我個仔就來14個月,昨天play group 有個博士旁觀來做評估,下課後我同佢講我覺得好困擾,我覺得個仔好煩(其實我唔想咁諗),我好唔開心,佢同我講咗好耐,佢話我個仔已經進入咗trouble 2,我話有排都未两歲喎,我咪有排受?佢安慰我話當佢讀書(n1/k1)開始學紀律就會有改善,忍耐下,唔好諗住佢平時都識嘅野點解要佢做時又唔做,千奇唔好諗佢突登玩對抗,其實佢都有情緒,大人都唔係你講咩都照做,何況bb,所以大家一齊努力
你有冇試過同佢講「你尖叫令媽媽隻耳仔好痛,媽媽好唔開心呀?」佢會唔會因為你唔開心而停止尖叫?又試者你有冇試過直接同佢講,要佢用言語黎表達,唔好只尖叫?
有時亞仔尖叫時,我就會好細聲在佢耳邊同佢講「咮~ 細聲D...我地一齊講野細聲 D 好冇?」佢又真係會STOP 左,好留心咁聽你講乜(可能佢八卦掛 ),你都試下,睇下WORK 唔 WORK ^^