吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 不愉快經歷 - 趙長成醫生

嬰兒醫護今日: 0|主題: 79097

收藏本版

發帖

返回列表

跳至頁

查看: 36092 | 回覆: 36

不愉快經歷 - 趙長成醫生 [複製鏈接]

天使仔

大宅

積分: 1937

1^#

發表於 13-9-12 16:32 |只看該作者 |倒序瀏覽 |打印

我女有氣管敏感, 一向睇開趙長成醫生, 上星期日下午5點幾氣喘, 當時趙醫生已收工, 而趙醫生亦無在任何醫院掛單(我問過佢, 佢話年紀大唔掛單啦), 我唯有帶我女去仁安睇急症, 結果入院兩日出院, 咁我立刻約趙醫生想佢再睇下我女(之前都試過一次係咁, 當時無任何問題出現), 但今次當我地一講話阿女剛在仁安出院, 趙醫生立即面色一沉, 跟住用好唔客氣既語氣問我 "咁你今日帶佢來找我做咩", 咁我唯有話想佢再幫阿女檢查下好返哂未, 咁佢就唔出聲, 好快咁睇完阿女就叫我地走

我真係唔係好明白發生緊咩事? 阿女當時已經喘緊氣, 吸左氣都停唔到, 唔通我要等到佢星期一開工先帶阿女去睇醫生? 再講, 有睇過趙醫生既都知道, 佢係好難BOOK既, 我今次約我一早九點打電話去, 打左六十幾次先打得通(因手提電話有紀錄), 仲要比你約到九點半都要起碼十一點先有得睇, 因阿趙醫生係十點幾先返工既, 咁在咁既情況下我有第二個選擇嗎?

其實每次去睇阿趙醫生都好辛苦, 又要找人早些去登記先, 再帶阿女去, 每次都搞足半日, 仲要佢診所又多人, 阿女有次去覆診, 在佢診所惹到第二隻菌, 又病過, 今次仲要有咁既對待, 做阿爸阿媽真係慘, 仔女有病已擔心又辛苦, 仲要睇醫生面色, 唉~

我知呢度有好多趙醫生既FANS, 不喜勿插

點評

9830didididi 急症認為無事才會放人，理論上你是不用再帶孩子到診所的了。發表於 13-9-14 13:24

0 0 0

私人傳訊

jcbearlaw

別墅

積分: 721

2^#

發表於 13-9-12 18:47 |只看該作者

回覆：不愉快經歷 - 趙長成醫生

係咪你省想點錢。。出院當日已有醫生睇過，有真係無必要咁做

私人傳訊

vickymama115

大宅

積分: 3249

3^#

發表於 13-9-12 19:41 |只看該作者

回覆：不愉快經歷 - 趙長成醫生

好明白，我都知佢係都要等好耐，所以無帶女去打針，講真，苦了自己吾緊要，苦了自己小朋友事大，其實我相信好多好既兒科醫生既！睇醫生睇到咁我又覺得有點不值，各位趙醫生fans不喜勿插，純個人意見！

私人傳訊

shareholder

公爵府

積分: 26930

4^#

發表於 13-9-12 20:01 |只看該作者

咁既態度, 永久badlist 啦

所有事物，當你知道它不是真的時，它就不會令你痛苦。

私人傳訊

天使仔

大宅

積分: 1937

5^#

發表於 13-9-12 22:53 |只看該作者

回覆：jcbearlaw 的帖子

其實我係唔知邊日可以出院，所以無可能約到出院嗰日即刻去睇趙医生，我係第二日先去，只係因為阿女睇開佢，之前三個月入院一次，睇左佢之後大半年無發作過，所以先諗住比佢睇下安心d。
不過我諗我唔會再睇佢，我都同意好既医生有好多，真係無謂貼錢買難受

私人傳訊

MingMing326

大宅

積分: 2954

6^#

發表於 13-9-13 15:02 |只看該作者

係架，佢而家睇証超麻木，最攪笑有次同佢講明食果隻藥會反胃，佢話我會照開，食唔食你自己諗，我心諗咩事呀？小朋友食完反胃照開！！從此，我無再睇佢，我而家轉睇黃雅信醫生跟仔仔氣管不知幾好，但講聲先，好貴下！但感覺好好多，用藥又準，唔會要似排街証咁

私人傳訊

天使仔

大宅

積分: 1937

7^#

發表於 13-9-13 16:09 |只看該作者

回覆 MingMing326 的帖子

我都諗住找過個醫生, 試下你呢個先, 係呢, 你小朋友幾大?

私人傳訊

siumak

侯爵府

積分: 23806

陪月勳章

8^#

發表於 13-9-13 17:21 |只看該作者

我一聽到D醫生要Book到咁樣﹐
Book完仲未必即日有得睇的醫生﹐
我寧願搵第二個。

私人傳訊

kaaita

別墅

積分: 875

9^#

發表於 13-9-14 01:53 |只看該作者

回覆：不愉快經歷 - 趙長成醫生

我仔之氣管敏感咳咗兩個幾月，睇好多e生都唔得，最後朋友介紹睇許漢琳睇好咗，喺金鍾唔使等，如有需要可以試下佢

私人傳訊

Puppet8

男爵府

積分: 6616

10^#

發表於 13-9-14 07:12 |只看該作者

回覆：不愉快經歷 - 趙長成醫生

睇過佢一次，我諗我一世都唔會再睇佢！
之前我仔(1歲)有濕疹睇趙醫生，話我唔俾類固醇阿仔搽會害死我個仔。當時佢檢查完就交阿仔姑娘照顧，佢再同我&老公傾，睇完之後我老公同我講返個姑娘請阿仔食方飽(當時我老公俾我鬧到上天花板，成日教個仔唔好食陌生人野，仲要見到都唔阻止，激到我嘔血....)。
我本來係諗住睇多個醫生，再確認多次係咪濕疹，亦唔想俾類固醇阿仔搽。返到屋企阿仔D濕疹發到癲左....結果頂唔順第二日試類固醇，按照醫生教我地份量用，佢話一用就唔可以即刻停，一定要用足4日慢慢減個份量。阿仔搽左之後一R個面一大塊皮甩出來流血，以前R唔會咁易損架！搽左4日，D濕疹爆到全身都係，見到阿仔咁樣我真係癲左....停左藥成個月完全冇改善，打電話問個趙醫生，當時我好驚講野把聲都震晒，問佢點解我仔搽完類固醇差左咁多，D皮膚好似蛇皮咁硬，一R成大塊皮甩出來流血，同埋我&老公幫阿仔搽完類固醇隻手指D皮膚都好鞋，趙醫生只係叫我自己帶阿仔去睇皮膚科睇下幫唔幫到我......之後帶阿仔睇政府，俾支類固醇個醫生睇，話支類固醇係好強，我仔唔使搽D咁强。但係個趙醫生話特登開呢藥膏係適合搽面的......到依架半年了，阿仔D皮膚仲未恢復，以前出街佢掛住周圍八卦忘記了R就會好返好多，用左類固醇之後每次出街個面都好紅，成個關公咁......D皮膚差到....同埋我仔之後驗左對小麥敏感係高，好唔明個姑娘做咩明知我仔有濕疹仲俾方飽阿仔食囉！
雖然過左去，但每次諗起都好唔開心好內疚，幫唔到阿仔仲害到佢變差，好心痛，真係希望有濕疹果個係我，唔好搞我個仔....
亦希望有濕疹睇趙醫生要小心用藥，佢開果支類固醇真係唔岩BB用，我地大人搽完隻手指都鞋晒，更何況係BB！唔希望再有人好似我咁唔好彩...

私人傳訊

MingMing326

大宅

積分: 2954

11^#

發表於 13-9-14 07:56 |只看該作者

回覆天使仔的帖子

我小朋友7歲，黃雅信醫生是朋友介紹話醫好左佢仔仔久咳，不過，我睇過佢幾次我覺得佢真係好細心同用藥準！但每次診金過千呀！所以，其實你下你會否考慮。我自己平時寧願慳其他，但搵到個夾同醫得好我仔條氣嘅，我覺得值得囉！

私人傳訊

天使仔

大宅

積分: 1937

12^#

發表於 13-9-14 13:45 |只看該作者

回覆：不愉快經歷 - 趙長成醫生

唉！其實要揾個医生夾到小朋友已經唔容易，d医生賺錢之餘可唔可以有d医德，諗下我地做媽媽既感受呢……

私人傳訊

9830didididi

大宅

積分: 3498

13^#

發表於 13-9-14 14:02 |只看該作者

天使仔發表於 13-9-12 16:32
我女有氣管敏感, 一向睇開趙長成醫生, 上星期日下午5點幾氣喘, 當時趙醫生已收工, 而趙醫生亦無在任何醫院 ...

我不認識這位醫生，也明白你的家人患病時，你要承受這壓力實在很辛苦。建議你要學習如何評估病人，如何可舒缓患者的不適？如何可知道患者能否吸到氣？是否到診所或是去急症？這全部都是可以學習到的。孩子如要吸入氣體藥物，理應要用小童吸入輔助器，輔助器可先行內存藥物，讓患者容易吸到。另外，請考慮選用氣速專用的治療機。要用的藥物則由你的醫生提供，部機可以租用，患者見氣速時，先行開機加入藥物給患者吸氣，可立即舒缓不適，之後再等白車或自行帶患者去急症。

至於你的醫生，看上去像是給你臉色，在我看來是這位醫生太老實了，醫生當時，的確是沒有站在你的角度去了解你當時的情况，他是醫生是專業人士，在他的角度，當然可以懂得分析啦，但他沒有想到你的處景是如何地困迫。其實你孩子的問題屬長久性，理應在你家附近找醫生的，正如你寫的︰這個醫生很難約期，而你的孩子的病除時可能有危險，我是不大贊成找這樣難約的醫生的，其實要控制這病不算難，大部份醫生都可以做到的了，所用的藥物所有醫生都懂得給予，是不用找甚麼名醫的，這是我的意見，希望你明白，我不想你為此導致太辛苦。請考慮。

點評

天使仔多謝你發表於 13-9-14 14:08

私人傳訊

天使仔

大宅

積分: 1937

14^#

發表於 13-9-14 14:06 |只看該作者

回覆 Puppet8 的帖子

真係慘, 我明白呀, 因為我女都有濕疹, 之前我都係唔想佢搽類固醇所以一路都無同佢睇醫生, 但佢時好時壞, 試過半夜抓到流血, d血多到我找唔到傷口, 我依家同佢睇緊馮偉傑(皮膚科), 睇左兩次咋未知得唔得, 但好貴, 第一次睇左$1800, 第二次$1400, 唉~

私人傳訊

tedghost

禁止訪問

積分: 33992

好媽媽勳章 2011精緻種植勳章環保接龍勳章 BK Milk勳章 hashtag影視迷勳章

15^#

發表於 13-9-14 15:33 |只看該作者

提示: 作者被禁止或刪除內容自動屏蔽

私人傳訊

天使仔

大宅

積分: 1937

16^#

發表於 13-9-14 23:16 |只看該作者

回覆：tedghost 的帖子

五百左右

私人傳訊

sukiloi

大宅

積分: 1351

17^#

發表於 13-9-15 00:28 |只看該作者

回覆：tedghost 的帖子

趙醫生系邊區呀？

私人傳訊

Jo3

大宅

積分: 2798

18^#

發表於 13-9-15 04:33 |只看該作者

引用：睇過佢一次，我諗我一世都唔會再睇佢！之前

原帖由 Puppet8 於 13-09-14 發表
睇過佢一次，我諗我一世都唔會再睇佢！
之前我仔(1歲)有濕疹睇趙醫生，話我唔俾類固醇阿仔搽會害死我個仔。 ...

我都帶阿仔睇過濕疹，個個西醫都係開類固醇，我有心理準備。佢嗰支advantun cream係較強少少的類固醇藥膏，平時兒科都只開hydrocortisone
1% (據我所知應該係最輕微的了），政府皮膚科醫生話我知，輕微呢支如果冇效先至用advantun cream，一開始就開advantun cream係較重手，但又不至於太重手。所以我又不太質疑他的醫術。
我係覺得佢返工時間好有問題，佢診所辦公時間並非他的辦公時間，約第一個都要等佢大半個鐘。我懷疑佢專登遲大半個鐘先嚟，d病人就儲咗好多係度等佢，因此制造好多人睇佢個勢。之前都有jm話過佢好遲先返，我諗返我嗰次都係，所以覺得固中有蠱惑。

私人傳訊