吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 2012年媽媽會› 我係咪一個唔合格嘅媽媽？

2012年媽媽會今日: 0|主題: 24639

收藏本版

發帖

返回列表

跳至頁

查看: 717 | 回覆: 16

我係咪一個唔合格嘅媽媽？ [複製鏈接]

ginny00001

別墅

積分: 563

1^#

發表於 13-2-20 08:16 |只看該作者 |倒序瀏覽 |打印

昨晚BB扭得好西利，12點姑拉餵佢食完奶，一路都唔肯訓，到1：30am，姑拉要訓，就我接返手，（我係半埋身半揼）見bb係咁喊打算埋身餵，但姑拉話bb剛食完，仲吐左兩啖奶，咁我就請姑拉幫手抱多陣，我去揼奶（因為谷緊），之後我接返bb,到2點就再餵（期間係咁喊，扭黎扭去要食，我就俾佢埋身食（本身揼剩少少比佢食）。食完掃風掃唔到，見佢合埋左眼就比佢打側訓（因為怕佢慣左人抱住訓，所以我平時都係咁做。
但一放低佢，就醒返，扭但冇喊。抱起又搵食，唯有比奶咀，點知佢唔肯食（平時都係咁，但夾硬迫佢啜啜吓又會訓），迫佢含住都照喊，我又諗佢係咪因為凍唔肯訓，因為平時都係咁，一攬住就可以慢慢訓，但係昨晚都唔work，試吓包吓佢點知又搵食，嗰陣已經3點,於是我比佢埋身，佢吸到好似非常餓咁，但唔到5mins就飲飲吓吐奶，我先知佢唔係餓（？），跟住我再同佢掃吓風又掃唔到，唯有打側佢試吓訓，又攬住佢，又比奶咀佢，但都唔掂，我開始發悔氣....由得佢喊。唔知喊左幾耐（我覺得係一兩分鐘）,嘈醒左老公，我唔比老公抱，我話由得佢喊，跟住老公見bb喊到咁（佢咬住奶咀都喊，後來直頭尖叫咁）,老公抱左佢去隔離房（自從湊b後我地分開房訓了），跟住我就訓左。到今朝起身，原來老公最後叫左奶奶上黎，奶奶因為呢幾日好忙，所以至冇叫佢幫手。奶奶最後tum到bb訓，奶奶（唔係責備我）同我講其實bb真係好唔舒服，唔好由得佢喊
我知奶奶對我一向好好，亦好錫bb

我係一個唔合格嘅媽咪...我竟然咁忍心唔理佢,我竟然對住一個兩個半月大的人仔發悔氣...我唔配做佢媽咪
連奶奶同老公都好似比我更錫bb咁

今朝連奶都揼唔到幾多（隔左5個中頭，只揼得90ml).....可能都好嘅
我咁失敗....

今朝見到姑拉抱住bb...bb訓得咁舒服...我覺得我真係好慚愧...

呻完...人湊b我湊b湊到咁...真失敗...

0 0 0

私人傳訊

Hamonon

別墅

積分: 773

2^#

發表於 13-2-20 10:00 |只看該作者

回覆：我係咪一個唔合格嘅媽媽？

唔好咁諗，其實媽媽壓力最大，又攰，又谷奶又要泵奶，一定會忟憎d，其他幫忙嘅人係輕鬆好多，淨係唔駛理人奶問題已經舒服好多啦！大家都係新手媽媽，有好多嘢重要好好學，慢慢黎，一齊努力，慢慢會摸索到bb嘅脾性，咁就易d嫁啦！

私人傳訊

gurgur

男爵府

積分: 5295

好媽媽勳章

3^#

發表於 13-2-20 11:55 |只看該作者

回覆：ginny00001 的帖子

睇完你message, 我可以話你知你先係最錫最care bb的人！！

放鬆d，餵人奶就係咁的成日以為自己餵吾飽BB！我都係对BB最忍心那個，因為我地係睇最多湊BBinfo 的人，所以有時書点講我地点做！其他人就馮直覺，其實你發悔氣係忟自己直覺想抱但又唔抱得！！下次抱下佢啦!諗下第時BB長大左你想掂下佢都彈開呀!晤好話你係新手吖，我係no 2 都湊到失控啦!
努力呀媽媽！dont blame yourself! 你1d問題都無！！
去抱住bb錫佢2啖，佢对你笑就開心返啦!
你做到全人奶已經好叻的了!

私人傳訊

slbaby

複式洋房

積分: 401

4^#

發表於 13-2-20 12:08 |只看該作者

回覆：我係咪一個唔合格嘅媽媽？

我有時都會累到發脾氣，有時甚至哭起來，我相信個個初為人母或多或少會有情緒失控的時候。一齊加油！忘記背後，努力面前！

私人傳訊

RockMusicLover

男爵府

積分: 6051

5^#

發表於 13-2-20 12:11 |只看該作者

回覆：我係咪一個唔合格嘅媽媽？

唔好氣餒，有時bb真係唔知想點，有了這次經驗，下次就明白應該點做就可以越做越好咖啦!

私人傳訊

ronnymak

大宅

積分: 2735

6^#

發表於 13-2-20 12:21 |只看該作者

同樓主好有同感..我個囡囡都係扭抱. 抱住就瞓, 一放落床仔就喊..
我都怕佢習慣左之後要成日抱. 但好心痛囡囡喊得太勁...真係有時自己都喊埋一份...

唉.....依家我都未肯定抱定唔抱.....

2012/12/29 巳誕下寶貝囡 . 34 週出世只得2.2KG. 加油呀!!

私人傳訊

vivajoann

複式洋房

積分: 397

7^#

發表於 13-2-20 13:53 |只看該作者

樓主加油，我都係新手媽媽，我個女早排食奶食得慢又唔肯食，我心急到大聲喊住甘鬧佢，後來我都覺自己失晒控~

私人傳訊

whk373

別墅

積分: 570

8^#

發表於 13-2-20 22:04 |只看該作者

回覆：我係咪一個唔合格嘅媽媽？

我都係好辛苦，佢成日喊，我好忍心唔抱佢，拍佢同佢講嘢，由佢訓喺張床度攬佢同錫佢，佢都唔收....我阿爸阿媽就成日鬧我仲話我哋虐待佢，仲要喺阿B面前鬧!佢哋就點都唔合作，我話唔抱佢就發我難渣又推開我抱阿B
我同C6都同阿B約定，餵完奶、換完片同佢醒唔喊同佢玩時會抱佢，扭抱扭訓都唔會點抱佢,而家咩規矩都喺大年初一見親戚時破壞哂，之前嘅成果冇哂而家佢點都唔肯收聲, 搞到個肚有風,要食去肚風水