June2006 寫道:
既然大家都咁坦白,都唔爭在我嘞.
首先由頭講起:
1.d頭髮好似”行”左,最近仲甩多左添
2.個樣殘左好多,好似老左十年八年咁
3.個胸好明顯隨左,仲有d皺皺地
(可能之前大肚果時脹過黎,生完又無餵人奶,而家縮返晒)
4.個肚係重災區,唔單只有大肚腩(好似5個月咁)
5.肚皮仲列開晒,肚紋片布滿成個肚,肚臍中間條痕仲好深啡
6.我自己成日盈住下面闊左
7.條腰好酸痛,可能因為烏底身同亞女換片,放佢喺床仔...
8.個pat同大比都肥晒,以前d褲都唔啱著
不過總括黎講亞女令我地成家都充滿歡樂同多左好多話題,
自己同亞爸亞媽嘅關係都好左.
ronni 寫道:
我都覺得最大問題係甩頭髮...唔知點解佗個時都無架, 跟住坐月個月都正常, 因為長頭髮洗頭總會甩d, 但唔知點解呢個月開始洗頭好恐怖, 真係一"渣"咁甩...成日地下都好多頭髮...但係我仲餵緊人奶, 又唔敢買d咩食(藥)...點算呀, 會唔會持續架, 定係過渡架咋...好驚呀)))
仲有皮膚無以前咁好, 用skin care都好似唔吸收咁, 想去做facial去下d角質同deep clean, 但又無人睇女...幾千蚊package hold左成年都仲未用....