吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 老公成日覺得阿B食唔飽！想放棄！

母乳餵哺今日: 2|主題: 85693

收藏本版

回覆發帖

返回列表

跳至頁

查看: 2643 | 回覆: 27

老公成日覺得阿B食唔飽！想放棄！ [複製鏈接]

Janeylam

大宅

積分: 1946

1^#

發表於 13-5-8 01:09 |只看該作者 |倒序瀏覽 |打印

阿B剛20日人仔！本人全人奶媽每3小時1次（15-25min)阿囝每日都有8-10條濕片！大便都有5-6片！但每日佢總有1-2次食完奶換完片又再搵奶！我跟老公解釋他應該是扭抱or想當我奶咀扭眼訓！佢有時見到阿B抱起之後無搵奶都會信！但有時見到佢抱住都係咁搵奶就會話佢唔夠飽！我已經示範左比佢睇！阿B只是啜幾啖就含住訓！佢叫我整醒佢要佢啜！又叫我泵出黎比佢食！話我無得証明佢食幾多又點肯定佢夠飽！咁辛苦仲要被質疑真係好想放棄好唔開心！

0 0 0

私人傳訊回覆引用

kyulam

別墅

積分: 650

2^#

發表於 13-5-8 01:16 |只看該作者

回覆：Janeylam 的帖子

唔好理老公，咁辛苦堅持到餵人奶佢都唔好好支持你，佢仲有咩資格質疑你。支持你！

私人傳訊回覆引用

mcrabbit

男爵府

積分: 5494

3^#

發表於 13-5-8 01:20 |只看該作者

引用：阿B剛20日人仔！本人全人奶媽每3小時1次（1

原帖由 Janeylam 於 13-05-08 發表
阿B剛20日人仔！本人全人奶媽每3小時1次（15-25min)阿囝每日都有8-10條濕片！大便都有5-6片！但每日佢總有1 ...

要捉老公去再教育！！！你餵得好好，一定唔好氣餒！！要多灌輸人奶知識比佢洗佢個腦！！bb 揾奶奶係好正常，無論肚餓定要瞓覺定要安全感，都係媽媽奶比到晒佢

私人傳訊回覆引用

yanyuen8

大宅

積分: 2743

4^#

發表於 13-5-8 01:22 |只看該作者

如果泵左出黎用奶樽餵bb就晤願再埋身食架！千祈唔好放棄呀!母乳係最好架

一

私人傳訊回覆引用

papaeddy

禁止訪問

積分: 5542

5^#

發表於 13-5-8 01:27 |只看該作者

提示: 作者被禁止或刪除內容自動屏蔽

私人傳訊回覆引用

Salinatam711

別墅

積分: 845

6^#

發表於 13-5-8 01:29 |只看該作者

回覆：老公成日覺得阿B食唔飽！想放棄！

餵得咁好，唔好放棄呀！

私人傳訊回覆引用

sammihuang

大宅

積分: 4441

7^#

發表於 13-5-8 01:33 |只看該作者

回覆：Janeylam 的帖子

同我老公一樣，今日23日人仔，驚死我餓果女咁，仲叫我證明比佢睇埋身到底食到幾多，我情況同你咁阿B成日揾奶想啜住訓，佢又話唔夠飽要補奶粉，大佬，我果女細食，我已經有冰奶儲了佢仲話補奶粉，又襯我訓覺比奶粉果女食，想到剛開始埋身乳頭損左自己咬緊牙忍痛都要堅持埋身，個胸石頭咁硬一邊擠一流眼淚都得唔到支持，真係好就男人唔好就難忍。

私人傳訊回覆引用

sunplayy

大宅

積分: 2670

8^#

發表於 13-5-8 02:20 |只看該作者

回覆：老公成日覺得阿B食唔飽！想放棄！

唔好因同老公鬥氣而羲牲bb嘅健康，我諗呢度各方jm都受質疑過，但當餵過兩三個月有初期成績時，身邊人好多時會有所改觀，始終大家需要時間去接受母乳呢樣\'新事物\'，堅持啦

私人傳訊回覆引用

Chujoe28

別墅

積分: 502

9^#

發表於 13-5-8 03:17 |只看該作者

一齊去健康院覆診時當面問姑娘同e生，由第三者講，而且仲要係專業人仕同佢講，好過自己同佢吵，等姑娘去講解，你先生先會入腦咖，而且亦唔需要同老公有直接衝突！

私人傳訊回覆引用

Janeylam

大宅

積分: 1946

10^#

發表於 13-5-8 04:42 |只看該作者

回覆：老公成日覺得阿B食唔飽！想放棄！

多謝大家！我已經解釋左佢知！佢同另外jm個老公一樣要我証明食左幾多！但佢唔明埋身同泵都唔同！又怕佢拎奶粉份量個標準同我計！可惜平時佢番工陪唔到我去健康院！之前生BB時我開刀24hrs後第一時間去餵阿B！之後3hrs一次！半夜都唔停去餵奶房餵佢1hrs！到之後話阿B少少黃！我仲要餵完佢1hrs再泵半hrs即補比佢！我自己每次訓得1hrs多D! 咁辛苦為既係咩

私人傳訊回覆引用

fongkpk

大宅

積分: 3409

11^#

發表於 13-5-8 07:04 |只看該作者

回覆：老公成日覺得阿B食唔飽！想放棄！

個個講都得，老公講我就忍唔到！我老公都試過咁講，我問佢BB 嗰胃有幾大，佢飽就唔會食，似邊個？咪似你囉有性格！佢即刻收聲！不過我兩個鐘餵一次

私人傳訊回覆引用

肥寶寶

大宅

積分: 3968

12^#

發表於 13-5-8 08:29 |只看該作者

回覆：老公成日覺得阿B食唔飽！想放棄！

可能開始進入猛長期，不用理你老公啦！總之b不離手，一星期好快過架啦！見累就瞓住啜，就係咁就可以平安渡過。

私人傳訊回覆引用

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

13^#

發表於 13-5-8 09:17 |只看該作者

本帖最後由 bosch 於 13-5-8 09:19 編輯

數濕尿片已經係個好好既指標. 你個bb 已經達標有餘. 你餵得咁好, 梗係唔好放棄.

就算有證明bb 食幾多都唔代表bb 一定飽. 女人食碟沙律仔就話飽, 地盤工人食三碗飯都話唔飽... 呢d 夠係證明, 但人人唔同丫麻!! 你老公乜都講證明, 但又冇科學頭腦...

你老公知知咩叫食得多痾得多? 你叫佢1 個鐘內飲足夠1公升水, 睇下佢會唔會痾多d 尿, 最好用量杯去統計佢痾番幾多出黎至再講咩證明. 我早排要做大小便監測, 我一日飲幾多野, 小便量係差唔多. 大學時期上實驗堂都做過類似實驗, 結果都係差唔多.

你同你老公都係新手, 餵果個又唔係佢, 收集餵人奶資料又唔係佢, 佢有懷疑亦在所難免. 咁你教佢留意下bb 幾時至真係啜緊奶啦. bb 啜果陣下顎至耳珠有冇郁, 有冇吞奶聲, 背脊有冇微微震, 有即係bb 真係飲緊奶. 冇就即係佢只係 mui mui 下當你係奶咀.

你老公唔得閒去健康院, 叫佢睇衞生署d 資料啦 (或者你已經有以下單張?). 入面有講bb 點至叫夠飽. 如果佢仲係唔聽, 咁就算你搵個大學教授同佢講都冇用, 因為d 假科學根本入晒腦....
http://www.fhs.gov.hk/tc_chi/hea ... hild/child_bfm.html

私人傳訊回覆引用

Janeylam

大宅

積分: 1946

14^#

發表於 13-5-8 10:31 |只看該作者

回覆：老公成日覺得阿B食唔飽！想放棄！

唉！佢太緊張BB啦！未出世前自己同我講：「BB出世之後唔好咩都過份緊張！」但阿B出世之後佢就180度轉變比我緊張10倍！阿B打幾個丏次佢又叫我問姑娘！呼吸聲太大又問！嘔D奶比較黃又問！我未問姑娘前自己都有答佢！佢係要我問姑娘！結果姑娘答既同我一樣！仲比姑娘話我過份緊張！硬食左隻死貓！佢平時有潔癖！而家個囝懶左尿係大人床，佢話阿囝D尿咪即係我D奶！有幾污濁！唔駛換床單住！我答佢：「你痾個D之前唔係野食黎！咁你係咪食番佢！」我而家成日話佢個囝痾咩都香！

私人傳訊回覆引用

natalie520

子爵府

積分: 10107

15^#

發表於 13-5-8 10:58 |只看該作者

回覆：老公成日覺得阿B食唔飽！想放棄！

樓主你做得好好架啦，我初時都無你咁快上手，不過可以咁快3個鐘一次？我果時頭2，3個月重係2個鐘一次，辛苦死

私人傳訊回覆引用

Janeylam

大宅

積分: 1946

16^#

發表於 13-5-8 11:15 |只看該作者

引用：樓主你做得好好架啦，我初時都無你咁快上手

原帖由 natalie520 於 13-05-08 發表
樓主你做得好好架啦，我初時都無你咁快上手，不過可以咁快3個鐘一次？我果時頭2，3個月重係2個鐘一次，辛苦 ...

其實佢大部分時間自己3小時1次（我同佢都會差唔多時間自然醒！有時眼訓可能4小時1次！係精神既時候就亂小小成日搵奶！我會盡量用其他方法引開佢注意！唔到最後都唔會比佢啜！如果佢啜下停下我會唔比佢食！

私人傳訊回覆引用

lammi2012

男爵府

積分: 6503

BK Milk勳章

17^#

發表於 13-5-8 13:56 |只看該作者

你老公可能太緊張bb，你唔好因為咁而放棄呀。其實我當初同你老公既相法好似的，我bb一喊就以為佢唔飽，係咁餵係咁餵...佢食食下訓左我無整醒佢就一齊訓，之後好快佢又餓，所以其實bb食食下訓左，你老公想你整醒佢，都唔係無道理。。(我諗)....
因為我睇過d人話bb比媽媽抱住咁啜人奶太舒服，好多時真係食到訓著左，但其實未飽，好快又搵奶，媽媽唔整醒佢食，結果bb同媽媽都一齊辛苦。<<<我就係咁............結果休息太少個人好亂，變左bb一喊就驚........最後仲放棄埋人奶.........因為總係驚佢食唔飽!(其實佢片濕同便便都好好...仲肥嘟嘟...只係我過份擔心)

不過我真係好後悔好後悔無再餵........

私人傳訊回覆引用