夫婦情感

收藏本版
發帖
返回列表
跳至頁

首頁
12345...6

尾頁
   7
carrie_1102


伯爵府

積分: 19211


1#
發表於 12-5-5 23:42 |只看該作者
件事已經發生左成年...今日我終於有勇氣講出黎~
但比較長篇..我依家真係好迷惘....希望大家可以比d意見我!!!

上年年初,無意中嚮msn睇到c6既history...
發現佢襯我返工既時候(果陣我返shift,有時會收10點11點咁)..約左個女網友出黎"車震"
其實我睇到既內容並唔係真係"車震",只係攬攬錫錫同周圍摷果d...(因為佢地既對造內容好入骨)
發現既時候已經係過左半個月喇~
我好記得睇到果日我忍左成日...(果日我放假,c6要返工)
佢收工返黎我扮冇野...

到半夜,佢玩緊電腦,我嚮房sms佢..同佢講:叫佢放心去玩..我要同你離婚!"
當然佢即刻問我發生咩事...我乜都冇講,亦都冇覆佢msg~
跟住佢就話唔訓..又話要死果d~
我一句都冇同佢講過發生左咩事~
佢成晚就攬住我訓~

到第二朝,大家都返緊工,我就sms佢..
同佢講:你做d咩我都唔會有感覺...你傷得我好深!"
佢:對仔女仲細,,唔可以分開,究竟發生咩事?(我諗佢已經開始驚,亦都get到我知道d咩)
我:你去搞女人...搞到連個家都冇埋,我唔會原諒你~
佢:我冇搞,我放工就返屋企...冇約個d女仔出去...(一大堆廢話)
我:你同人去車震仲呃我?又問人high唔high?洗唔洗我print出黎比你自己睇返~
佢:你係咪唔信我?
我:係...就係因為我太信你,你做乜我都唔會理...但原來一個對左5年幾既人係咁對我!我真係好傷心!
佢:(即刻死狗)叫我比機會佢果d..話一定冇下次..做個好老公好爸爸...(又係廢話一堆)

果晚佢黎車我收工...其實我嚮公司已經喊死左~
見到佢我冇出聲,佢都冇講野...
返到屋企,我食完野就沖涼訓覺...
之後幾日我都冇理佢...我只係嚮facebook打我既心聲...
果陣我真係以為我既世界已經玩完...

到後尾,我同左佢屋企人講(唔係6299)...
佢話唔會再有下一次...終於我都心軟原諒左佢...
最大既原因係因為我兩個小朋友仲係好細個...我唔忍心佢地變左做單親~
同埋我仲係好愛呢個男人~

成件事我屋企人係唔知~只有朋友知道!
我撐得好辛苦!呢一年裡面..初初佢係有變好..完全唔玩電腦,唔講電話~
過左兩三個月,佢又開始玩返電腦(其實係打facebook d online game)
都唔緊要...我覺得既然比左機會佢就要比d時間佢改變!
我亦都因為呢件事決心要轉工,返朝9晚6..因為實在唔想頭家會散~

佢好鍾意玩車,一到weekend都會同d朋友出去飛...
10次有7次會帶我去...都係佢一齊開工既朋友...
呢幾個月,我地成日都嘈交...因為開始唔信佢...
因為工作需要,佢有兩個電話號碼...
一個係朋友果d,另一個係客打比佢既~
客打比佢果個電話佢set左password,我入唔到...
其實我係知道password...我亦都試過入去睇...
每睇一次,我都會傷心多一次...
唔係睇到d乜野,而係見到佢同d女仔玩交友apps傾計...

呢兩個月我地嘈得好犀利!!!
因為佢收工返黎...連食飯都拎住個電話打msg...
我真係好嬲...
有晚佢又係咁,我就叫佢比個電話我睇下..有咩咁好傾~
跟住就開始嘈..佢話我唔信佢...又話大家咁樣一齊有意思咩??
我淨係識得喊~果刻我真係好想走...我覺得留嚮呢個屋企真係好冇意思!
但係一諗起對小朋友,我就唔忍心~~~同埋唔捨得!(其實我6299對我好好)
於是我就出房冷靜~第二日佢好夜先返...佢故意避開我~
果晚我收工就自己嚮條街度hae...hae到10點幾先返屋企..一個人坐嚮度喊~
淨係覺得好冇助!!!(其實之後連續幾晚我都自己走出街唔想返屋企見到佢)
我99都聽到我地嘈交...幫我話過c6..叫佢唔好成日出街果d...

一路忍...到琴晚我見到佢又玩apps,我就同佢講我地有共同朋友果d..
佢就發惡話我特登試佢...又話我唔信佢..大家條路只會越走越遠~
跟住我話人地冇同你講過野...
佢就繼續講:上次嘈交我已經上過律師樓問晒d野..你再係咁樣試我唔信我..我就會上去簽字~
我冇出聲..自己走左出廳喊
返到入房...佢見到我就問我係咪喊?
佢都get到自己講錯說話!跟住又dum返我...

其實佢琴晚講果句說話,我聽到已經心死左一大半...
我一次又一次咁容忍佢...佢就一次又一次咁挑戰我底線!
佢知道我為左對小朋友唔會走...佢知我會心軟~
係!冇錯!我真係覺得自己好懦弱!!!
我冇勇氣離開呢個我地一齊建立既家!!!
我真係好迷惘!!!究竟個天想我點做?

為左呢個屋企...小朋友,我放假都唔會出街...嚮屋企湊佢地~
我c6好耐冇比家用我...工人,保險,小朋友既支出全部都係我擔晒上身~
佢既錢就淨係供佢架車,入油果d...呢d我唔計較,因為兩公婆實在冇得好計~
但最基本佢唔養我..咁都要盡返d責任養對小朋友..
family day好少~佢話冇錢..我唔介意!

但原來我一直去做一個好老婆,希望佢有變好既一日..我係錯晒!!!
佢依家比我既感覺係越黎越放肆....
男人有自由去識朋友,冇問題...唔係因為我大方,係因為我唔想大家再為d無聊事嘈~
但佢每次都挑戰我底線~我真係好傷心!
我依家唔會再睇佢電話...我覺得只會令自己唔開心...
我亦都同佢講到明...唔想再嘈交,因為真係好影響我地既關係!

今晚佢又出左去睇朋友玩車...我冇阻止佢,只係叫佢早d返...
佢份人係唔會聽人講野..連99都唔聽...
我覺得越迫佢只會有反效果!

究竟我應該點做??
留低我覺得自己連dd尊嚴都冇...
走,我真係唔捨得~
我覺得自己同緊個廢人一齊!!!
一個唔比家用,周圍識女仔當老婆唔存在既人,值得我為佢折磨自己咩?
佢琴晚句說話(律師樓)真係好hurt我~我真係好亂好想走....
想走既原因係因為我覺得自己既情緒開始有問題...真係好怕自己會有抑鬱!
我依家係完全唔想見我任何朋友,又唔想理對小朋友..一返到屋企就入房...
好怕好怕自己會出事!!!

對唔住要大家用咁耐時間睇我篇野...因為我真係搵唔到人傾~
我覺得我個世界開始變灰...以後條路應該點行???

私人傳訊

YURICKY


公爵府

積分: 28469

畀面勳章


2#
發表於 12-5-5 23:50 |只看該作者

其實我個心已經死左大半...(好長篇)

為左仔女，你要堅強落去啊! 我明你感受架，我都捱過左，你都得架

點評

carrie_1102  我知自己要堅強!!!但係撐我好辛苦!!!  發表於 12-5-6 00:02
私人傳訊

hotracy918


大宅

積分: 4925


3#
發表於 12-5-5 23:52 |只看該作者

其實我個心已經死左大半...(好長篇)

對仔女幾大呀？

點評

carrie_1102  一個5歲,一個兩歲半~  發表於 12-5-6 00:02
私人傳訊

Chunmama509


男爵府

積分: 7317


4#
發表於 12-5-5 23:58 |只看該作者
如果真係維持唔到，分開都唔係壞事，加油

點評

carrie_1102  唔捨得,唔忍心...唔想離開呢個家~  發表於 12-5-6 00:03

私人傳訊

Linda20


大宅

積分: 4078


5#
發表於 12-5-5 23:58 |只看該作者

其實我個心已經死左大半...(好長篇)

可唔可以帶小朋友返外家？你自己有冇做野？

呢個男人冇野值得你留戀，一個未定性嘅人唔值得有一個家！

堅強啲！

點評

c雅    發表於 12-5-12 01:08
私人傳訊

Nancy20090615


瑪瑙宮

積分: 128365


6#
發表於 12-5-6 00:00 |只看該作者
又無家用, 又有女人, 佢又當您透明, 點解重要同呢 d 人一齊.

點評

iluvmeeself  唉。。有時D野好難講。。我果件都係又無家用, 又有女人, 佢又當我透明。  發表於 12-5-6 12:23
luck_tang    發表於 12-5-6 11:17
私人傳訊

8938


男爵府

積分: 6521


7#
發表於 12-5-6 00:03 |只看該作者

回覆：carrie_1102 的帖子

離開才會有更好的生活，好好愛自己，才可愛仔女

點評

purple_onion  agreed  發表於 12-5-6 01:13
私人傳訊

mrslai1314


大宅

積分: 1079


8#
發表於 12-5-6 00:07 |只看該作者

回覆：其實我個心已經死左大半...(好長篇)

如果你繼續同呢個男人一齊令情緒出現問題，受苦的最終都係小朋友。媽媽為了佢地而委屈過活，小朋友令開心嗎？而且，有名無實的一個家亦不見得能讓對小明友正常成長。既然如此，長痛不如短痛啦！

勇敢些，日子會變好的！

點評

carrie_1102  我實在冇呢個勇氣!!!撐得好辛苦!  發表於 12-5-6 00:10
私人傳訊

carrie_1102


伯爵府

積分: 19211


9#
發表於 12-5-6 00:08 |只看該作者
Linda20 發表於 12-5-5 23:58
可唔可以帶小朋友返外家？你自己有冇做野？

呢個男人冇野值得你留戀，一個未定性嘅人唔值得有一個家！

我曾經諗過將件事講比媽咪知...但我真係唔忍心...我唔想佢傷心~
返外家絕對冇問題,我娘家有房可以比到我住...但小朋友,細果個跟慣左姐姐,大果個又要返學...
我住新界,娘家嚮九龍~
我有做野...我有足夠能力養到自己同小朋友..因為一路以黎所有野都係我擔晒~
係~佢真係一個未定性既人...我開始對呢個人好陌生!!!
個心好亂~~~

點評

luck_tang  加油！  發表於 12-5-6 11:20

私人傳訊

on324on


複式洋房

積分: 358


10#
發表於 12-5-6 00:08 |只看該作者

回覆：carrie_1102 的帖子

呢個世界好大，人都有好多情字，有親情、友情...唔好只唸你老公，無佢一樣可以生存，你又唔駛靠佢怕乜？人地要靠老公樣就要驚，你只要放得底就ok!呢個世界無話無左邊個唔得！

點評

carrie_1102  就係冇勇氣去行呢一步~  發表於 12-5-6 00:13
私人傳訊

黃皮蛋


禁止訪問

積分: 936


11#
發表於 12-5-6 00:09 |只看該作者
提示: 作者被禁止或刪除 內容自動屏蔽
私人傳訊

NobleLo


大宅

積分: 1500


12#
發表於 12-5-6 00:13 |只看該作者
唔好咁唔開心，起碼你仲有一對寶貝仔女，加油呀！！

點評

carrie_1102  多謝你~  發表於 12-5-6 00:15
私人傳訊

chercher68


伯爵府

積分: 15831

最關心BB問題熱投勳章 DHA勳章 玩具勳章 畀面勳章 大廚勳章 冬日勳章 春季勳章 炎夏勳章 秋日勳章 BK Milk勳章 hashtag影視迷勳章


13#
發表於 12-5-6 00:13 |只看該作者
同佢講清楚,你將會離開一排,等大家用時間睇下有幾需要對方!
<img src&quot;http://winnie.invoice2u.com/picture/winnie45.jpg&quot;>
私人傳訊

珠珠妹dy


禁止訪問

積分: 1795


14#
發表於 12-5-6 00:17 |只看該作者

回覆：其實我個心已經死左大半...(好長篇)

提示: 作者被禁止或刪除 內容自動屏蔽
私人傳訊

陸嘉妍


大宅

積分: 4703


15#
發表於 12-5-6 00:17 |只看該作者

回覆 回覆:carrie_1102的帖子

佢真係好過份，

點評

carrie_1102    發表於 12-5-6 00:27
私人傳訊

黃皮蛋


禁止訪問

積分: 936


16#
發表於 12-5-6 00:24 |只看該作者
提示: 作者被禁止或刪除 內容自動屏蔽
私人傳訊

fionfu


子爵府

積分: 10407


17#
發表於 12-5-6 00:26 |只看該作者
既然同6299住,關係又唔差,不如試吓行開一段時間,係長時間果隻,工人錢,你照比,一有時間返去睇吓仔女,
小朋友伙食佢比,佢做老豆仔女跟佢姓應比嘅,6299跟跟眼,行唔行得通?

點評

carrie_1102  我有諗過咁做...但要諗清楚先~因為對小朋友都好&quot;痴&quot;我.我驚對佢地會有影嚮~  發表於 12-5-6 00:34
私人傳訊

ddfannybb


珍珠宮

積分: 44684


18#
發表於 12-5-6 00:29 |只看該作者
不如你返亞媽度住幾日,比d時間自已好好諗清楚以後既路,
我唔係鼓勵你離婚,只不過既然愛得咁辛苦,何必勉強......

點評

carrie_1102  我明架~  發表於 12-5-6 00:34
私人傳訊

happyday5hk


禁止訪問

積分: 7605


19#
發表於 12-5-6 00:31 |只看該作者

回覆：其實我個心已經死左大半...(好長篇)

提示: 作者被禁止或刪除 內容自動屏蔽
私人傳訊

carrie_1102


伯爵府

積分: 19211


20#
發表於 12-5-6 00:32 |只看該作者
黃皮蛋 發表於 12-5-6 00:24
回覆 陸嘉妍 的帖子

同佢講清楚,要比佢知道你嘅感受.佢覺得你唔會走,佢咪大安旨意囉.
其實你講中晒~佢知我為左對小朋友一定唔會走...
我依家就係退緊~我唔想大家既關係去到冇得返轉頭~
其實我好不安...我怕我唔理佢,佢會越過份~
做佢老婆真係好難!!!
唔係我錯點解我要忍佢???

私人傳訊


首頁
12345...6

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見