Baby Kingdom - 親子王國 香港 討論區 › 首頁 › 母乳餵哺› 終於諗通。。

母乳餵哺

收藏本版
回覆 發帖
返回列表
跳至頁
終於諗通。。 [複製鏈接]

首頁
12

尾頁
   2
yanyanyan888


大宅

積分: 1762


1#
發表於 12-11-8 21:19 |只看該作者
當有新手媽媽話餵得好辛苦想放棄時，就會有好多人回覆：好明白你，食奶粉好訓好多，我都半人奶等等。。而唔係鼓勵媽媽繼續。我就諗：冇理由丫，奶粉商洗乜用咁多時間黎請人打d咁嘅野，為多一個媽媽餵奶粉？唔係浪費人力同時間咩？為一罐奶粉值得咩？特然叮一聲*唔係喎，如果呢個媽媽成功過渡頭一個月，咁佢全人奶機會就好高，當呢個媽媽成功，就會鼓勵同教身邊幾個朋友餵，呢幾個朋友又各自鼓勵幾個朋友，仲未計媽媽又會鼓勵自己男女，一傳十、十傳百，原來會變天文數字。。各位真心想成功餵全人奶嘅媽媽，真係要小心小心。p.s.唔知我呢個post出唔出到？出到又幾快會石沉大海？
私人傳訊回覆 引用

MEIKOOSCARBOSCO


複式洋房

積分: 178


2#
發表於 12-11-9 00:27 |只看該作者

回覆：yanyanyan888 的帖子
私人傳訊回覆 引用

love1127


別墅

積分: 514


3#
發表於 12-11-9 00:52 |只看該作者

回覆：終於諗通。。

。。。。吾可以咁講架波，加奶粉吾係咩大件事，我本身係半人奶，到依家可以全人奶都係經常黎呢度睇下，等大家鼓勵下我，開頭我都勁吾開心真係吾鍾意加奶粉，但不停咁比自己酲壓力真係上吾到奶，我知應該每個媽媽一定夠人奶，但好多時真係未上到就未上到，死都堅持喂全人奶係吾係一定對bb好先，bb磅數係咁跌點都要加奶粉架啦，吾可以話係呢度講加奶粉jm係有問題架波
私人傳訊回覆 引用

liyk1217


大宅

積分: 2347


4#
發表於 12-11-9 01:32 |只看該作者

引用：。。。。吾可以咁講架波，加奶粉吾係咩大件

原帖由 love1127 於 12-11-09 發表
。。。。吾可以咁講架波，加奶粉吾係咩大件事，我本身係半人奶，到依家可以全人奶都係經常黎呢度睇下，等大 ...
話雖如此，對我自己嚟講，我會視補奶粉係「罪大惡極」，只會喺最絕望嘅時候，先會開始考慮。但係好多時候見有人出 post 講餵奶嘅問題，就總會有人不問情由，二話不說咁，叫人補奶粉，又或者發表「補粉好閒啫」「一餐半餐冇所謂啦」嘅言論。不過又不見得佢地個個都係打手吖。

私人傳訊回覆 引用

bbkayla


大宅

積分: 1780

BK Milk勳章


5#
發表於 12-11-9 01:53 |只看該作者

回覆：終於諗通。。

我係半人奶媽。其實如果可以，我都想全人奶。但係現實我開始時壓力太大，有depression. 就算我堅持，我mentally都唔能夠做到。最後決定放棄，take care自己先，因為我相信bb需要我多過我啲奶。好彩我好快走出問題，再走人奶路，可惜追唔到奶，只可補粉。所以我覺得如果要為追奶而令自己有太大壓力，不如放輕鬆，補粉。媽媽嘅健康都好重要呀！
私人傳訊回覆 引用

kiuchi314


大宅

積分: 1889


6#
發表於 12-11-9 12:12 |只看該作者
我就覺得好難睇得出邊D係打手邊D唔係。但係你講GE唔係無道理。因為奶粉商真係有好多奸計.

但話分兩頭, 個人意志最重要, 我同樓上JM一樣, 視補粉係罪大惡極, 我都有買定粉, 但係一直收埋見唔到, 當無買過, SO FAR都無補, 第一次補係5M, 又比公司整冷氣搞到要去出泵勁緊張, 而一餐都泵唔到, 成2日, 追唔到, 真係阿B飯6餐奶, 我果時只係得番4餐奶, 唔通叫阿B唔食10個鐘野咩... 所以係絕地情況補左第一餐奶粉.
私人傳訊回覆 引用

LSC


大宅

積分: 3353


7#
發表於 12-11-9 12:28 |只看該作者
真係唔係個個媽媽都可以夠奶俾BB食, 我就係點攪都唔夠,狂飲上奶湯/邊埋身邊泵, 半夜泵2次奶,食多奶丸,山羊豆, 睇埋中醫補身都多唔到奶,我堅持過, BB食極唔飽係咁喊係咁攞食, 大家都辛苦, 迫於無奈先補奶粉
私人傳訊回覆 引用

Jobnam88


大宅

積分: 1882


8#
發表於 12-11-9 13:03 |只看該作者

回覆：LSC 的帖子

我同你一樣
私人傳訊回覆 引用

DicksonMaMa


禁止訪問

積分: 2955


9#
發表於 12-11-9 13:04 |只看該作者

回覆：yanyanyan888 的帖子

提示: 作者被禁止或刪除 內容自動屏蔽
私人傳訊回覆 引用

darichie


子爵府

積分: 13489


10#
發表於 12-11-9 14:20 |只看該作者

回覆：yanyanyan888 的帖子

我頭個半月都要補奶粉，但我唔覺得罪過。因為我係有努力，但先天不足，後天要加倍時間同努力補救。結果後來都成功全人奶而家BB一百日嘞。
私人傳訊回覆 引用

ionfish


大宅

積分: 2225


11#
發表於 12-11-9 14:41 |只看該作者
回覆 darichie 的帖子

我都係... 做吾到全人奶, 可能半人奶都吾算,因為比得一餐人奶個仔飲, 我真係咩方法都用過晒, 泵, 手搾 (搾到手掌關節痛又腫)...一日TOTAL得6安奶(BB 就快四個月)
私人傳訊回覆 引用

momoakira


水晶宮

積分: 57088

開心吸收勳章 BK Milk勳章


12#
發表於 12-11-9 16:22 |只看該作者

回覆：終於諗通。。

我我舅母教我餵人奶既，我係公司係第一個帶頭用全人奶既，之後大肚既同事都用我既方法做到全人奶，之後好多親戚朋友都問我成功做到，所以唔好話自己做唔到
私人傳訊回覆 引用

coraor


子爵府

積分: 12347


13#
發表於 12-11-9 16:38 |只看該作者

引用：我頭個半月都要補奶粉，但我唔覺得罪過。因

原帖由 darichie 於 12-11-09 發表
我頭個半月都要補奶粉，但我唔覺得罪過。因為我係有努力，但先天不足，後天要加倍時間同努力補救。結果後來 ...
me 2~我都係補咗半個奶粉之後全大奶. bb而家6個月
私人傳訊回覆 引用

coraor


子爵府

積分: 12347


14#
發表於 12-11-9 16:40 |只看該作者

引用：我我舅母教我餵人奶既，我係公司係第一個帶

原帖由 momoakira 於 12-11-09 發表
我我舅母教我餵人奶既，我係公司係第一個帶頭用全人奶既，之後大肚既同事都用我既方法做到全人奶，之後好多 ...
可唔可以分享下你用咩方法呀～
私人傳訊回覆 引用

momoakira


水晶宮

積分: 57088

開心吸收勳章 BK Milk勳章


15#
發表於 12-11-10 11:43 |只看該作者

引用：Quote:原帖由+momoakira+於+12-11-09+發表

原帖由 coraor 於 12-11-09 發表
可唔可以分享下你用咩方法呀～
我飲青木瓜煲章魚，花膠煲雞，魚湯輪流飲，總次之每日都飲，每日多飲暖水2盒屋仔暖高鈣低糖豆奶

放產假期間每3個鐘泵一次奶，每次半小時飲柸水先開始泵奶係，每邊乳房泵5分鐘，先泵較脹奶果一邊，夠五分鐘就停，跟住泵另一邊又係五分鐘就停，泵奶時可打圈按摩乳房，每邊泵3次，半小時就停，唔理有冇奶或都有幾多奶都要停休息，我用呢個方法係產假完前已儲左十幾支冰奶，返工後就訓前一次，半夜一次，訓醒耐次，日頭就盡量泵3次，平均一日六次，後來阿仔學識埋身食就仲正，夜晚埋身食，唔洗泵
私人傳訊回覆 引用

Babykl0912


大宅

積分: 1854


16#
發表於 12-11-10 13:04 |只看該作者

引用：我係半人奶媽。其實如果可以，我都想全人奶

原帖由 bbkayla 於 12-11-09 發表
我係半人奶媽。其實如果可以，我都想全人奶。但係現實我開始時壓力太大，有depression. 就算我堅持，我ment ...
講得好！全人奶媽真係好大壓力，又無乜人支持，但我仍然捱緊、堅持緊，希望自己無咁快＂慣＂低！街都唔敢去咁耐，仲未學到時間點樣分配，下個月就要返工，到時又係一個新挑戰！
私人傳訊回覆 引用

Cheetos


男爵府

積分: 9513


17#
發表於 12-11-10 13:28 |只看該作者

回覆：終於諗通。。

我諗餵到全人奶梗係好啦，但有時補奶粉未必係壞事呀！我啱啱生時好唔想補奶粉，直情當佢毒藥咁滯，但奈何仔仔食得好密又多，我又死都唔肯補粉（有時屋企人見我瞓左就補粉，我嬲到喊咁滯），終於長期唔夠瞓下我產後抑鬱了睇左醫生，佢開抗抑鬱藥俾我，但佢叫我自己諗下仲餵唔餵人奶，因為佢話唔確保D薬會對BB冇影響嗰刻我先叮一聲，我既選擇再唔係餵多定餵少，係可能冇得再餵啦！於是我決定唔食薬，但俾自己補一至二餐粉，補粉時等屋企人湊，自己瞓覺。終於奶量開始多返，我亦都開始冇再成日喊啦我差不多個半月先開始全人奶，到而家仔仔4個月己差不多16磅，護士讚我叻叻到而家我仍然堅持全人奶，係有時食左違禁品（例如味精野）我會選擇補粉，費事食壞仔仔（不過一個月都冇一次）所以我而家會同朋友分享我的經驗，就係媽媽休息夠就一定夠奶，唔心急就會成功！順手分享一下仔仔的肉照
myphoto.jpg



私人傳訊回覆 引用

藍藍媽


大宅

積分: 1700


18#
發表於 12-11-10 13:43 |只看該作者

回覆：yanyanyan888 的帖子

佢地唔係為一罐奶粉，係日後一星期一罐奶粉

就算話左俾佢地聽係全人奶，都係要送罐俾你試下，咁唯有多謝佢，再轉頭賣左佢，幫補下d儲奶袋錢
私人傳訊回覆 引用

Sammi336


禁止訪問

積分: 2018


19#
發表於 12-11-10 13:46 |只看該作者

引用：我係半人奶媽。其實如果可以，我都想全人奶

提示: 作者被禁止或刪除 內容自動屏蔽
私人傳訊回覆 引用

arielxying


男爵府

積分: 9927


20#
發表於 12-11-10 18:32 |只看該作者

回覆：終於諗通。。

我都好想做全人奶媽，而家bb3w 大，so far 只係食過5餐以下奶粉，係頭果幾日，因為bb有d黃所以要留院，但我果曰12點出院，只可以3：45 ，7點去餵奶，我幾攰都好我都等到餵奶時間去餵，之後仲泵奶出嚟留俾bb，但醫院應該有補小小俾bb。返到屋企後，我都係補過1次。希望第時返工都可以keep 住全人奶啦！（返工後bb放喺我mummy 度湊）
私人傳訊回覆 引用


首頁
12

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見