懷孕前後

收藏本版
發帖
返回列表
跳至頁

首頁
1

尾頁
   6
babypoma


大宅

積分: 1480


1#
發表於 12-1-18 20:17 |顯示全部帖子
本帖最後由 babypoma 於 12-1-18 20:18 編輯

今次係我第一胎 ~ 十一月頭發現有 B 而到月中已到廣華登記, 不過由於太多產婦所以只能安排到一月中先可以替我做中期唐氏檢查, 於是我 book 咗上年 12 月頭去私家照頸皮.

去到當日照時私家醫生發現 BB 頸皮好厚 (BB 已夠 12w), 於是即刻介紹咗我去另一個私家度再照清楚點, 而得出結論亦都係一樣, 佢話 BB 頸皮咁厚係好有問題, 可能係染色體又可能係結構出錯, 叫我諗吓好唔好抽絨毛尋求吓係咩事, 而佢可以寫封轉介信比我帶去政府度因平點 (係佢度要 $5700, 而政府只需 $150).

我真係無諗個 BB 會有事而又好似好嚴重咁, 於是係醫生面前即刻喊到失晒控, 而老公當時都好心痛呀 B 但佢好好咁係我身邊安慰我. 離開前私家醫生寫咗封轉介信比我帶去廣華, 而第二日朝去 KW 就即刻安排我下午就已經可以去見醫生. 見醫生時基本上佢同私家醫生講既都係差唔多, 不過佢就叫我睇定啲唔好咁快做啲咩決定.

而過多幾日就安排我去抽絨毛 (抽既過程都幾痛, 而事後我個肚同子宮亦痛咗個幾鐘呀). 好快兩日後就已經出咗個快速報告先將主要嗰 4 對染色體 check 吓有無事, 而結果係無事起碼 BB 唔係唐氏, 於是要等多兩、三個禮拜等埋其餘 19 對染色體既報告 ...... 又再等等等之後終於出咗報告而結果又係無事, 我地兩公婆即刻好開心因 BB 過咗個大難關喇, 於是心裡面都叫 BB 要繼續加油要過埋個結構嗰關呀 (因 KW 醫生話 BB 咁腫可能只係淋巴既問題 ~ 如果係就屬於少問題喇).

而 KW 醫生話下一步就係要等 BB 起碼夠 16-18w 就安排照結構, 而等咗差唔多一個月之後終於係上星期可以再去見 BB 喇 (16w). 問心, 理性地知道 BB 頸片咁厚同腫係好有問題, 但心裡面真係好希望好希望可以有奇蹟出現, 於是我地兩公婆就成日開口埋口都同呀 B 講野又計劃定將來咁, 希望 BB 聽到時佢都要加油努力呀. 於是到可以見醫生嗰日就懷住患得患失但偏向有多點希望既心情係醫院等咗兩個鐘, 但醫生邊照邊話結構好唔靚, 呀 B 頭腫既地方比起之前更加腫, 而唔知係咪因為太腫遮住咗所以照極都照唔到佢個胃, 而睇個心時隱約見到有個窿仔, 另外脊骨、手同腳都好似彎彎地, 當佢照時就叫我地唔使即時覆佢啲咩 (佢咁講情況真係幾唔樂觀 ~ 雖然佢無講出口但都知佢講緊人工流產)

我地個公婆都想睇多次先決定, 於是當日已經約咗明天去照多次, 如果情況都係差既, 就可能係後日去做人工流產.

其實經過上次照結構見到 BB 情況差咗所以都唔敢諗聽日會有啲咩奇蹟出現, 樂觀啲諗就會覺得由初初佢已經有問題到而家直頭有好多問題, 咁樣我地可以唔使十五十六唔知點做決定. 不過我真係好唔捨得呀 B, 見住佢係我個肚入面一日比一日大但到後日就要排走佢 (到時佢 18w 喇), 真係好心痛. 神呀, 求你可否將神蹟顯現, 如果 BB 可以健康我依個又怕痛又怕去醫院既就算辛苦點都唔會怕呀.
私人傳訊

babypoma


大宅

積分: 1480


2#
發表於 12-1-18 22:50 |顯示全部帖子
回覆 心急做媽咪 的帖子

我之前第一、二次已經搵咗私家睇, 而而家係 KW 睇我同老公都覺得班醫護人員好好, 佢地好肯答我地啲問題, 而且又盡量安排時間比我去睇醫生, 而檢查既過程一啲都唔馬虎次次都睇成差唔多半個鐘, 所以我地真係覺得好信得過佢地架、好幸運遇到佢地.
私人傳訊

babypoma


大宅

積分: 1480


3#
發表於 12-1-18 22:56 |顯示全部帖子
我呀 B 頸皮又厚而照結構又咁差, 所以我同老公都好似已經打定輸數

我由上星期知道呀 B 最新情況咁差之後, 其實我心情一直都好 down, 啱啱知既時候又瞓得唔好, 之後就會諗而家呀 B 仲係我個肚入邊, 但過多一排佢可能要走時真係好唔捨得, 仲要係之前我都唔係好見肚, 不過依兩個禮拜佢突然大得好快 ... 好彩佢仲未識郁未開始踢我, 咁感覺仲未係最強.

或者長痛不如短痛???
私人傳訊

babypoma


大宅

積分: 1480


4#
發表於 12-1-18 23:27 |顯示全部帖子
回覆 camaychanyip 的帖子

佢地真係好好, 就算超忙有好多人等緊但都仍然超有耐心, 反而時時都叫我地唔好咁快做決定、睇定啲先.

係呀, 啲姑娘會幫我留定位, 如有需要可以有得睇醫生 ~ 從佢地既身上真係好睇到 "醫者父母心" 呀!!

私人傳訊

babypoma


大宅

積分: 1480


5#
發表於 12-1-18 23:31 |顯示全部帖子
回覆 camaychanyip 的帖子

如果 26/1 我未必等到 ....

你要睇嗰個係咪即係劉子健醫生呀?? 頭先有個媽媽介紹咗比我, 我聽日會打去問吓呀
私人傳訊

babypoma


大宅

積分: 1480


6#
發表於 12-1-18 23:39 |顯示全部帖子
回覆 samuekchak 的帖子

我都有咁同自己講呀, 但每當諗起件事個心就好 "up" 喇, 而諗起既時間係會好密咁出現, 我估真係要等到所有事平息晒落黎我先可以無事
私人傳訊

babypoma


大宅

積分: 1480


7#
發表於 12-1-18 23:45 |顯示全部帖子
回覆 kennisay 的帖子

多謝你既資料呀, 我聽日會打去問問.

而我之前係 KW 照結構時個醫生睇完又睇, 係第一次睇話唔太清楚, 於是叫我出去行吓而隔幾個字再返去照過, 過程中佢邊照黎照去又邊講解比我聽有咩事. 而當中最大問題相信應該係 BB 頭腫既情況好嚴重, 比起初頭又腫咗 ... 所以好似唔太樂觀咁
私人傳訊

babypoma


大宅

積分: 1480


8#
發表於 12-1-19 11:57 |顯示全部帖子
我今朝打咗去 Dr Lau 度喇, 佢可以安排我今日下晝去睇, 不過問價後要成 $5000 好貴

如果呀 B 踩界我應該都會照睇, 但而家係政府度照完都有幾多問題好似唔太樂觀, 我諗住等陣間去政府度照多一次然後再同老公商量吓先決定去唔去 Dr Lau 嗰邊
私人傳訊

babypoma


大宅

積分: 1480


9#
發表於 12-1-20 10:37 |顯示全部帖子
回覆 2CupsOfT 的帖子

好多謝你咁詳細講 Dr Lau 既醫德我聽, 說真的, 之前聽有咁多媽媽介紹佢都知佢好, 而聽完你講之後更加睇到佢好有醫德, 奈何真係太貴喇.

而我尋日睇完 KW 醫生佢同我好傾咗 40 分鐘期間好詳細分析、解釋比我地聽, 所以 BB 個情況都好清楚 ... 應該都唔太樂觀 ........
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見