karry 寫道:
上年新年去過一次, 只帶女女去, 當時兩歲幾, 因為剛開又加上新年, 勁多人, 好多大陸人打尖, 又比人偷左個汽球, 令到個女好唔開心, 不過走時順便同個職員講下, 佢就送番個汽球比我地, 開心番D啦(不過當時個女都話唔去迪士尼, 鐘意海洋公園多D), 剛剛上星期六再帶埋個仔去就黎兩歲, 真係估唔到我個仔會咁開心, 一落車見到地下渠蓋有米奇標誌已經好開心嚮道叫(因佢未識講野), 可能上星期六有少少雨及陰天, 所以好少人, 所以玩野及影相唔使排好耐, 約5-10分鐘就有得玩, 我個仔玩左巴斯光年, WINNIE THE POOL...又影左好多相, 仔仔平時一日訓兩次覺, 但那天玩到成5點幾都唔捨得訓, 約6點一上車就訓了, 職員又大派貼紙, 我估約收到成30張有多, 可能少人影相時D公仔又多同女女仔仔玩, 所以我D仔女玩得非常之開心, 佢地開心我都好開心, 晚上訓覺時重回味緊