懷孕前後

收藏本版
發帖
返回列表
跳至頁

首頁
1234

尾頁
   6
babypoma


大宅

積分: 1480


1#
發表於 12-1-18 20:17 |只看該作者
本帖最後由 babypoma 於 12-1-18 20:18 編輯

今次係我第一胎 ~ 十一月頭發現有 B 而到月中已到廣華登記, 不過由於太多產婦所以只能安排到一月中先可以替我做中期唐氏檢查, 於是我 book 咗上年 12 月頭去私家照頸皮.

去到當日照時私家醫生發現 BB 頸皮好厚 (BB 已夠 12w), 於是即刻介紹咗我去另一個私家度再照清楚點, 而得出結論亦都係一樣, 佢話 BB 頸皮咁厚係好有問題, 可能係染色體又可能係結構出錯, 叫我諗吓好唔好抽絨毛尋求吓係咩事, 而佢可以寫封轉介信比我帶去政府度因平點 (係佢度要 $5700, 而政府只需 $150).

我真係無諗個 BB 會有事而又好似好嚴重咁, 於是係醫生面前即刻喊到失晒控, 而老公當時都好心痛呀 B 但佢好好咁係我身邊安慰我. 離開前私家醫生寫咗封轉介信比我帶去廣華, 而第二日朝去 KW 就即刻安排我下午就已經可以去見醫生. 見醫生時基本上佢同私家醫生講既都係差唔多, 不過佢就叫我睇定啲唔好咁快做啲咩決定.

而過多幾日就安排我去抽絨毛 (抽既過程都幾痛, 而事後我個肚同子宮亦痛咗個幾鐘呀). 好快兩日後就已經出咗個快速報告先將主要嗰 4 對染色體 check 吓有無事, 而結果係無事起碼 BB 唔係唐氏, 於是要等多兩、三個禮拜等埋其餘 19 對染色體既報告 ...... 又再等等等之後終於出咗報告而結果又係無事, 我地兩公婆即刻好開心因 BB 過咗個大難關喇, 於是心裡面都叫 BB 要繼續加油要過埋個結構嗰關呀 (因 KW 醫生話 BB 咁腫可能只係淋巴既問題 ~ 如果係就屬於少問題喇).

而 KW 醫生話下一步就係要等 BB 起碼夠 16-18w 就安排照結構, 而等咗差唔多一個月之後終於係上星期可以再去見 BB 喇 (16w). 問心, 理性地知道 BB 頸片咁厚同腫係好有問題, 但心裡面真係好希望好希望可以有奇蹟出現, 於是我地兩公婆就成日開口埋口都同呀 B 講野又計劃定將來咁, 希望 BB 聽到時佢都要加油努力呀. 於是到可以見醫生嗰日就懷住患得患失但偏向有多點希望既心情係醫院等咗兩個鐘, 但醫生邊照邊話結構好唔靚, 呀 B 頭腫既地方比起之前更加腫, 而唔知係咪因為太腫遮住咗所以照極都照唔到佢個胃, 而睇個心時隱約見到有個窿仔, 另外脊骨、手同腳都好似彎彎地, 當佢照時就叫我地唔使即時覆佢啲咩 (佢咁講情況真係幾唔樂觀 ~ 雖然佢無講出口但都知佢講緊人工流產)

我地個公婆都想睇多次先決定, 於是當日已經約咗明天去照多次, 如果情況都係差既, 就可能係後日去做人工流產.

其實經過上次照結構見到 BB 情況差咗所以都唔敢諗聽日會有啲咩奇蹟出現, 樂觀啲諗就會覺得由初初佢已經有問題到而家直頭有好多問題, 咁樣我地可以唔使十五十六唔知點做決定. 不過我真係好唔捨得呀 B, 見住佢係我個肚入面一日比一日大但到後日就要排走佢 (到時佢 18w 喇), 真係好心痛. 神呀, 求你可否將神蹟顯現, 如果 BB 可以健康我依個又怕痛又怕去醫院既就算辛苦點都唔會怕呀.
私人傳訊

kkttssng


侯爵府

積分: 23442

玩具勳章 畀面勳章 wyeth冷知識勳章 環保接龍勳章 大廚勳章 BK Milk勳章


2#
發表於 12-1-18 20:23 |只看該作者

回覆：頸皮7mm, 過到絨毛但過唔到結構 (較長篇~ 現18w)

要加油啊！
私人傳訊

Rac_bobo


大宅

積分: 1397


3#
發表於 12-1-18 20:29 |只看該作者
BB要加油呀!!
私人傳訊

心急做媽咪


大宅

積分: 1282


4#
發表於 12-1-18 20:35 |只看該作者

回覆：babypoma 的帖子

會唔考慮揾個私家問下意見呀？

私人傳訊

Wonderful-Baby


大宅

積分: 2351


5#
發表於 12-1-18 20:40 |只看該作者

回覆：頸皮7mm, 過到絨毛但過唔到結構 (較長篇~ 現18w)

你同BB都要加油'我都屬於高風險'好擔心'我們一起加油'
私人傳訊

Prettypig


伯爵府

積分: 19551

畀面勳章 大廚勳章


6#
發表於 12-1-18 20:58 |只看該作者

回覆：頸皮7mm, 過到絨毛但過唔到結構 (較長篇~ 現18w)

我琴日去照頸皮ultrasound，唔pass, 3.9mm, 係1：14，我聽到即時喊咗出嚟，喺下午我做咗抽絨毛，明天先有快速報告。而家都好擔心！希望你個bb都無事，平平安安出世。
私人傳訊

camaychanyip


大宅

積分: 4866


7#
發表於 12-1-18 22:40 |只看該作者
各位加油呀，我都係高風險呀..我1/44，但頸皮個D就好正常，我26/1都去做NIFTY唔抽羊水了，我都希望自己PASS，各位媽媽要努力，俾D信心自己，我當初都係甘CRY，但我地要冷靜，同埋保持平靜..我地一定無事架
私人傳訊

lovebabyking


珍珠宮

積分: 49665

開心吸收勳章 最關心BB問題熱投勳章 畀面勳章


8#
發表於 12-1-18 22:47 |只看該作者
BB要加油呀
私人傳訊

bebe0925


大宅

積分: 4336

畀面勳章


9#
發表於 12-1-18 22:49 |只看該作者

回覆：頸皮7mm, 過到絨毛但過唔到結構 (較長篇~ 現18w)

加油
私人傳訊

babypoma


大宅

積分: 1480


10#
發表於 12-1-18 22:50 |只看該作者
回覆 心急做媽咪 的帖子

我之前第一、二次已經搵咗私家睇, 而而家係 KW 睇我同老公都覺得班醫護人員好好, 佢地好肯答我地啲問題, 而且又盡量安排時間比我去睇醫生, 而檢查既過程一啲都唔馬虎次次都睇成差唔多半個鐘, 所以我地真係覺得好信得過佢地架、好幸運遇到佢地.
私人傳訊

海南雞飯


大宅

積分: 2740


11#
發表於 12-1-18 22:53 |只看該作者

回覆：頸皮7mm, 過到絨毛但過唔到結構 (較長篇~ 現18w)

放鬆啲！加油！
私人傳訊

camaychanyip


大宅

積分: 4866


12#
發表於 12-1-18 22:56 |只看該作者
我都覺得廣華幾好..個次我拎住份報告去KW，我已經忍不住CRY，個NURSE係甘安慰我仲同我分析，仲話可以即刻安排我抽絨毛，之後我話我想做NIFTY，佢話如果負擔得起個6000去做NIFTY好過，因為安全好多，同做抽羊水一樣準確度，之後我話其實仲考慮緊，個姑娘話，唔緊要啦，我俾個期你做抽羊水，如果你唔去做NIFTY，就照時間去抽羊水，不過我都最後決定26/1去做NIFTYY，但佢地好好，都安排左俾我先，最緊要係我真係好麻煩，又易喊，佢地都好有耐性.......
私人傳訊

babypoma


大宅

積分: 1480


13#
發表於 12-1-18 22:56 |只看該作者
我呀 B 頸皮又厚而照結構又咁差, 所以我同老公都好似已經打定輸數

我由上星期知道呀 B 最新情況咁差之後, 其實我心情一直都好 down, 啱啱知既時候又瞓得唔好, 之後就會諗而家呀 B 仲係我個肚入邊, 但過多一排佢可能要走時真係好唔捨得, 仲要係之前我都唔係好見肚, 不過依兩個禮拜佢突然大得好快 ... 好彩佢仲未識郁未開始踢我, 咁感覺仲未係最強.

或者長痛不如短痛???
私人傳訊

camaychanyip


大宅

積分: 4866


14#
發表於 12-1-18 23:00 |只看該作者
睇清楚D先啦，我26/1會去劉教授個到，佢都好似幫人做結構架，但我真係唔SURE，聽人講佢分析得好好，又詳盡，不如我睇完之後，同你分享下，你到時睇下搵唔搵佢CHECK多次LOR
私人傳訊

雙魚媽媽


別墅

積分: 520


15#
發表於 12-1-18 23:13 |只看該作者
加油
私人傳訊

finemotion


大宅

積分: 3374


16#
發表於 12-1-18 23:25 |只看該作者
你同bb都要加油
私人傳訊

babypoma


大宅

積分: 1480


17#
發表於 12-1-18 23:27 |只看該作者
回覆 camaychanyip 的帖子

佢地真係好好, 就算超忙有好多人等緊但都仍然超有耐心, 反而時時都叫我地唔好咁快做決定、睇定啲先.

係呀, 啲姑娘會幫我留定位, 如有需要可以有得睇醫生 ~ 從佢地既身上真係好睇到 "醫者父母心" 呀!!
私人傳訊

babypoma


大宅

積分: 1480


18#
發表於 12-1-18 23:31 |只看該作者
回覆 camaychanyip 的帖子

如果 26/1 我未必等到 ....

你要睇嗰個係咪即係劉子健醫生呀?? 頭先有個媽媽介紹咗比我, 我聽日會打去問吓呀
私人傳訊

samuekchak


複式洋房

積分: 444


19#
發表於 12-1-18 23:33 |只看該作者

回覆：頸皮7mm, 過到絨毛但過唔到結構 (較長篇~ 現18w)

無論係點你都要keep住心情開朗，加油。
私人傳訊

kennisay


別墅

積分: 630


20#
發表於 12-1-18 23:38 |只看該作者
你會唔會考慮搵個私家同bb照多次結構? 可能會有唔同意見嘛！

我12w去贊育做oscar, 出左黎個結果係high risk, 1:18! 姑娘幫我排左期18w返去抽胎水, 等待期間我地決定自己搵Prof. Lau做nifty, 如果合格就可以唔駛抽胎水.

當日prof. lau好細心解釋左nifty test俾我地聽, 仲幫我做左個好詳細既結構超聲波, 睇哂14w bb既器官正唔正常, 心、膀胱、胃、脊骨、鼻骨等等, 連blood circulation, 有冇倒流之類都睇到, 總之14w可以觀察到既佢都幫我睇左, Prof. Lau話bb發育好正常, 佢估我個case係false positive居多, 最後nifty出黎既結果都係正常, 屬於low risk.

我上網睇過d資料, Prof. Lau係中大教左十幾年, 照超聲波係行內好出名, 不如你試下叫俾佢睇多次, 俾多次機會自己, 亦都俾多次機會bb！

經歷過上次oscar high risk, 我絕對明白你而家既感受...你要好好加油, 同bb傾多d計, 俾多d信心bb！

呢個係Prof. Lau既contact, 希望幫到你:
http://www.hkparamount.com/

加油加油！
私人傳訊


首頁
1234

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見