kar!n 發表於 12-11-23 00:05
你好,請問可否教一下如何可以接到job?讀完itec後一個job都無,我真係好想做得好,現在係人生一個好大低潮 ...
Kar!n 你好,唔好咁講,我自己不嬲性格都係好理性,特別係"潮流"呢樣野,人人都用,人人都做,我反而係睇得好通透,我會諗清自己係咪需要先要。我share我的感受,我只係想大家唔好盲目去做一d大家都突然一窩蜂都去做的事,好想大家諗清楚係咪真係值得大家去"投資"。唔想大家浪費左自己的金錢同時間,仲有雄心壯志^^。
當然對於一d已入行的jm,我想大家互相鼓勵下,等大家都知道自己唔係孤軍作戰,其他mua都係咁樣。
其實接job有時要睇好唔好彩,同埋真係初初肯唔肯蝕底,我初初靠學校接左一d無錢的job,用黎當練習同蓄相做靚個profolio。而家開始自己接,就周圍利用d唔駛錢的網站宣傳做廣告,其實靠自己一個人的力量都係唔夠,有時係朋友介紹俾我,我之前都識左幾位mua,而家好多時都係大家互相幫助,有job做唔切就叫對方一齊幫手,如果你真係好有心想繼續做呢行,我地可以私底下交流下,你pm我啦,我地再自己傾下。^^