kyobi 發表於 13-1-28 01:14 
係喎，產前產後嗰邊有人 講好難買奶粉，好彩自己餵人奶，之後有人覆話"有奶先得架",我就搭嗲話勤力餵，頭一 ...
相比起冇奶食，奶粉當然係好既。
但係奶粉之前，有更多其他更好既選擇囉。
我極度反感Ｄ人話＂唔係個個媽媽有奶＂丶＂奶粉同人奶冇分別＂丶甚至係＂奶粉營養好多＂
完全係度歪曲事實。
佢地講之前可能冇諗過會造成咩影響，但呢幾句說話令我既人奶之路難行左十萬倍。
我老爺奶奶丶我爸我媽丶我老公丶我親戚朋友個個來質疑我冇奶，強迫我餵奶粉。
佢地個個都會有個理由係，啊邊個邊個同你一樣都係冇奶／唔夠奶。
甚至用＂長輩＂身份來迫我服從，初初唔識野又真係聽左佢地講。
後來睇左好多好多資料，發現佢地一個二個根本就乜都唔識係度老點我。
最反感既係補住奶粉先，等上奶再餵人奶。甚至有Ｄ人奶媽都係咁講。
ＳＯＲＲＹ我完全想像唔到補左奶粉仲點上奶....可能佢地Ｄ賀爾蒙好勁
個泌乳系統根本就係你唔刺激佢，佢就唔會出奶同造奶。
Ｄ奶留係乳房愈耐，泌乳回饋性抑制物（feedback inhibitor of lactation）愈多，奶水就會停止製造
所以要上奶，第一件事就係令呢ｄ泌乳回饋性抑制物排出乳房。
我自己都掙扎左好耐，我仔一日要食咁多奶粉，我突然停哂ｄ奶粉佢咪餓死。
但事實係你真係要相信自己係哺乳類動物，而女人既身體最奇妙既地方係，佢真係會將所有最好既野留比你既ｂｂ。
我諗好多人都唔知點解女人要有月經，月經其實係身體儲埋ｄ營養比ｂｂ。
當你冇懷孕時，舊果ｄ佢會完全唔要，等下個月整過ｄ新既。
而人奶都係一樣，佢自動會係你身體裡面拎ｂｂ需要既野放入人奶度。
所有人奶都係新鮮製造，新鮮到直頭係ｂｂ一路飲，一路造果隻。
而且佢仲會準備多過ｂｂ所需既份量。
每一次你以為ｂｂ食得好清好清，其實佢只係食左７５％，仲有２５％係乳房裡面做後備
（呢個係研究人員用超聲波掃瞄發現既）
到後來有一日我真係狠心到唔拎罐奶粉番屋企，不停埋身
500ml用三日已經追得到，何況係初生既每日100ml？
回頭諗番起初生果時，果時仲有賀爾蒙幫手，都上唔到奶究竟係點解？因為冇埋身餵囉.....
我完全係"冇奶"既人版，我ｂｂ出世後一星期，我一滴奶都冇。
果時仲要日日飲幾隻唔同既上奶湯，都係一滴都冇。
我兒家乜湯都冇飲，飯都唔係時時食，同果時比，多奶到爆。
我分享經歷唔係想比人知我有幾勁丶有幾偉大丶有幾多奶。
而係我想大家明白一個事實，所有媽媽都有多於ｂｂ所需既奶，而差在你識唔識得餵。
你諗下邊有可能架姐，係香港，１０個媽媽９個話自己唔夠奶，係咁既話人類絕左種好耐啦。
近近地台灣丶日本幾多人餵母乳啊，遠ｄ既西方人根本唔當奶粉係一回事。
你話飲食唔同，所以佢地奶水多ｄ，但非洲ｄ媽媽一樣餵到ｗｏ，佢地直頭冇野食啦....
講咁多野，懶就懶啦，我講幾多佢地都唔會因為我而改變。
世衛話奶粉損害ｂｂ健康佢地都唔信，寧靜信奶粉商ｄ健康小冊子同廣告，又點會相信我呢ｄ普通人呢
又有幾多人會好似我咁得閒上網睇因為餵奶粉而造成既嬰兒死亡率丶乳癌數字上升......
七個月成功從全奶粉轉為全人奶，nothing is impossible！
get rid of formula, normalize breastfeeding
發表於 
睇黎奶粉缺貨可以成為我地繼續餵人奶既推動力
返回列表
