guoda1668 發表於 13-8-12 12:44
如果樓主寫出黎心情會好D就即管寫吧！
不過你都要為自己打算一下未來...... ...
我開得 post 都係想聽吓其他人嘅善意睇法，唔介意 jm嘅回覆，但唔表代可以惡意中傷。我都仲好有理智，知道自己做緊啲咩，或者大家嘅 point of view唔同。
犯賤同真愛真係兩樣嘢嚟，我只係未決定啫，唔等於犯賤，唔等於放棄自尊。如果我都係犯賤，咁嗰啲小三呢，ｇ呢？
或者有啲人好幸褔，唔使出嚟捱世界！要返工，要放底小朋友係婆婆到，就等於唔負責任，自私嘅行為嗎，就代表逃避嗎？如果我要養活自己小朋友，更加要份工囉，雖然我只係一個小小經理仔，搵嘅唔多……
之前我都好忐忑，但我睇咗某幾段留言後，我突然醒咗，或者我真係執著，硬頸同好勝。我反宜唔想俾人睇死……應該共同再去好好咁努力維持頭家，重新出發。
我好想再分享一樣嘢，我果一代嘅人，可以會因為屋企唔好，會發奮做人。但千其唔好睇少宜家嘅青年（可能大部 jm
嘅小朋友宜家仲細），唔可以睇少佢哋嘅反叛威力。宜家嘅小朋友好成熟，佢哋諗嘅，可能係你意料之外，佢哋未必介意父母離婚，但佢哋會想有個有媽咪，爹地嘅家庭，埋怨過後，佢哋會點諗。我博過一次，唔想博第二次！
細嘅小朋友仲係好天真，佢哋咩都唔識，有 daddy mama陪著就感受到愛 ga la。我將來都希望同小朋友講，媽咪付出唔少，媽咪無軟弱過，無為咗小小問題就離婚，相反，媽咪仲會努力去解決問題。
我唔係基督徒，我無辦法原諒他人70 個 7 次，但誰人無罪就用石頭拋叫個婦人到。
當小朋友大個後，如果無事，根本無需要再提，如果救唔番，佢哋亦自自然然明白，所以我唔覺得涉及教導小朋友學習對與錯，價值觀同人生觀嘅問題！
至於個 c6，佢會唔會改，我無能力去控制，但，無論佢扮嘢又好，真心又好，我有感受到佢嘅悔意
è
由初初只係轉份家用，改咗一出糧就由銀行轉全份糧俾我。
è
自動自覺報到。
è
將脾氣減少好多好多。以前如果一嘈交，大家都唔讓步，但宜家佢唔會再同我嘈，反宜會氹我。
可能好多 JM眼中，以上嘅只係冰山一角，徵不足到，又或都佢為咗下次出軌做準備，但對於睇尊嚴睇得好重嘅C6，至少佢肯做，又或者佢已經得到佢嘅教訓。
噚晚，C6
澡完涼出嚟未著上衣，我見到佢背脊幾個牙印，隔咗五個月都唔退，我諗我當時真係咬得好大力，希望佢記得嗰種痛，記得哩次教訓，不過內疚一世先係最大懲罰。
可能好多 JM仍然覺得我寫緊Ｙ理，對我好失望，覺得我無得救（但請勿插），但我只係做我想做嘅事，當中可能好唔開心，仲會好艱辛，可能到最後咩到無，但總叫為爭取過，努力過……又或者有一日，我死咗心，自自然然，毫無痛苦咁離開佢。
發表於 
返回列表
