其實我真係好怕尷尬,大家街坊鄰舍,日日見口見面,我都唔想面左左,但你地日日見到狗主帶狗行過係到鬧,又咀妙妙,又話D狗唔可以行地,一定要手抱,又要唔可以坐客LIFT,又唔可以入花園仔,(簡直好似以前工人與狗,不得內進般岐視)
小朋友係平台大叫奔跑,嚇狗狗就叫可愛,又成日話狗狗無性,係畜性,又話佢係狗,個樣好惡,點知會唔會咬人....呢D說話我聽完就忍...但你踩到上心口蝦我狗狗,我一定同你死過....
狗狗係人類社會已經無發言權,做主人一定要幫佢地出頭,維護佢地基本權益.
大熱天時要用口罩簡直係虐待,但街坊怕我就,我讓步同狗狗用....
大雨唔行COVER走廊,但街坊怕,我就,我地只好淋雨,讓你先行....
就算我地等LIFT先,有街坊後到,但佢怕狗狗又想入先,我就,我地再等....
點解個屋苑明明可以養狗,唔係應該對有養狗街坊多點體諒同明白?
點解個屋苑明明可以養狗,你MOVE-IN時已經知,你仲要搬出一副我地(狗主同狗狗)係影響你日常生活,一副討厭,一副咀妙妙的態度?
我問你,如果我有日同看更講,請XX室個位女士戴返個口罩,佢個樣好衰,好惡,唔知會唔會咬人....你有咩感受?
我問你,如果我有日同看更講,請XX室個小朋友拖返條繩,佢四圍跑,點知會唔會嚇到同撞到人....你係父母,有咩感受?
我問你,狗狗咬傷/咬死人數字高,定人打傷人,打死人數字高?
不愛狗人士,我相信大部份狗主已經好忍養,最起碼,無狗主會刻意叫隻狗攻擊你先,係未? (況且,狗狗都唔會係無威脅時作出攻擊)但好多家長就會話狗狗好惡,會咬死人....(呢點係我最不能接受.最嬲)
我承認,有狗主好不負責任,任由狗狗大小便係唔清理,反過來睇,香港都有好多市民四圍拋垃圾喇,係未?點解狗主要特別受到指責?
我承認,有狗主唔喜歡拖狗繩,任由狗狗四圍亂跑,反過來,香港都有好多朋友喜歡係行人路上踏單車,亂過馬路又或者開快車影響他人生命安全? 點解狗主要特別受到指責?
請對狗狗同狗主公平一點!
社會是大同同多元,眾生都是平等,我請各狗主做好自己本份,為自己狗狗爭取最大空間同利益,同時希望不喜歡狗狗朋友,請了解狗狗是我們的一份子,不要隨便歧視狗主同狗狗.
狗狗咬傷/咬死人數字高
x10000
原帖由 八婆仔@ 於 12-05-09 發表
其實我真係好怕尷尬,大家街坊鄰舍,日日見口見面,我都唔想面左左,但你地日日見到狗主帶狗行過係到鬧,又咀妙 ...
原帖由 陳莎莎 於 12-05-09 發表
樓主其實好明白有很多寵物嘅主人係會對自己嘅寵物視如己出，但請明白佢地始終係唔係人，你唔可以要求人地當 ...
muybien 發表於 12-5-9 11:04
我諗樓主都好明白d人怕狗， 所以好多時主動避開， 不過有d人唔鍾意狗， 都唔洗比咀臉人睇囉（明明讓左都比 ...
<font color="DarkOrchid">
原帖由 skybiebie 於 12-05-09 發表
我無惡意！但相信你唔係狗主，所以你唔知道，因為真係唔係狗主做足本份就唔會被人歧視！我住單幢樓，比人歧 ...
發表於 
返回列表
