懷孕前後

收藏本版
發帖
返回列表
跳至頁

首頁
12345

尾頁
   1
babypoma


大宅

積分: 1480


1#
發表於 13-9-11 00:54 |只看該作者
本帖最後由 babypoma 於 13-9-11 00:58 編輯

而家啱啱有 B 大概 10 or 11W, 由於好多野都屬於新手加上同同道之媽媽們間唔中吹吓水好開心, 所以依輪係多咗上黎 BK 架

* 不過講正題前先講返上次件事, 如果有興趣 click 入我個名都會知我曾經發生過咩事, 而事情既結果如下 (因為懶唔再打喇, copy 返前嗰輪曾經係度回應過某個 post 篇野, 所以可能有啲媽媽們會睇過呢)

大概係一年半前發現 BB 結構有問題結果要係 20W 入廣華做終止, 當時情況係:

(1) 9am 前先去廣華 10/F 搵之前睇開我既醫生做多次檢查, 睇下 BB 有無啲咩奇蹟出現而可以唔使做 '終止'
(2) 由於無咩奇蹟, 所以就要上去婦產科做入院手續, 而當時雖然唔係探病時間但老公可以全程陪我 settle down (就算行埋入病房內都可以), 而攪好晒後因佢要返工所以要走喇
(3) 過咗一陣有護士叫我過去比依層既醫生再檢查一下, 之後就返返上床 (期間當我又不其然係度喊緊時有個係 10/F 平日成日見到既姑娘黎咗探探我, 雖然只係一陣但當下其實感覺好溫暖呀)
(4) 又過咗一陣有個依層既護士過黎同我開始塞第一粒藥, 佢每次都會穿手套 + 潤滑液所以過程唔痛的, 只係比外人伸手入黎會令人好緊張, 只要盡量放鬆就可以喇
(5) 之後過咗大概半個鐘個肚定子宮超痛 (我向來黎 M 都唔痛架), 依次既痛令我有點 '典床典席' 下忍唔住細細聲叫咗出黎, 於是忍唔住要問護士拎止痛藥 (但問完等咗好耐都唔見護士拎黎, 我知佢地都好忙, 不過當時都幾痛所以前後都問咗兩三次)
(6) 食完止痛藥過一陣無痛喇, 於是可以瞓返幾個鐘抖下; 而護士每 4 個鐘黎塞一次藥, 每次一粒
(7) 而之後幾次塞完藥無再令我大痛喇, 有既只係輕微而可以接受到既小小痛 (不過由於事前唔知會唔會有邊次塞藥後痛而護士又拎唔切止痛藥黎, 所以到夜晚既探病時間叫老公偷運一盒止痛藥黎); 而塞藥令我有發燒、發冷反應
(8) 前後共塞咗 3 定 4 次藥, 到大概 11:30pm 時突然感到超急 S, 雖然之前姑娘已叫我如想去任何大小便都要通知佢地, 佢地會帶尿兜過黎床上面幫我, 不過我見自己行得走得無咩事於是自己入去厠所 (我住 8 人病房有獨立洗手間), 但坐咗一輪都去唔到, 而啱啱有姑娘搵我所以就要出返去喇
(9) 又過多一小陣超急 S + 肚定唔知咩痛突然好強烈咁湧現, 我只能好無力咁叫我啲 '鄰居' 幫我叫姑娘; 超快就有兩個姑娘黎到我張床之後就關埋廉、我除咗褲而佢地都未拎得切個尿兜過黎時突然我穿咗水仲噴到成床都係水, 當時我係咁講唔好意思而佢地都叫我唔使怕大家只要集中係我既情況下就得喇 (超感動, 完全感覺佢地唔係打緊工而係將心比心咁照顧我 ..... 其實而家諗返起當時情況都有啲眼濕濕).
(10) 當穿水後餘下過程 0 痛、0 唔舒服 ~ 由於唔會有陣痛所以我都要慢慢一下下咁用啲力推個 B 出黎, 當時都要推一小陣先出到, 但當感到佢已經去到陰道時就會好容易、好快推埋出黎喇; 但胎盤就要推咗一大輪先出到 (由於已經 20W 所以組織經已成晒型, 之後醫生黎睇推咗出黎既 B 與胎盤好完整所以確定已經完成整個 '終止' 行動而唔需要再做其他野)
(11) 基本上全程大概經歷咗 30 至 45 分鐘啦; 而之後要留院一日, 到第二朝就可以出院喇 (前後後係醫院大概 24小時)


* 當而家又再幸運地有 B 時真係覺得無咩緊要得過 BB 既健康 (係度都想感謝神 ~ 當你相信衪、交畀衪, 衪總會安排你所需要或所想架!! 所以今次再有 B 純粹係順其自然而中間無做啲咩特別調理或睇中醫等, 一切都要感謝主)
私人傳訊

babypoma


大宅

積分: 1480


2#
發表於 13-9-11 00:54 |只看該作者
本帖最後由 babypoma 於 13-9-11 01:01 編輯

講返正題先

依排再次入返多啲黎睇吓唔同既 post, 發現間唔中就又會有人問可以食生野嗎 (我唔明問黎做咩呢, 係咪其他人食完又幸運地無事生咗呀 B 出黎就等如自己都可以搵 BB 條命黎搏)

其實點解要搏????????? 有好多傳統說法話某一啲食物唔食得可能未必有醫學根據, 但生野有機會有菌好 common sense 啫

平常人無病無痛食完有菌既可能只係痾嘔幾日, 但大住個肚食就係高危啦!! 又唔係話一世無得食, 一年半載啫. 唔通為咗一時口慾到第時有咩不幸事件發生先黎後悔

我相信如果有心當媽媽時係無野能夠比 BB 重要架
私人傳訊

babypoma


大宅

積分: 1480


3#
發表於 13-9-11 00:56 |只看該作者
本帖最後由 babypoma 於 13-9-11 22:38 編輯

*** 以下係 copy 蘋果日報係八月九號刊登既一篇報導 ~~ 不如媽媽們幫手推依篇、又或者將蘋果段野複製都好, 就當啲準媽媽們唔知件事既嚴重從而可以令多啲人 alert 吖 ***

http://hk.apple.nextmedia.com/news/art/20130809/18371099

生冷食品 播病菌殺胎兒 沙律乳品魚生高危 多含李斯特菌

【本報訊】孕婦進食生冷食物、奶類製品，要慎防感染李斯特菌！一名30歲孕婦懷疑進食不潔沙律、芝士、乳酪及牛奶後感染李斯特菌，並將細菌經胎盤傳給胎兒，導致要提早剖腹產子，惟男嬰最終不治。專家指胎兒感染李斯特菌，夭折率可高達40%。提醒孕婦小心飲食，保障胎兒健康。

衞生防護中心表示，女病人居住黃大仙，她上月19日開始感到胎兒減少郁動，當時懷孕第27周。兩日後她往威爾斯醫院求診，院方即時進行剖腹生產，胎盤被驗出李斯特菌。其後接受抗生素治療，情況穩定，之後出院。但女病人的早產男嬰出世後，已有呼吸問題，即接受深切治療和抗生素療程，最終於25日不治。男嬰血液找到有李斯特菌，顯示細菌入血。此個案轉交死因庭跟進。

調查顯示女病人病發前無外遊，但曾進食多種高危可致病的食物，包括沙律、牛奶、芝士及乳酪，院方正追查其感染源頭。此個案為今年第三宗孕婦感染李斯特菌個案，前年及去年均各有三宗。前年同樣也有一名初生嬰兒經母體感染該菌後死亡。上月底另有一名69歲婦人因感染該菌入住屯門醫院，仍留院治療，感染原因仍在調查。

威爾斯醫院婦產科部門主管張德康說：「孕婦感染李斯特菌係產科大事，幾乎有一半受感染BB救唔返，包括流產、早胎，死亡率都好高」。

奶製品最容易孳生

已知軟芝士等奶製品最容易孳生李斯特菌，生冷食物也十分高危。一般市民進食含菌食物，或會腹痛、腹瀉，但孕婦進食後則會影響胎兒的健康，應盡量避免進食。港大感染及傳染病中心總監何栢良表示，李斯特菌存在於環境中，即使低溫至攝氏4度都可以生長，故不少食物也有可能帶菌，若數量不多，一般難以檢測。

除了未經消毒的奶製品，毋須翻熱的食物包括魚生、沙律及三文治等生冷食物，以至燒味都屬高危。人體若進食受污染食物，李斯特菌可致腹瀉等腸道不適。但孕婦、嬰兒或體弱人士因抵抗力較差，感染後果嚴重，若「吞咗（該菌）落肚」，可經腸道入血傳染胎兒造成流產或死胎；成人可致敗血病等致命併發症，高危人士應避免進食上述高風險食品。

*** *** *** *** *** *** *** *** *** *** *** *** *** *** *** *** *** *** ***

另外加埋係衛生署網頁搵到既資料

http://www.chp.gov.hk/tc/content/9/24/14450.html


李斯特菌感染

病原體 李斯特菌感染是由李斯特菌引致，此病菌常見於自然環境（如泥土或水等），亦可在受污染而未經煮熟的蔬菜或肉類，或未經巴士德消毒法處理的牛奶發現。加工食物如軟芝士、凍食肉類等，亦可能在加工過程受污染。

病徵
患者通常會發燒、頭痛，有時會出現腸胃道的病徵，如噁心、嘔吐及腹瀉等。部分患者或會出現併發症，如腦膜炎、腦炎或敗血症。高危人士如孕婦、初生嬰兒、長者、長期病患者或免疫力較弱的人士較容易患上此症。受感染的孕婦可能會將病菌傳給胎兒，導致流產、胎兒夭折，或引致新生嬰兒患上敗血症或腦膜炎。

傳播途徑
李斯特菌感染可通過進食受污染的食物傳播。病菌亦可由母體經胎盤傳給胎兒或經受感染的產道傳給新生嬰兒。

潛伏期
潛伏期約為3至70日，病徵一般在感染後三星期出現。

治理方法
患者一般需要住院及接受抗生素治療。

預防方法
李斯特菌的特別之處，在於其可在貯存於雪櫃的受污染食物上繁殖，但是一般的煮食溫度已能輕易將之消滅。要預防李斯特菌病，應保持良好個人、食物及環境衞生。

個人衞生
進食或處理食物前、如廁或更換尿片後，應用梘液及清水洗淨雙手。

食物衞生
1. 選擇安全食物
  • 高危人士，如孕婦及免疫力較弱的人士，應避免進食高風險食物，例如未經巴士德消毒法處理的牛奶、軟芝士、預製或貯存的沙律以及凍食肉類等。
  • 選購及食用前應仔細檢查食物包裝是否完好，並留意食物是否過期。
2. 徹底煮熟食物
  • 食物應徹底清洗及煮熟。
  • 食物煮熟後應盡快食用。
  • 應分開處理生熟食物，如用不同的砧板和刀處理，以防止交叉污染。
  • 不要徒手處理熟食；如有需要，應戴上手套。
3. 妥善貯存食物
  • 雪櫃應定期清潔和溶雪，溫度應保持於攝氏4度或以下。
  • 易腐壞的食物應用蓋蓋好，存放於雪櫃中。
  • 生熟食物應分開貯存（雪櫃上層貯存熟食，下層貯存生的食物），避免交叉污染。
  • 如有需要保留剩餘的食物，應蓋好加以冷藏，並盡快食用；食用前須先檢查及徹底翻熱。
  • 變質的食物應該棄掉。

環境衞生
  • 保持廚房及器皿清潔。
  • 妥善棄置垃圾。
私人傳訊

sabby


複式洋房

積分: 226


4#
發表於 13-9-11 01:19 |只看該作者
咁其實食任何食品都可以有風險, 即使熟既,存放得唔好都有風險，你既遭遇我好同情, 但無point 話食生野就攞B斬飛羅, 食沙律都有罪？梗何況個B結構有問題同食物有咩關係?
你話醫學根據,我問過醫生, 都話無野, 我屋企人係醫䕶人員,唔會唔専業掛.
你件事都年半前, 節哀順變,調理好自己身心先啦.
每日都發生太多事啦, 新聞話供港蔬菜有毒,牛有瘋牛症,豬有瘦肉精, 用塑膠器皿有塑化劑,空氣汚染鉛浮粒子太多, 中環銅鑼灣旺角唔駛去? 要擔心大把野擔心, 放鬆啲啦

私人傳訊

Sicitsoi


男爵府

積分: 7119


5#
發表於 13-9-11 01:35 |只看該作者

引用：+本帖最後由+babypoma+於+13-9-11+00:58+編

原帖由 babypoma 於 13-09-11 發表
本帖最後由 babypoma 於 13-9-11 00:58 編輯

而家啱啱有 B 大概 10 or 11W, 由於好多野都屬於新手加上同 ...
你有point，我buy你

點評

wss0605    發表於 13-9-12 01:56
私人傳訊

unkujoh


大宅

積分: 4096


6#
發表於 13-9-11 02:24 |只看該作者
本帖最後由 unkujoh 於 13-9-11 02:28 編輯
sabby 發表於 13-9-11 01:19
咁其實食任何食品都可以有風險, 即使熟既,存放得唔好都有風險，你既遭遇我好同情, 但無point 話食生野就攞B ...

我問過幾個醫生同學/朋友，包括自己睇開的婦產專科，都話懷孕婦女要盡量避免食生冷野

原因係有機會感染李斯特菌，而李斯特菌會在高温下死亡，所以熟食風險比較低


政府衛生防護中心，食物安全中心網址都有講


唔係話食沙律有罪，JM都係好心提醒有關風險，以免出事就後悔莫及

點評

babypoma  但就算幾權威既單位講完都總會有人 challenge  發表於 13-9-11 22:12
babypoma  之前唔同地方已經有好多報導講過李斯特菌對孕婦同胎兒既危險  發表於 13-9-11 22:10
私人傳訊

ella0628


男爵府

積分: 6532


7#
發表於 13-9-11 02:42 |只看該作者

引用：咁其實食任何食品都可以有風險,+即使熟既,

原帖由 sabby 於 13-09-11 發表
咁其實食任何食品都可以有風險, 即使熟既,存放得唔好都有風險，你既遭遇我好同情, 但無point 話食生野就攞B ...
樓主既意思係提醒各位準媽媽：' 孕婦、嬰兒或體弱人士因抵抗力較差，感染後果嚴重，若「吞咗（該菌）落肚」，可經腸道入血傳染胎兒造成流產或死胎'

如果你覺得沙律係夠乾淨既咪食囉其實。 魚生點先知乾唔乾淨呢？唔怕既咪食囉。最緊要自己為自己行為負返責任。人地樓主都係好心一而再， 再而三提醒大家之嘛。

點評

babypoma     發表於 13-9-11 22:12
私人傳訊

ella0628


男爵府

積分: 6532


8#
發表於 13-9-11 03:02 |只看該作者

回覆：點解時時有人問大肚可食生野

樓主， 恭喜你。。今次寶寶會好乖好平安！祝福你
私人傳訊

bebesichar


大宅

積分: 1001


9#
發表於 13-9-11 03:16 |只看該作者

回覆：點解時時有人問大肚可食生野? ~ 過來人知道如幸有B應要珍惜

非常同意樓主的P0st。我都好唔明兼有時見到有D忟，成日上來問食唔食得魚生，生肉呢D。
另一個見到想鬧的是去旅行post!有時我想可能她們是二十歲以下的媽媽所以先問一些成年人會可以自己𧗾量的問題。
都做人阿媽，要成熟D，自己想下後果，唔係上來問下人，人地話OK就自己照做既。

點評

myaisha0435   同感  發表於 13-9-12 14:21
私人傳訊

Dada0208


別墅

積分: 929


10#
發表於 13-9-11 08:18 |只看該作者

回覆：點解時時有人問大肚可食生野

同意呀，見到d人成日問可唔可以食魚生生蠔，跟本就係要滿足自己嘅私慾而上嚟搵人support自己，係有好多人食咗冇事，但亦都人係唔好彩果個
我睇嘅醫生都係話唔好食生嘢，聽嘅講座同睇過幾本書都係咁講，我都唔多相信有幾多個婦產科醫生會叫大肚婆去冒呢d險喇
其實唔食生嘢一年半載唔洗死，生bb咁大嘅決定都做到，點解忍下口咁簡單嘅事就做唔到呢，咪咁自私啦
私人傳訊

minimami


大宅

積分: 3444


11#
發表於 13-9-11 08:28 |只看該作者
本帖最後由 minimami 於 20-4-21 12:36 編輯

d
私人傳訊

puipui_lui


大宅

積分: 2288


12#
發表於 13-9-11 09:56 |只看該作者
sabby 發表於 13-9-11 01:19
咁其實食任何食品都可以有風險, 即使熟既,存放得唔好都有風險，你既遭遇我好同情, 但無point 話食生野就攞B ...

樓主唔係話因為食物所以小b結構有問題, 佢係想帶出正正因為佢曾經歷過"終止"之痛, 所以更加明白生命無常呢個道理, 得來不易, 所以更要珍惜, 係自己能力範圍以內可以做到o既事, 將 risk 減到最~低.

係呀, 好多野都有危險, 唔擔心得咁多, 不過既然明知 sashimi 係高危食物, 咁咪避左佢囉, 有幾難姐. 若然係明知食 sashimi 係 high risk, 都仲係好想食o既, 咁咪去食囉, 唔使下下上黎問人架?? 我都有個朋友佢大肚時照食三文魚刺身, 我只係覺得佢好勇敢, 換著係我, 明知三文魚係超級多菌, 而食完之後會有機會害左小b, 那怕個機會只係千百萬分之一, 我都唔會去搏. 好想食又明知 sashimi 係好 risky, 走上黎 bk 問, 咁問o個位想得到咩答案呢?? 就算有人答你 「我成日食架, 我個b好健康」又或者係 「我醫生話食得架喎」咁又點呢?? 始終食落肚o個個係你自己, 人地係點關你咩事?? 人地咁答你唔會 share 左你個 risk 架~~ 所以呢, 想食咪食囉~~ 風險問題閣下自理~~~
私人傳訊

bobofung


大宅

積分: 2524


13#
發表於 13-9-11 10:09 |只看該作者
針唔拮到肉唔知痛，楼主，好像坐車，有安全带都吾系個個用，明知出事保險吾claim都吾用，點解，因為人就系咁，成日覺得自己吾會咁吾好彩。我中醫就話，你一系吾好要，有左就要盡力保胎。

點評

myaisha0435    發表於 13-9-12 14:23
私人傳訊

mamamia06


男爵府

積分: 5100


14#
發表於 13-9-11 10:24 |只看該作者
贊成。生野真係搏唔過，有事後悔一世。
私人傳訊

cacaying


別墅

積分: 687


15#
發表於 13-9-11 10:32 |只看該作者

回覆：點解時時有人問大肚可食生野

我都贊成樓主， 講真都係陀b 同坐月冇得食， 我都介口介得好清。最緊要阿b 冇事。
私人傳訊

yuyu1314


別墅

積分: 963


16#
發表於 13-9-11 10:33 |只看該作者
sby 發表於 1-11 01:19
咁其實食任何食品都可以有風險, 即使熟既,存放得唔好都有風險，你既遭遇我好同情, 但無point 話食生野就攞B ...
我認同你！個個人身體都唔同，好多野注定，有時戒口都冇用
私人傳訊

AGa1111


珍珠宮

積分: 33374


17#
發表於 13-9-11 10:35 |只看該作者

引用：Quote:sabby+發表於+13-9-11+01:19+咁其實

原帖由 puipui_lui 於 13-09-11 發表
樓主唔係話因為食物所以小b結構有問題, 佢係想帶出正正因為佢曾經歷過"終止"之痛, 所以更加明白生命無常呢 ...
無錯，你覺得無問題咪繼續食，唔洗問人，唔洗同人講，風險自理
私人傳訊

jacaranda96


大宅

積分: 1768

BK Milk勳章


18#
發表於 13-9-11 10:38 |只看該作者
回覆 babypoma 的帖子

Cant agree more ！非常贊同樓主的觀點。為什麼為了滿足自己的口欲，卻拿BB條命去搏？
私人傳訊

goosema


翡翠宮

積分: 92484

畀面勳章 BK猜猜猜慶中秋 BK Milk勳章


19#
發表於 13-9-11 10:44 |只看該作者

回覆：點解時時有人問大肚可食生野? ~ 過來人知道如幸有B應要珍惜

其實外國都唔suggest孕婦食high risk既食物架（沙律，魚生果d）！外國人鐘意食沙律啦，但佢地有bb都唔會食！

點評

myaisha0435  最慘係好多人成鬼日屈佢地照食唔戒口  發表於 13-9-12 14:25
任何地方同樣的你,
有人把你抬得很高,
有人把你眨得很低,
有價值的東西,
只有在懂價值的人面前才有價值!
不要管別人怎麼看,
關鍵是自己怎樣看自己~
私人傳訊

jacaranda96


大宅

積分: 1768

BK Milk勳章


20#
發表於 13-9-11 10:47 |只看該作者
sabby 發表於 13-9-11 01:19
咁其實食任何食品都可以有風險, 即使熟既,存放得唔好都有風險，你既遭遇我好同情, 但無point 話食生野就攞B ...
不好意思，但忍不住要說你就樓主之前小產經歷的留言，真的不夠 sensitive. 還有，所有我見過的醫生、registered nurse，外加本人信任的孕婦資訊網站 ( 題外話---sorry to say that， but most of them are in English，不是說我不信任中文網站，但其中真的有很多似是而非的理論和資訊）都會建議孕婦不要吃生冷食物，因為風險比煮熟的食物要高很多。
私人傳訊


首頁
12345

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見