想生BB 今日: 13|主題: 109094

收藏本版

發帖

返回列表

跳至頁

查看: 7096 | 回覆: 99

12 3 4 5

積分: 1285

1^#

發表於 12-5-4 11:33 |只看該作者 |倒序瀏覽 |打印

結婚幾個月後發現2邊卵巢有朱古力瘤，1邊7cm大，1邊4cm大!睇過2個西醫，1個建議做手術先，1個建議試下自然懷孕先!因為做完手術會影響自然懷孕的成功率!所以buy第2個醫生，同期開始睇中醫，睇下有冇機會整細粒瘤!睇咗半年，再去睇西醫發現2粒瘤都冇大冇細!當然有失望啦，但至少冇惡化!開始少睇中醫，之後開始每黎m都會有一日腸抽筋!頂咗3個月，終於頂唔順要求醫生安排做手術!再check時，2邊瘤都分別大咗1cm!而腸抽筋原因係因為其中中一粒朱古力瘤"chi"咗少少上直腸度，所以m黎會搞到我腸抽筋!
好快咁約咗幾星期後喺C+做手術，手術好成功!切晒2粒瘤，而且好幸運唔需要切我任何一邊的輸卵管!做完手術後，醫生話黎完第一次M可以開始試懷孕!仲叫我開始每早量體溫!下次M到第一日再約時間上去見佢!
結果，手術後第一個CYCLE當然唔中啦，而體溫亦唔叫好好!雖然係咁，但有D慶幸自己仲後生，仲有幾年先30歲!醫好個病仲有時間慢慢試!而今次醫生開排卵藥俾我食，mark低邊幾日要dodo!食咗排卵藥之後，d體溫靚咗好多..而食排卵藥的cycle會比之前短幾日，around 28-30日到，因為食咗藥會早咗排卵!第一次食，我成34日先黎m，醫生睇我體溫表時以為我有咗bb..因為d體溫升得好靚! 但又要再努力啦，食到第3個cycle排卵藥，次次都話我d體溫好靚，但如果食埋呢個cycle都唔中就要去check輸卵管睇下係咪塞咗!其實自做完手術一直以為黎m會唔再痛得咁緊要，但可能自己本身血氣唔好啦!黎m仲係要食止痛藥!而屋企人開始日日燉花膠比我食，因為滋陰!
到最後一個cycle，今年2月，醫生安排我去照輸卵管，亦開多一次排卵藥俾我食..因為佢覺得我d體溫一直好靚，唔好waste呢個cycle!加上自己上bk睇，好多jm都係照完輸卵管個cycle bingo的!結果，呢個cycle真係bingo!第一次用6d係有淺線!真係苦盡今來，每個月要承受黎m時的痛+m完都會有d"敘"痛!每次m痛就會令我好想快d有bb，因為唔駛再suffer呢種痛!
至於心得，我媽覺得我係食花膠食得多所以咁，因為真係一星期食足6日，早晚各一大碗!真係屋企人用咗好多錢買花膠俾我食!我就覺得係照咗輸卵管關係，因為醫生都話我可能係輸卵管入面有d"潺"，所以通一通就搞掂!而自己心情唔覺得好relax，最後呢個cycle我比之前緊張架，因為見好多jm都係照完輸卵管就bingo! 不過呢個cycle排卵後我就再冇飲coffee，花膠照食!至於d jm話食dark chocolate，我都係每日食少少milk chocolate! 而做運動我都有，依然keep住一星期跳2次舞+打羽毛球一次!另外晚晚都有著暖宮褲同埋著襪瞓!因為我個人比較怕涷，想易d bingo都要個肚夠暖!涷飲都戒咗好耐，因為中醫話我個底子係唔啱食生冷野!諗起自己以前唔生性，m到都照食生冷野，成日諗住痛咪食panadol lor!
至於bingo後其實反應唔算大，有d jm話會覺得nipple痛!我又冇;分泌多+水狀，我都冇!只係有d 好似谷m feel咁，但我成日都叫自己唔好亂諗，可能係谷m jie!直至day 28，自己冇啦啦心血來潮準備執衫去跳舞時，手痕check 6d見到有淺線先知自己bingo! 結果開心完係喊..因為要放棄跳舞一段長時間!不過，當然係有BB好啦!我同老公等咗好耐啦!
我知道等bingo條路可以好漫長，所以更加要多d跳下舞令自己個人開心d，relax d!同埋個人都冇咁易肥嘛!我相信，bb係你的..就點都會chi實你!
今日我已經係12w6d啦，bb已經有6cm大啦，so far冇嘔冇見紅冇流啡，暫時肥咗2磅!希望keep到唔好肥得太多啦!
祝各位jm早孕及好孕!