吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 兩歲食飯問題

少年成長今日: 2|主題: 15856

收藏本版

發帖

返回列表

跳至頁

樓主: Yoio

兩歲食飯問題 [複製鏈接]

ohmykids

大宅

積分: 1486

畀面勳章

21^#

發表於 12-3-23 18:44 |只看該作者

本帖最後由 ohmykids 於 12-3-23 19:24 編輯

回覆 Yoio 的帖子

又係食飯問題，哩個topic每星期最少出現一次，睇吓以下兩個之前嘅post幫唔幫到你？

“佢對食的興趣一向唔大”-- 揾出小朋友唔鍾意食飯嘅原因，一切就易解決~~

“有時要睇住書, 最近仲開始在highchair上轉黎轉去, 餵佢又推開我隻手, 唔肯食...”-- 仔仔食飯通屋走，可以點做

“餓佢佢又唔覺餓, 我又衰, 有時忍不住俾佢食零食”-- 俾零食佢唔叫做餓佢囉!!! 如果你咁好彩冇長輩壓力要餵要氹，狠心d唔食就收碗等下一餐，中途唔好心軟俾零食佢，睇吓佢下餐食唔食？

肚餓食飯係本能，人餓就會食，飽你迫佢只會變煩同討厭，唔係淨係唔鍾意食飯，係連你都唔鍾意埋，何必將自己擺係呢d位，最慘係你肯做晒衰人都無用，無人會感激你，最長遠而理想嘅方法就算唔係要佢超鍾意食嘢都起碼唔係憎，但你所用嘅方法只會令佢有被迫同唔願意嘅感覺，無論係對食同你哋嘅關係都唔會有好結果，不如放鬆少少(小朋友食量、驚佢太瘦、唔夠營養等)，加上多多堅持(話過唔俾零食就唔俾、唔怕佢扭、夠鐘就收碗等)，信我，你會成功!!!!!

點評

Yoio 講得好好~~~ 多謝你呀!!! >.< 我會努力! 發表於 12-3-23 22:14

私人傳訊

mimibebe

別墅

積分: 595

22^#

發表於 12-3-23 20:04 |只看該作者

本帖最後由 mimibebe 於 12-3-23 20:11 編輯

呢個係我既經驗, 同大家分享一下:
我個細女剛滿三歲, 早晚仲有飲牛奶(奶粉開既), 係學校老師話佢食早餐同LUNCH OK (我搬左返大陸住, 所以阿女讀既幼稚園係返全日有早餐同LUNCH) ,但返到屋企就死都唔肯食飯, 日日個工人氹佢食一碗飯, 足足氹佢45分鐘都未必食得曬!! 見到都忟!! 佢已經細粒過人, 連醫生都話佢太細粒要去CHECK下先得. 我地更加擔心! 我地試:
1)過買D得意既餐具, 無效!! 係2個女都人無效!
2)用貼紙, 吃完就可以有一個, 集齊N個就有GIFT, 第一刻OK, 但食左幾啖番就完全無用! 諗住可能佢仲細唔記得, 再提下佢, 都無用!
3)佢鐘意吃橙, 就橙NO飯, 又係幾啖後唔得!
4) 食完有朱古力, 有水果, 有XXXXX都唔得!
5) 試過唔食就打PATPAT, 喊到收唔到聲, 雖然食, 但都無理由日日都打!

我一直同個工人講, 呢D人應該送去山區度住, 等佢地要行幾個鐘先返到學, 擔幾個鐘頭水先返到屋企有杯水飯. 我好希望有日2個女跪係度求我比飯佢食! 雖然有D變態, 但日日氹佢地吃飯真係好煩, 山區的小朋友想吃都無得吃, 你地仲要我地又氹又GIFT都唔肯食.

直到新年的旅行, 我終於有救! 話說今個新年我一家幾口自駕遊返大陸旅行, 本來諗住帶奶粉比細女, 等佢餓都有野食, 點知出門口時太衝忙, 漏左係屋企. 到我發現時已經行成百公里. 無理由返屋企攞.

一開始佢又唔食呢樣, 又唔食果樣, 咁我地都無計, 唔食就算啦! 到你餓就食! 過左半日, 佢餓到頂唔順, 佢終於食番剛才話唔食既蛋都成隻食曬, 之後每當我地停車食野時, 佢乜都食!仲自己食, 食得好快. 如是者6日的旅行完左, 呢6日食得好好, 返到屋企比番牛奶佢飲, 又變番原本咁樣! 過左幾日再去旅行, 今次我地專登唔帶奶粉比佢, 又係食得好好. 發現阿女唔飯牛奶後, 食野多左快左, 雖然有時都會食唔曬D飯, 但只少半碗都一定無問題!同有樣好重要既野, 就係飯前既2小時, 我除左水之外就乜都唔比佢食.

點評

Yoio 謝謝分享! 發表於 12-3-23 22:16

Yoio 我個仔淨係夜晚飲奶ja.. 不過我都覺得佢根本冇試過餓, 所以要開始狠心d! 發表於 12-3-23 22:15

私人傳訊

mimibebe

別墅

積分: 595

23^#

發表於 12-3-23 20:10 |只看該作者

呢個做法已經做過個幾月, 呢個幾月佢食飯好左好多, 有時要我地餵, 但都肯食, 而且會同講, 你食唔曬D飯, 水果同之後食既野一概無佢份. 當試多幾次無份食野, 佢就知道阿媽係講真既.
同有一樣野我覺得媽媽要留意, 就係飯前小朋友食左零食, 係咁既情況就隨佢地唔食飯, 大家都知食左呢D野, 仲邊有胃口食飯,與其同佢地搏斗, 不如開開心心吃完餐飯仲好!
好多時我地都要堅持, 唔食就唔好食, 到下一餐先食, 餓一餐第二餐佢地就知驚, 而且係香港, 唔會有小朋友因為食少左一餐而有問題!
呢個係我經驗之談, 希望幫到大家!!

私人傳訊

Karismama

複式洋房

積分: 401

24^#

發表於 12-4-4 22:13 |只看該作者

回覆：兩歲食飯問題

我都係啱啱生完，細佬仲有一個禮拜先滿月，但係兩歲9個月嘅大女就好反叛同成日發忟憎，之前食飯會坐底不反，但今日同我講食唔落，你迫佢佢又發脾氣又咸！好多時我認為係細佬出世，佢想我地照顧家姐，但我其實都唔知應該要教返好家姐先，定係錯就鬧左先，次次鬧到佢大咸我又好內疚！

私人傳訊

Minnie2010

珍珠宮

積分: 40205

25^#

發表於 12-4-5 00:23 |只看該作者

我個女仲曳，不肯坐定定。

佢唔怕肚餓。我強迫餵佢，佢會嘔和喊。

私人傳訊

kingbbsam

男爵府

積分: 9596

2018復活節勳章最關心BB問題熱投勳章畀面勳章

26^#

發表於 12-4-5 14:29 |只看該作者

我仔都係對食興趣不大, 食既種類唔多, 好多時見個碗有佢唔鐘意食既野就唔食

前排佢出牙, 無食飯超過一星期, 我知佢出牙所以有俾面包佢, 但耐左發現唔對路, 好似知道佢唔食我都OK, 會從high chair抱返佢出來

之後就唔食都要佢坐係度10mins, 用餓呢招, 真係work!! 不過你要堅持, 零食生果面包都唔俾, 就算俾都一兩舊, 知佢餓就下餐早D開餐, 如果你堅持到, 其實第二第三餐佢一定會食返! 因為肚餓

至於玩住食, 佢歲半前仲有拿住一個玩具玩住食, 突然有一天我想佢戒, 就唔再俾, 堅持幾天, 可能又係要餓佢幾天, 因為無玩具可能唔肯食

自從佢肯自己拿起匙食, 我無再餵佢, 初頭要不在佢身邊, 扮忙點都好, 但有時見佢食到後面好累, 會幫佢"不", 等佢自己拿起匙食

私人傳訊

edpo

大宅

積分: 3717

27^#

發表於 12-4-25 02:56 |只看該作者

我個B剛兩歲，吃飯份量都ok，好多時都係我餵，佢自己食都得，佢都唔抗拒，但佢好似唔多識「不」飯，而家我lazy左，唔開high chair比佢，叫佢坐飯桌前大人chair，佢有時都會行開，叫佢又會番來，但係睇書同玩下車仔就好似一定要有，可能真係我或者係以前工人湊開時竉壞左...

私人傳訊

no_mood

大宅

積分: 1449

28^#

發表於 12-4-25 11:00 |只看該作者

回覆：兩歲食飯問題

我阿女一直對食飯都係麻麻地，所以為了她多吃一口飯，一直養成了很多不良習慣。我一直想改變但又怕她越來越瘦，因為聽人講這樣的小朋友不懂肚睋，一餐冇得食，下一餐一樣唔會食。後來有一次她腸胃炎，又痾嘔又吃不下，兩三天後她自己出聲要吃這吃那，我就明白她是有肚睋的時候的。之後，我就實行限時吃飯，不吃也要坐到夠鐘，冇玩具冇電視，當然少零食和飲食定時。但就會餵她（如感覺她手仔攰的話）。間唔中會煲下開胃湯俾佢飲。

這樣，她餐餐都食到定量的飯餸，偶然會添飯，當然不會突然變肥妹，但起碼平隱生長，醫生也說跟著生長線去。最重要不用餐餐打仗，她也不抗拒埋枱食飯，也好肯自己食。

私人傳訊