家庭理財 今日: 3|主題: 46259

哈哈！唔知點解，原來香港真係咁多人做水魚，倫敦金騙案其實存在了幾十年，不過就每次爆出來都一定有人上當，呃人的技倆其實不外如是都係那幾招，假如真係想做倫敦金賺錢，就自己去銀行開戶，自己做買賣啦，錢唔會自己送上門俾你的，係要你自己去做單才可以賺回來的，假如真係咁簡單，開個戶口就有人會幫你賺錢，點解人家要替你買賣賺那雞碎咁多的佣金？

今次終於等到報紙都出埋新聞，等我也把這超連結記下來，讓所有人都來看看。

http://www.singtao.com/yesterday/loc/0125ao10.html

其實呃人的技倆，我在上次的文章早就講得好清楚，有興趣的不妨來看看。

至於係咪真係做倫敦金純粹係騙局？我又可以肯定話你知，這個市場絕對唔係呃人的，的確係存在的，只係有些立心不良的人，以此來呃人，假如你真係有本領，係可以在市場上賺到錢的。

我網誌右手邊的超連結，就有外匯俱樂部成員(1)的網誌，裡面所記載的，全部係每日操作的成果，而我們每日在線上一起聊，證明其交易係即時通報出來，絕無吹水作大的，單係計算一下，每次交易賺了多少美元，就知道佢賺左幾多，其實我都羨慕到流晒口水架，只可惜我還未打算正式買賣倫敦金，所以暫時就只係得個睇字算啦。

計算佢賺左幾多，其實好簡單，中銀係標準的一手100安士，假如買賣一手淨賺1美元，即是實際賺了100美元，有興趣的，不妨同佢計算一下，這個月買賣黃金佢賺左幾多。粗略估計，這個月都起碼可以出雙糧，係咪羨慕死呢！

想要在投資市場上賺錢，就努力點去學習啦，千祈唔好諗住有不勞而穫，否則只會做水魚被人呃就有份。