吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我被誅連了，還是活該呢？只喺想呻吓，有點長~ ...

婆媳關係今日: 1|主題: 27698

收藏本版

發帖

返回列表

跳至頁

查看: 1258 | 回覆: 15

我被誅連了，還是活該呢？只喺想呻吓，有點長~ [複製鏈接]

yfchoy

大宅

積分: 3818

1^#

發表於 12-11-5 15:13 |只看該作者 |倒序瀏覽 |打印

c6跟99吵架了！事源因為近日囡囡(剛四歲)小小事就喊(我要佢守規矩，要收拾，我收起佢玩具，佢唔肯就大喊)，99長期不在港，近日回來跟我們小住，看見這情況當然勸不要動不動就罵女，令到家無寧日。c6回來時一聽到阿囡喊就罵我，跟住我就收口。我懷疑阿囡睇到呢點，固意不動不動就喊(佢有一刻衝動認，跟住話唔喺，已經同囡囡談過，佢話唔會再咁)。喺咁既情況下我好無奈，我在職媽媽(full-time)，沒有請姐姐只請鐘點照顧，每天放工趕回家照顧，好彩唔使點煮(有鐘默姨姨煮)但都要同女女洗澡、飯後洗碗(c6經常很晚才回來，很少一至五見到囡囡，所以聽到喊聲就生氣。)，一定要訓練囡囡自律收拾玩具和做功課(當然我會check功課)，但又被說只是四歲人仔，點自律。我就覺得唔做過點知做唔到！就喺咁家裡管教有所分歧。加上c6公司好煩，佢整個月都冇跟囡囡食晚飯(好彩囡囡唔扭)，難得一晚c6抽時間回來食飯，99便同佢講管教問題(我聽唔到)，c6話講到好似自己唔理個囡，星期六、日終日拉囡囡到處去冇時間温習。c6聽到硬喺唔高興(佢喺一個唔俾人煩得既人，脾氣亦好大，99都喺，所以嗰刻已經有啲火嚟緊)，以後食飯時99有跟c6說些工作上的道理，不要過份勞氣(c6喺一個好盡責的人，總是幫人補鑊，但就常常谷到一肚氣)，最後c6便話停99的"訓話"(在我來說，只是嘮叨)，跟住就二人不揪不啋幾日，c6連飯亦不肯外出食，咁搞法99實更加生氣，最後連我和囡囡都被"誅連"不揪不啋。我又不能像c6咁當99透明，但叫佢又唔應，擺明同佢講話，佢望一眼一句聲都唔出便走入房，我心裡很難受，覺得自己攞塊面俾別人的屁股抺咁，想喊又唔想被囡囡和c6知，見到佢對囡囡的態度唔同(不太理會囡囡)亦好唔開心，見囡囡每朝對99的態度都變，由之前總會走去叫嫲嫲早晨到現在唔叫，我唔想囡囡亂諗(c6亦有問我99對囡囡的態度)，c6話要跟62考慮讓99搬開住會好啲，唔想囡囡以為自己做錯事而嫲嫲唔啋佢，我反而担心佢對嫲嫲有壞印象。(62嘗試說服99消氣，但唔成功)

我昨晚瞓唔着，喺度諗喺因為自己唔識做人阿媽、老婆、新抱，所以令99嬲埋我，還是佢冇理，只是好似古代被"誅九族"咁被誅連呢？本以為主動向99問好，起碼對我和囡囡好些(c6跟99太似，我亦不敢做說客，c6會罵我多事。)，之後再睇在我和囡囡份上肯溶化，99的面口真的很難受(好彩我自小訓練有素，總有親人會咁，否則可能吵大鑊)，但我仍要笑着面對，好唔舒服，連跟人傾訴都唔敢。事實上，若果沒有吵架，99是好體諒我哋，亦會盡量幫忙，所以我亦唔會有怪任何人不妥，其實種種源於佢哋母子的脾氣太似，大家都不肯退讓，總是覺得佢哋既誤會日益加深(有時亦可能因為我的原固)。因為咁，佢哋一直都好少時間一齊住。我知99心裡亦不好受，唔知點幫忙(為咗避我哋，終日外出，但應該冇地方可去，一個老人家咁盪法，個心好唔舒服)。好彩還有一星期6299便走，但亦害怕唔喺佢哋走之前解決，之後的裂縫更難收補。大家是關心對方，但脾氣驅使佢哋誤會越深，但我唔敢再加重佢煩惱，只可對於99對我的態度盡度輕描淡寫或不提。呻完，希望心情好些，各位jm亦高抬貴手，若認為我不好，唔好插我不好，看過便算。

0 0 0

私人傳訊

loverbaby

大宅

積分: 3540

畀面勳章

2^#

發表於 12-11-5 15:24 |只看該作者

我覺得做人要對得天地,對得住良心, 樓主已盡力，本身也辛苦，要返工要教女，還要顧各人感受，已很難得．佢兩母子的事就由佢地用自己方法解決，可能無人插手問題久了，氣消了更會無事，比ｄ時間佢地吧．

私人傳訊

milky_red

水晶宮

積分: 51674

畀面勳章 BK Milk勳章

3^#

發表於 12-11-5 16:15 |只看該作者

回覆：我被誅連了，還是活該呢？只喺想呻吓，有點長~

又唔係深仇大恨，兩母子點嬲都會好返嘅，你真係諗多咗

私人傳訊

mapp2009

子爵府

積分: 13784

4^#

發表於 12-11-5 16:16 |只看該作者

回覆 yfchoy 的帖子

兩母子無隔夜仇的, 不要去插手, 都咁多年了, 要改善都改善了

私人傳訊

yfchoy

大宅

積分: 3818

5^#

發表於 12-11-5 16:42 |只看該作者

我都希望佢哋冇事，但佢哋兩個一向都喺好記仇既人，一有小事就不停抽秤他人，99嬲一個人可以好切底。根據過往經驗，若果不是對方先投降佢喺一步都唔讓，佢自己兄弟亦然(當中上代的問題亦複雜)。我現在咩都唔敢做，希望佢哋慢慢會好。但無意中聽到99同人講c6忘本，佢自己亦心死。我心裡很不舒服，我知c6仍關心奶奶，只是佢硬頸唔肯講關心說話。

私人傳訊

H2Oplus

大宅

積分: 2337

6^#

發表於 12-11-5 17:52 |只看該作者

我覺得樓主可以試下說服c6，同佢講6299都就走，兩母子無隔夜仇之類，睇下會唔會改善到關係。

私人傳訊

cky34979

伯爵府

積分: 15838

育兒性格勳章畀面勳章

7^#

發表於 12-11-5 18:50 |只看該作者

樓主 C6同媽媽嘈架好快無事
你千奇咪多事啊如果吾系後果

私人傳訊

toby1357

別墅

積分: 932

8^#

發表於 12-11-5 18:51 |只看該作者

回覆：我被誅連了，還是活該呢？只喺想呻吓，有點長~

兩母子邊有仇

私人傳訊

whoami1977

子爵府

積分: 12167

9^#

發表於 12-11-5 19:11 |只看該作者

回覆：loverbaby 的帖子

死結！唔好揹上身！
只有當事人可解！

其實你有冇做到太底微呢？

佢地要鬥氣由得佢！
最好可以全個場讓俾佢地，自己帶囡囡返娘家或外䢟一星期。
眼不見為淨！（又唔會教壞囡囡）

點評

yfchoy 我諗除非我離婚，否則喺唔會把自己家不快告知兩老(當然唔想有咁既一日) 發表於 12-11-6 10:29

yfchoy 如果返娘家肯定担心死我父母，以為發生咩事。發表於 12-11-6 10:26

私人傳訊

daishidoi

男爵府

積分: 7499

10^#

發表於 12-11-5 19:14 |只看該作者

我被誅連了，還是活該呢？只喺想呻吓，有點長~

係你c6嘅問題

私人傳訊

sfmeow

珍珠宮

積分: 49420

hashtag影視迷勳章大廚勳章玩具勳章畀面勳章 BK猜猜猜慶中秋 BK Milk勳章

11^#

發表於 12-11-5 19:14 |只看該作者

引用：我都希望佢哋冇事，但佢哋兩個一向都喺好記

原帖由 yfchoy 於 12-11-05 發表
我都希望佢哋冇事，但佢哋兩個一向都喺好記仇既人，一有小事就不停抽秤他人，99嬲一個人可以好切底。根據過 ...

連62 都搞唔掂，你點會搞得掂呢!?不如向囡囡解釋麻麻唔開心才會咁對佢，睇下囡囡會唔會嘗試氹佢開心再算!

點評

yfchoy 囡囡有話嫲嫲唔應佢，我同佢講嫲嫲做緊運動應唔到佢。發表於 12-11-6 13:10

私人傳訊

jay.lee_yanlok

大宅

積分: 3554

12^#

發表於 12-11-5 19:45 |只看該作者

回覆：我被誅連了，還是活該呢？只喺想呻吓，有點長~

我反而覺得樓主唔好再為依件事諗咁多做太多因為愈想幫就愈大獲反而兩邊都唔討好

私人傳訊

louisachau

禁止訪問

積分: 6742

13^#

發表於 12-11-5 22:01 |只看該作者

回覆：我被誅連了，還是活該呢？只喺想呻吓，有點長~

提示: 作者被禁止或刪除內容自動屏蔽

私人傳訊

RockMusicLover

男爵府

積分: 6051

14^#

發表於 12-11-6 02:50 |只看該作者

回覆：我被誅連了，還是活該呢？只喺想呻吓，有點長~

我覺得你可以搵日等你老公無咁忙同心情差果陣，同你老公兩個人出去食飯好好傾下，同佢講你知佢做野大壓力又辛苦，都係為頭家，你要首先表現得好明白好體諒同appreciate佢，但你要勸佢就算返工點辛苦點大壓力都不要將負面情況帶返屋企，你話你會盡量令個家開開心心，你都努力緊，老爺奶奶又健在，其實我地真係好幸福。個女好快大，而家成日扭計好難搞，但好快你想攬下佢同佢講下野佢都厭你煩咖啦。老公越火，你越要平心靜氣處理，雖然好氣頂，明明佢地自己嗌交又關你事，但處理左真係值得的。加油呀！！

私人傳訊

夏之空

大宅

積分: 3765

15^#

發表於 12-11-6 07:02 |只看該作者

回覆：我被誅連了，還是活該呢？只喺想呻吓，有點長~

我覺得仔女態度和行為係要從小要培養，樓主方向是對的。唔通等大個對人冇禮貌同出了禍先教，到時花十倍時間和精力都未必見效

私人傳訊

yfchoy

大宅

積分: 3818

16^#

發表於 12-11-6 10:23 |只看該作者

多謝各位jm既關心和意見，我昨天忍不住打了給62看看有什麼可以做到的，同佢講c6都好後悔罵了99，這是事實但我叫62千其別讓c6和99知道我揾過62，始終怕佢哋唔高興(只有99跟我們同住，62叫99跟我哋住喺想大家對多啲，關係好啲，但發覺10次起碼8次喺吵架收場)，62又跟99談了一整天，昨晚回來對我和囡囡的態度好咗，起碼會應吓我哋(但唔知會否又差番，之前試過好些，跟住突然又好嬲我哋)。囡囡昨晚亦突然好乖食飯和做功課，好早就做晒所有事。講番62跟99的談話，原來99亦唔高興我將啲靚果皮用嚟平時煲湯(我將家中葯材由鐘點姨姨幫我處理，而那些陳皮喺太嫲自己曬落，99寧可自己用少啲都有每次回港帶些給我們作有事時用，62聽到我咁用亦唔開心，但99冇同c6講，怕c6罵我。我知道我是抵罵的，常常粗心大意又唔識講話，兩老始終都喺關心我哋，但99和c6常常火星撞地球，大家都脾氣大，會做出一啲傷害到他人的事(唔喺會打人，是言語和態度)。其實在我立場來說，只要佢哋消了啖氣我就很開心，希望這事件快快結束！

私人傳訊