大仔大女媽媽會 今日: 0|主題: 177860

gloria.glory 寫道:
dear all mami

我地己經黎左上海around三星期喇, 一切安好, 多謝大家既關心~

我地到左上海兩日後就join同事去左三亞玩左三日, 跟住返到上海住左兩星期酒店後岩岩搬左去宜家住緊既apartment, 呢度市中心既樓都唔錯, 最後揀左一個新既單位, 呢個屋苑係新既, 好多業主都係收左樓冇幾耐, 同埋係香港既發展商develop同管理, 所以都住得唔錯, 屋比香港既大, odin多左地方玩. (wing, 響呢度買樓都諗得過架).

黎左上海都有d唔慣, 天氣比香港涷, 仲好多時都落雨 (雖然落得唔大, 不過都好討厭, 因為一落雨個地就好dirty, 同埋感覺冰好多). 呢度既水喉水唔可以飲用 (對香港人黎講, 因為呢d係硬水, 所以我地都唔慣), 所以我地都係訂watson's既水黎飲用. 呢度既culture始終同香港有分別, 所以仲要俾d時間去適應, e.g. 周圍都有人食煙, 同埋d人比較rude d.

不過都有好既方面, say食野平過香港, 響我地住既地方附近既restaurants, 都唔難搵到價錢okay, environment okay, 感覺乾淨既地方. 撘的士又好平, 所以去遠少少撘的士都唔覺得肉痛. 感覺上治安都okay, 一個人出街都冇乜問題. 同埋呢度有gymboree playgroup (vv, odin join左喇), 咁odin weekend都可以繼續playgroup, 等佢唔使咁悶, 可以學下野, 佢宜家開始學人唱歌, dancing, 同埋表達自己. 宜家搵緊local既playgroup等odin可以感受下呢度既文化, 同埋學下mandarin.

呢度同香港有樣野係好唔同, 當地人好少會帶bb出街, 相信係因為天氣太涷, 同埋唔係個個都afford得起買bb車, 所以就算見到bb, 都係媽媽抱住既, 所以有人見到odin坐響bb車度跟我地去街街都感到好好奇!

雖然黎左上海有d唔慣, 不過好彩仲可以access bk, 咁樣可以同你地傾下計, 又可以睇下大家bb成長成點~