elf 寫道:
各位令令,我來啦!!!
band, 其實我聽你講而家既情況, 我都好明白感受係點, 屋企既經濟問題我都面對唔少, 講$就係傷感情, 呢個確係事實。不過學你之前同我講咁樣, 你都放鬆少少自己啦, 搵part time就慢慢來, 雖然$係重要, 但照顧band仔先係1st要務, 你老公未出糧, 呢三幾日錢銀係會緊張少少, 但出左糧就會好好多, 所以就算雙方都有d怨氣, 但一人讓一步, in case你老公發憫, 你都忍下啦(我明白你都好委屈), 無謂傷到大家感情, 至少要諗下band仔既感受....我都知道就算我講咩都好似冇咩用, 但我都希望你生活開心d, 好多野唔係有$就可以做到, 你向好既方面諗, 諗下一家人開心既時刻....就好似你之前安慰開解我咁同自己講番, 世界上冇十全十美, 愛情同面包好多時都唔可以並存, 既然已經選擇左, 倒不如俾多d信心, 俾多d勇氣去克服佢, 我好希望你可以幸福架!
Ivy124 寫道:
bandband
其實我都記得你講過話你仔仔有你講既問題,不過我唔想再提哩d野令你唔開心ja,但你都唔駛將d責任自己成擔晒架,你講o個d問題跟本你返唔返工都會發生架啦
你老公話你大駛,其實佢比得$3000你...你又點大駛呀 ,不過可能佢會認為自己搵得$7000已經比一半你,你都話唔夠..所以佢咪會咁話你ja,講錢失感情哩樣野..就幾時都係架喇
elf 寫道:
band,
你老公同你講電話都仲曉氹你....我BF尋晚打電話俾我....呢隻死野, 佢拎住個電話訓到"古古聲"呀, 我條氣唔順, 專登唔收線, 睇下佢幾時先醒......點知......我聽左半隻(5首歌)周杰倫既蕭邦.....隻衰野先札醒.... ...你話佢咁, 我有野想同佢講都冇機會啦(事實我真係有野想同佢講)!!