繼續……
先講下果時我住果棟樓,係在土瓜灣,雖然有lift,但都係一棟高樓齡既樓勒!
2房1廳,一入大門就係廳,大門右手面就係廚房同toilet,而2間房係眼鏡房,對住大門既,廳個窗係望街既,而廚房同toilet既窗就向住隔離棟樓既廚房同toilet既窗,都幾近既。
話說有一晚如常放工回家,整呢整路都成12點幾先訓,熄左廳燈就入房訓啦,跟住就聽到廳出面有一把女人聲,係喊聲,喊得都幾淒涼,咁我就以為係隔離棟樓有2公婆鬧交,個老婆係toilet或廚房喊啦,咁無理,訓覺。
隔左一兩晚後,又係咁,我一熄廳燈入房關門後又聽到個女人喊聲,咁我心想乜又鬧交,又鬧到個老婆喊架,咁又無理到,訓覺。
又隔左一兩晚,我又如常攪掂哂d野,熄廳燈入房關門,把喊聲又即刻出現,我好奇怪,點解次次女人喊都係係我熄廳燈入房關門先喊?我就用耳仔貼住度房門聽下把喊聲,咦!唔似係toilet或廚房果邊傳來,似係正頭係我個廳到喊喎!果時唔知點解想都冇想就立即開房門望下,一開就冇左聲了,心已知係咩事,咁即刻關門訓覺當咩都唔知啦。
到第二日我就話比我果時個男友知,叫佢果晚來陪我,睇下佢又聽唔聽到,我唔敢同我屋企人講,佢地好早訓,完全唔知有咁既事,我唔想嚇親佢地……
[img align=left]http://img.mms.sohu.com/mms/1420/81/14881/p1.gif[/img]