湊走就湊走啦, 我唔會再理, 你老公咁講令我好難堪", 我即時呆左唔識反應, 跟住我話"咁我地都係關心你, 佢唔識講嘢, 你唔好......."我都未講完佢就好大聲咁渴停左我, 咁我即時收聲, 我知同佢硬碰佢咩都做得出, 我驚嚇親阿女所以唔出聲, 之後佢又好似無事發生過咁照同我講嘢, 但當時我黑哂面好勉強咁應佢幾句, 平時以佢性格見到我咁一定會再鬧我, 但佢無, 就好似從來無事發生過一樣.
但件事過左三日啦, 我都係好唔開心, 我終於明白好心無好報點解

多謝聽我呻, 舒服d啦~

0 0 0

私人傳訊

mrswaikin

複式洋房

積分: 471

2^#

發表於 12-1-9 17:18 |只看該作者

兩母女無隔夜仇既, 過一排, 或者平心靜氣同佢解釋, 佢會明既...唔好唔開心!!

私人傳訊

Superbee

男爵府

積分: 5644

3^#

發表於 12-1-9 17:25 |只看該作者

兩母女無隔夜仇, 我諗你媽咪都係一時覺得你哋煩 (講咁多次話驚佢辛苦, 佢又答咗咁多次話唔辛苦), 所以先有咁大反應嘅啫。佢依家都無再嬲, 証明佢已經無將件事放喺心度, 咁你做女嘅都大方D唔好再嬲啦!

而且病人好介意人哋成日覺得佢哋咩都做唔到架, 同埋會特別敏感, 所以你哋嘅態度可能令佢覺得你哋唔放心將個女交俾佢, 咁佢咪覺得連個女個女婿都覺得自己無用囉!

話時話, 你有無幫媽咪喺屋企裝個平安鐘呢?