2012年媽媽會今日: 0|主題: 24639

收藏本版

發帖

返回列表

跳至頁

查看: 2138 | 回覆: 35

分享催生經歷 [複製鏈接]

iamblack321

大宅

積分: 3071

1^#

發表於 12-9-18 13:15 |只看該作者 |倒序瀏覽 |打印

我係第一胎,預產期9月9日.
9月1日開始放產假,點知8月31日早上起身返工梳洗見紅

,
心中想唔係咁邪牙,最尾一日先見紅,所以提早放產假喇,
之後我立刻沖涼洗頭,費是唔知何時才有得沖涼,
食完早餐,再去廁所都只係得少少血絲(但不痛),
由於第一胎都係入醫院等待好D

,
留院3日都冇動靜,醫生見意我9月4日早上催生,

9月4日早上6點被姑娘安排塞藥放在下面,
到十點推落產房比醫生穿羊水(好似用支針插了3吓,有少少唔舒適),
再推去後產室等待BB來臨,由於唔知幾時BB先出世,
姑娘幫我種豆插鹽水和營養水,再抽血已防不時之需.
到了1點開始有少少肚痛,我開始用鼻吸氣,口呼氣,
助產姑娘每隔10分鐘會過來睇你的進展,眼見隔離床的孕婦開始叫得好大聲,
又不時聽到其他孕婦叫得好妻慘,妻慘後又聽到BB大喊聲,又好開心.
攪到我都開始有D緊張,為有同助產姑娘傾計,問我幾時先開始有度數,
點知佢講催生都起碼痛12個鐘(好少人會幾個鐘攪點),當時個心灰了,我只係痛了幾個鐘
咩度數都冇開,就算開了度數,都係好慢好慢先開每一度,
一秒一秒的過去,到了2點痛楚開始加快10分鐘一次陣痛,
見隔離幾個孕婦叫得好勢利(我都好忍得痛),
我都係留返D氣力到最尾一次爆發.
中途11點老公call入產房問我情況如何,姑娘借了電話給我打比老公(老公會陪產),
我說不要打入嚟,(因我好易喊,攪亂我的情緒,好快就收線)
等吓等吓,見醫生開始問每個孕婦使唔使打止痛針,可以止痛4個鐘,
到醫生問我,(當時未開度數,我又計果5分鐘開始陣痛)立刻說好,
迷迷糊糊不知過了多久,又感覺到陣痛,好似D藥力減退了,看看手錶,吓……
只係過了2個鐘,又話4個鐘頭FEEL唔到痛ga,
今次真係開始忍唔到痛喇,要大力吸氣,口呼氣,陣痛果吓,成身好似不能控制,
變了蜈蚣彈吓彈吓,又看手錶都係得5點,隔離都係之前果幾個孕婦,
唔通比助產姑娘講中,我痛12個鐘頭先可以生.
老公又在產房門外按鐘問情況(我諗佢都好緊張,佢11點到,都等了6個鐘了),
這一刻,我痛到發脾氣

,說未開度數不要再打入嚟,我好痛,開到7度會打比你,唔講立刻收線,
到了5點9 姑娘過我身邊看看情況,我見她企左我身邊好耐,一路睇隔離的儀器,
之後我見佢打電話,好似叫醫生過來看看,
我見到醫生同姑娘一路睇儀器出來的數據,一路傾,又用手插入下面睇下開到幾度,
我迷迷糊糊都聽唔到佢地講咩,之後又見到第二個女醫生到來,
又睇數據,又check吓開到幾度,當時我痛到佢地點樣攪都冇反應,
個身開始好震

,冷汗都出哂和痛,又見到第3個醫生同之前兩個醫生圍住我傾計,
我心中開始驚,發生咩事點解咁多醫生入嚟睇我,隱約聽到話心跳開始下降,
又再來第4個醫生(我諗佢係最大),見佢又check下面,話開到3度,當時只係6點2,
過多一陣聽到佢地話唔好等,開刀喇,心跳下降得好快,另一個醫生話我已開度7度,可以試生,
但最大醫生話,唔好,到時我唔夠氣好大鑊.
醫生拍我同我講,bb心跳開始下降,要立刻開刀,唔係會好危險,
我話好,之後好似仁心仁術,被好多人圍住同我講麻醉會有咩危險,開刀有咩問題和要直刀開冇得選擇,
之後叫我簽名,我其實都痛到唔知佢講咩,其他姑娘就幫我換衫,插尿喉,再抽血等……
姑娘又叫我打比老公說依家要開刀生bb,我好似記得我打比老公,只係講左我依家要開刀,bb心跳好低要攞佢出嚟,就收線了.
我比送了手術室,醫生同麻醉師叫我睇住佢地,我吸了3吓麻醉藥,就訓了,到了差不多7點9比姑娘叫醒左.
同我講生了個男bb,重3.24kg,6點44分出世,我問BB呢,姑娘話去左沖涼,等陣會同我一齊推上病房,
我推出產房D眼淚不自覺地流,眼看老公和家人在門外,仲喊得勢利(我都話我係喊包),
上到房姑娘抱了BB給我看,BB樣好得意