先講講關係先:
同老婆都結左婚幾年, 大家都3x歲了, 小朋友都有一個了(兩歲)! 發覺越來越唔開心!
同老婆D朋友(已婚,兩公婆都有出)一齊出去食飯, 只係覺得人地由心底感覺到開心/幸福!
食飯既時候, 大家都會講下個老公點對自己, 屋企會做D咩...(都係日常生活的事)我老婆聽到人地個老公會做呢樣果樣(家務), 大讚人地係好男人, 但係我呢, 家務都是我做, 重來不會對其他人說又不會讚, 只會聽到"你老公咁好", "你老公好錫你"! 點丫, 當我死左? 乜都唔做? 你想我比咩反應? 已經一肚火~~
人地個老婆有左BB, 做老公既會陪去睇醫生&聽講座, 我老婆聽完之後, 又大讚…..家下我無同你去睇醫生&聽講座咩? 次次我都有同你去丫, 你想我點丫?聽到人地個老公對老婆好, 就同我講: ‘你睇下人地幾好’, 聽完我真係好想反抬走人! 人地老公會做既野, 自問我做得比佢地多, 連煮飯/洗碗都係我…都完佢講, 真係心淡~~~
到另外一個朋友又講, “我老公無陪我睇醫生&聽講座”…..我老婆又出聲講, “你老公掛住賺錢麻, 算啦!” 之後又對住我講, 你睇下人地幾忙, 星期六都要做野! 我心諗, 星期六我都有秘撈, 係你要我出黎食飯, 又關我x事! 好, 我都忍你, 廢事發脾氣!
有時o係度諗, 你搵人地個老公同我比較就係正常既事, 而我呢? 我搵人地個老婆同你比較, 我呢D就叫“貪心”, “唔滿足”, “過份”…咁我仲有咩好講?!
性生活完全唔開心(半年一次都無), 無情趣, 無前戲, 叫佢幫我用手又唔得, 用口就更加唔洗諗, 我情願自己用手好過! 唔通呢D又係我錯?
仲有好多事, 打住小小先~~~