吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 嬲！62反對餵人奶！

母乳餵哺今日: 0|主題: 85693

收藏本版

回覆發帖

返回列表

跳至頁

查看: 35368 | 回覆: 15

嬲！62反對餵人奶！ [複製鏈接]

unlerhk

複式洋房

積分: 416

1^#

發表於 13-9-16 16:09 |只看該作者 |倒序瀏覽 |打印

岩岩坐完月，99話逢星期日會過尼幫手湊（平時姐姐湊），為左準備遲d反工，尋日先練習一次。

6299過到尼，我講底d野擺邊，點坐奶同換片咁。佢地尼之前幾個字bb已經開始扭肚餓，但未至於大哭，尼到後岩岩好教佢地餵奶（唔好意思用個教字，因為佢地無餵人奶，真係無呢方面的知識），由於無暖奶器係用水坐，咁我話大慨用三轉水喇，之後我就繼續食我的早餐，99就抱住bb氹住佢先，62就係度行行企企，中間都係我換水，不過唔緊要！我生得佢出就預左要湊，而bb亦開始喊得犀利左，我換水時，62就大大聲同bb講：係喎，好肚餓啵，點解咁耐既？跟住一路同bb講好耐，比説話我聽。

餵完無耐之後，問我出街有咩執，原來佢地打算帶走bb反屋企一個晏晝，之後夜晚去太嫲度食飯，真係好突然，第一次同bb分開咁耐，不過遲d反工都係要分開，咁就試下喇。bb日頭如果食完奶就瞓，3-4個鐘就要食下次，如果係玩，就2個鐘甚至個幾鐘左右食，交代完我就執左3樽冰奶比佢地，62話2樽就夠，唔使第3樽，話唔夠食最多咪打比我囉。

傍晚99打尼，話第2樽食左喇，咁我就即刻揼多樽然後去太嫲度，去到我就開始暖奶，62就係度話，你始終有一日係要轉奶粉架喇！邊度餵到咁耐呀又麻煩個d咁，我開頭都唔出聲，跟住佢又話每次肚餓唔通又要等你暖奶呀？bb喊到咁，我就話奶粉夠麻煩喇！跟住佢又話佢而家2個鐘就要食奶，咁樣佢會好辛苦（你無睇錯，佢係話佢本人好辛苦），我話岩岩出世係咁架喇，跟住佢就自己係度講一堆餵奶唔食得d咩又話麻煩咁，當晚，我真係好嬲，其實，無人叫你餵，如果唔係你係度我仲可以埋身餵添呀。

見過我bb的親朋戚友都話好湊，除左肚餓之外唔扭計，食得快，掃風快，食完擺落床佢會自己玩或者瞓，唔使人氹唔癡身，就算賴屎賴到出尿片都唔會扭計，又唔怕陌生，咩人都抱得唔扭計。你湊一個晏晝，唔使暖奶餵奶竟然話辛苦轉奶粉？

bb出世以尼，一直係我親手湊，埋身餵，月都未坐完就同bb沖涼，無人比我清楚瞭解我bb點湊，咁快就要再食係因為你要同bb玩，佢消耗好多體力，所以好快肚餓，唔通我唔比你同bb玩？而且bb而家岩岩滿月就已經戒到夜奶，所以日頭食多d密d都無問題，你見過bb幾多次？你有無試過谷奶發燒揼奶等人奶媽的辛苦？最辛苦同麻煩的人都未呻過一句，阿伯！你識條毛！

夜晚我同c6講，叫佢同62傾下，因為62之前同我講過一次係時候轉奶粉，我話無諗住餵奶粉，佢就問我係咪帶埋個bb反工，如果我可以帶反工，就唔會請姐姐喇！之前佢地話要反工湊唔到，我諗住自己湊或者請ee幫手，真係唔捨得比個外人湊自己個bb，而且請姐姐對我地經濟尼講好大負擔，佢就堅持話請個外傭好，到我請左，佢又無反工喎，而家日日係度hea，都無幫手湊過，有咩資格對餵人奶投反對票？點知我c6哦一聲咁就算，我問係咪你都反對我餵人奶？佢就話無所謂，我話而家你老豆話辛苦，佢竟然話咁佢湊個日餵奶粉喎，我話一定唔得，呢條係不歸路，佢仲叫我遲d同佢老豆食飯，慶祝生日咁話，但餐飯，我真係食唔落！

雖然62反對，不過我99好尊重我。佢無特別話贊成，不過都有煲下d谷奶的湯水比我，而且我示範換尿片時，佢真係有聽同睇，我話bb要點點點，鐘意點點點咁，佢老人家都明白同尊重我個套，而太嫲知道我餵人奶之後，仲叫我比心機，注意身體休息多d咁話，點解？一個咁既男人，可以有咁好既老婆同阿媽？

0 0 0

私人傳訊回覆引用

emiliarabbit

男爵府

積分: 9088

陪月勳章

2^#

發表於 13-9-16 16:25 |只看該作者

回覆：嬲！62反對餵人奶！

樓主好有主見

堅持！

禁止在頭像相片，自定義頭銜，個人簽名，使用帶有商業/個人/團體廣告或宣傳推介成份之字句/圖片/超連結

私人傳訊回覆引用

pangchaimami

大宅

積分: 3513

3^#

發表於 13-9-16 16:57 |只看該作者

回覆：嬲！62反對餵人奶！

堅持！我大仔時99，62 勁反對，咬晒交，到呀仔大個左，小病痛，就知好野，仲好自豪同人講自己個孫食人奶大架！

私人傳訊回覆引用

jcbearlaw

別墅

積分: 721

4^#

發表於 13-9-16 17:23 |只看該作者

回覆：嬲！62反對餵人奶！

既然有工人，樓主放假自己湊，咪理62咪得

私人傳訊回覆引用

peachcreamy

男爵府

積分: 8276

叻叻勳章畀面勳章睛靈勳章

5^#

發表於 13-9-16 18:16 |只看該作者

回覆：嬲！62反對餵人奶！

自己湊返星期日，bye bye佢條尾:;pppp:

私人傳訊回覆引用

yatmanchris

男爵府

積分: 7263

6^#

發表於 13-9-16 19:05 |只看該作者

如果樓主99好相處點解唔同99講扮下可鄰喊住同佢講你點樣辛苦同點解堅持人奶
有時老婆叫個老公收下把口好過個仔叫個老豆收聲啦
如果我唔順氣又唔可以頂撞果條友我就時不時都會呢招哈哈

私人傳訊回覆引用

Demonbb

男爵府

積分: 7199

7^#

發表於 13-9-16 19:18 |只看該作者

回覆：嬲！62反對餵人奶！

人奶都唔知幾好，我餵到6個月，我家62又時不時有事冇事暗示明示叫我比奶粉bb食，話啲奶冇營養，係咁叫我比奶粉，我彩佢都傻，勁想同佢講啲牛食草添啦:;pppp:不過最後哦哦哦，之後冇理佢

私人傳訊回覆引用

MEITHEPOOH

大宅

積分: 1951

8^#

發表於 13-9-16 19:26 |只看該作者

回覆：嬲！62反對餵人奶！

Support u 呀！男人識d咩呀！冇十月懷胎過有咩資格講！加油呀！

私人傳訊回覆引用

每日媽媽

男爵府

積分: 7346

BK Milk勳章

9^#

發表於 13-9-16 19:41 |只看該作者

引用：Support+u+呀！男人識d咩呀！冇十月懷胎過

原帖由 MEITHEPOOH 於 13-09-16 發表
Support u 呀！男人識d咩呀！冇十月懷胎過有咩資格講！加油呀！

私人傳訊回覆引用

YanYan531

複式洋房

積分: 281

10^#

發表於 13-9-16 19:49 |只看該作者

回覆：unlerhk 的帖子

由BB一出世，我62都耐唔耐就暗示遲早要轉奶粉，又懷疑我返工后俾雪奶BB食work 唔work...初時我都嬲，同佢講下人奶點好，但依家佢再提我就唔出聲扮聽唔到，唔同佢一般見識！啋佢都傻！慳返啖氣儲多啖奶好過！
佢地上一輩係咁架啦！講又唔聽，聽又唔明，嘢都費事同佢講。俾個肥白B佢睇就speaks for itself na. No need argue.

私人傳訊回覆引用

J_D74

大宅

積分: 3961

11^#

發表於 13-9-16 20:03 |只看該作者

unlerhk 發表於 13-9-16 16:09
岩岩坐完月，99話逢星期日會過尼幫手湊（平時姐姐湊），為左準備遲d反工，尋日先練習一次。

6299過到尼 ...

留D健康院的母乳書係佢屋企, 同佢講食母乳為左BB好, 有意無意係親戚面前話自己餵母乳, 讚下62幫手湊得好....我諗關係會修補返, 無計, 你要靠佢, 為有修好關系...

私人傳訊回覆引用

unlerhk

複式洋房

積分: 416

12^#

發表於 13-9-16 22:06 |只看該作者

yatmanchris 發表於 13-9-16 19:05
如果樓主99好相處點解唔同99講扮下可鄰喊住同佢講你點樣辛苦同點解堅持人奶
有時老婆叫個老公收下把口 ...

99好賢淑，唔會頂撞老公屋企人，而且佢生3個仔都係食奶粉大，唔會話特別支持人奶，但係會尊重我選擇人奶。

私人傳訊回覆引用

unlerhk

複式洋房

積分: 416

13^#

發表於 13-9-16 22:43 |只看該作者

J_D74 發表於 13-9-16 20:03
留D健康院的母乳書係佢屋企, 同佢講食母乳為左BB好, 有意無意係親戚面前話自己餵母乳, 讚下62幫手湊得好.. ...

62無湊過bb，根本無位讚佢彈佢，而且其實姐姐唔係放星期日，唔使靠佢，係99先會幫手湊。

私人傳訊回覆引用

nat@joe

複式洋房

積分: 130

14^#

發表於 13-9-16 22:59 |只看該作者

support u !! 只要堅持就得家啦！我99之前都反對我餵人奶，因為佢5個仔女都無餵過，又過我之後要番工又成甘，最慘係我女女37weeks就出世，得5.2磅，第一個月番健康院仲要比姑娘話輕，又比99插，不過我無理，堅持，以家3個月啦，有12磅幾，姑娘話重得好好，跳兩級生長線，剛完成百日宴，奶奶周圍同人講我餵人奶，好自豪，第日仲特登打比我勁讚我，話我第一次做人媽媽湊到個女好好，好精靈，最重要係我好叻，餵人奶！！！