honeyBB 寫道:
reginetsui,
如果,你租鋪地方係大型場,例如:信和,新鴻基.....就一定要有商業登記證.
另外,我有一次向我相熟鋪頭買緊衫時,突然,有一班政府(唔記得乜部門)入黎,要老闆娘出示商業登記證,咁老闆娘又冇帶番黎,咁個政府職員就mark 低左d資料,仲留下張類似通告俾老闆娘要佢fax番俾有關部門,所以,你自己諗諗啦!咁老闆娘都話開咁耐都未試過.
cameo 寫道:
咁你係打算租咩場???細商場真係唔一定需要有商業登記的啊~只少我自己一直都無了.....呢一點我諗你好需要清楚你租的商場有冇人做開~
我去開香工都唔係間間問我拎卡片,某d舖要卡片其實最主要都係要知你舖址,因為佢地會幫某d客封場,所以要知你舖址,但我平時去開都無.......其實你去批發都會問問佢點批呀,最少批幾多等等,,,佢都會答你,當然有時兩手空空時佢地反而估你係咪去零售.....有時我都一樣有人問我係咪批,佢有禮貌問我咪禮貌答囉,有乜所謂......若真係要以卡片認身份,我都唔知佢以咩準則去知張卡片真定假了.....
我意思香工渾水摸魚係,,...香工某d舖o既貨根本係深水埗貨,淨計批價比較,咁係可以貴左唔止一倍o架,所以真係就算去香工,都要大約知深水埗批緊乜.....而深水埗d貨其實真係平好多,20蚊都有件普通tee(出面零售約$50-80),我指的in & out係一間賣深水埗貨的街舖,佢地賣的都係深水埗貨了!
賣香工貨有好有唔好,質料款色好d,但貨價貴,有死貨好傷,而且相對"擇"貨錢貴好多,深水埗係平,貨錢少得多,去得快,但相對又好易同d"散平貨"的舖頭撞到正,例如in & out~