有好多細路响幼稚園學寫字嗰陣都會有呢d咁既情況架!至於係咪讀寫障礙,求個安心既話可以搵治療師評估一下,再吾係就趁依家仲係細就努力幫佢地,教下佢地分點為之倒轉,因為真係有讀寫障礙嗰d小朋友吾係大頭蝦專登倒轉d字黎寫,而係佢地對眼同個腦接收訊息有問題,一般人睇得出2同5有咩分別,但係對於學障既小朋友黎講係睇吾出有咩分別,佢地真係睇嗰個2字係5字,我個仔依家小學成八歲半,到依家佢都仲係倒轉d字黎寫,12讀成21,有時淨係寫個c字都要問我點為之倒轉,佢中文同寫字都吾好,但都竟然可以將佢個名至多筆劃既字---顯,左右調轉黎寫,仲要真係同用鏡反照時個字無分別一d都無寫錯!我囝囝以前個治療師個仔仲勁,連呢d多筆劃既字都可以上下倒轉黎寫,跟住個治療師專登將一隻字倒轉俾個仔睇要求佢照寫,反而佢個仔寫極都寫吾到,所以話,呢d問題查實小朋友自己都吾想... 
我頭幾年發現個仔咁都好激氣硬係以為係個仔吾認真吾正經學寫字,依家知佢有咁既障礙,佢係無心,所以我都無咁勞氣,都慣哂lu...惟有見一鑊提佢多幾鑊咁囉!
我個仔仲癲呀,除左可以反轉方向既字佢一定係咁反轉寫外,連d無可能反轉既字都照樣寫到反轉再倒轉~~~ 認字都有問題,car呢d簡單字佢一個都認吾到,反而turbo,racing,露...等嗰d我地認為較深既字佢就認到好叻...呢d都係因為佢有學障問題,响幼稚園期間我地無留意亦無搵治療師教我地點去教,所以基本上佢幼稚園學嗰d佢一d都吾識...所以如果你有咁既憂慮,就要小心d努力d去幫小朋友糾正喇.. 
Lan_HuiTai 寫道:
我個女都係k2, 都有將d字反轉寫. 好似 "s", "3", "d", "b" 之類. 都幾勞氣!
發表於 
返回列表
