網購天地 今日: 0|主題: 70439

我買咗你分享的0.6L豆漿機啊，最多都係整到一大杯而已，整好就即刻KO晒囉，就算天氣再熱都好，對我都係冇影響個喎！至於你係唔係打手的問題，這重要嗎？其實「打手」只係個被標籤咗的稱號而已，分別就係如果你有收受利益的就叫打手，冇收受利益嘅就叫分享而已，而實情就係我睇咗你的介紹至知有迷你豆漿機這種產品，先至識得嚟買，我就覺得無論你係打手定一般網民分享都唔重要，從某角度嚟睇，這都係對這論壇有貢獻的，總之唔該晒！

其實今時今日，睇電視每15分鐘就會有廣告、行街通街都有街招、坐地錢架架都裝有LED廣告/資訊板的、連上網都不時會自動彈出廣告視窗架啦，這些宣傳資訊就話冇得揀被迫要睇埋唶，但係就算真係有打手不時post帶宣傳目的嘅帖都好，冇人叫你明知出帖者懷疑係熟口熟面的打手嚟嘅，都仲要八卦地click入去睇加嘛，但係睇完又要鬧喎，呢D咪係果D又要買八卦雜誌嚟睇，但睇完又要鬧果撮l嘅leve的人囉；唔該那些人請明白到，雖然打手係有出帖嘅自由唶，但係你亦有權選擇click唔click入去睇個喎，鬼叫果D人自已天性八卦呀？對於我來說，總之收到新的資訊就好，又唔使我付出嘅，話之佢哋係唔係打手都好啦，我真係唔會又要睇又要鬧呀！

知唔知乜嘢叫做「以小人之心度君子之腹」呀？其實我都唔想用咁負面而且唔客氣的稱呼來形容某些人的，不如你教我好了！但我真係頂唔順某些人自己對這論壇從不建樹不特只個喎，但一見就係話人好點點點的喎，就算，就算人哋真係打手又點唶？唔通佢會少咁忽肉架？咁眼冤嘅咪督盲自己雙眼咁咪冇眼屎乾淨盲囉，又冇人用鎗指住佢暈精迫佢click入去睇嘅，係咪？學咩嘢人做明眼人吖！

有個佛偈，大致上話你內心係乜嘢人，睇到人哋就係乜嘢人，現代心理學亦有類近的潛意識論，充滿負能量的人睇到嘅都係負面的，睇嚟這theory有點根兜喎！

首先，我要澄清我同樓主唔係甚麼「老友」，就連普通的朋友都唔係，我唔同欠缺同理心和包容心的人做朋友架；第二，就算我有多餘的愛心，我都寧願用嚟照顧流浪的貓貓狗狗好過，因為起碼佢哋唔識講嘢，唔使迫住聽（睇）埋D唔鹹唔淡的港式鄉下話，聽到耳都則埋「哇」！