其實我有糾纏過,究竟寫唔寫,但我唔知可以同邊個傾,如果我再唔發洩,我怕我會顛。
見到好多 jm 出 post,說出自己嘅問題,但佢哋往往都係單一的,而我呢,點解我 C6 會做齊晒所有嘢,叫G, 有小三,用男仔名去 save 女仔電話。
我哋大大話話由拍拖開始到宜家都八年有多,想當初,我哋都叫艱難咁喺埋一齊,因為老爺唔鐘意我。
結婚前,一次意外,要做手術,手術後,我去住 C6 到住。當 C6 返工,我一個人悶悶哋,開咗佢部電腦,俾我發現原本佢有叫 G 習慣。佢喊晒咁叫我原諒佢, 我做咗。
之後我哋仲結埋婚,有埋小朋友。但好境不常,又有一次,我無意間發現佢用另一個電郵戶口,我撞唔到秘密,佢返嚟後,我發晒顛咁,迫佢 login 俾我睇....佢無改到個習慣囉。
之後陸陸續續,都幾次俾我知道佢仲有出去,每次我都揀原諒佢,因為我總覺得無感情嘅,係十分勁唔鐘意,但鬼叫愛佢咩,總比有小三好。
其實佢已經一次比一次玩得叻,電腦內所有嘢洗晒先返屋企,加上我信佢改過,所以無再 check 佢。(註,當時未有智能電話)
過咗幾年,直至舊年,我又再有咗 BB,換咗智能電話後,有一次,佢貪得意將個女仔相send 咗去一個新嘅電郵,我梗係不停咁追問,佢答我話試吓個 function,相中人係佢女同事,喺啲男同事係個 group 到發放的。哩個都唔係最大問題,最大問題係我用個email 喺yahoo, Google 搜尋先至最恐怖,跳咗600幾 700 條問價。原來哩幾年又係信錯佢。都算,因為有咗 BB,我哋最終都無分開。
BB出世後嘅某一日,大概今年三月,天網灰灰,佢遲咗出門口,whatsapp響起,佢好驚青,我知有問題,佢一路都唔係我睇,even有身體碰撞都唔俾,都最後我失咗控,佢知包唔住,最終佢講晒出嚟。
我忍唔住喇,我搶咗電話,打咗俾個小三,用我畢生最難聽嘅說話鬧臭佢。嗰個小三係佢同事,佢哋維持咗一個月,由於一齊返工,日久生情,佢哋終於走埋一齊。佢有老公,有個女,但我唔知點解佢仲會痴埋個 c6 到,可能有個上司姦夫,威啲,叻的掛。
我知道後,勁 Check 佢 calling record,知道佢就算同我一齊,只要我行開,佢會打俾小三,不過次數唔多,可能佢哋心知遊戲規則,又或者,返工時,已經傾晒。小三承認係佢做主動,但牛唔水,點噤得牛頭底呀。我仲同佢哋上司講咗,小三向我表示佢好後悔,宜家仍然under supervision。我心裡一句,抵死!
至於佢哋幾時偷情鬼混,就係呃我 ot 嘅時候。佢一直都無加班嘅需要,但嗰排,佢話個同事請假,要做埋佢嗰份,所以OT 到8:00,我信佢吖,但換來咁嘅結果。
佢一直都好顧家,對我對我屋企人都好好,但我無諗到佢玩出感情,我嬲咗好耐好耐,到宜家都仲無放得低。
之後,我哋坐低傾過好多次,佢話佢叫 G 係因為佢控制唔到佢思想,佢成日無端端會閃過嗰啲慾念。搵小三就因為話我唔理佢,唔聽佢呻,唔關心佢……
我哋宜家都仲一齊生活緊,不過,我 check 佢比以前仲緊,做standardinstruction ,一出糧就要轉晒去我戶口,GPS……,到最後我直情要佢玩部舊款電話。佢簡直同坐監無分別,但都接受,不過我估佢唔會維持好耐。
見到其他 post,有啲
c6一有小三就話走咗去,而佢又好似好後悔咁!應該點做好?
寫完出嚟,舒服晒……