yy&bb 寫道:
雖然我未正式睇過份報紙, 只係從傳媒報導中略知一二，但係我都覺得呢班所謂大學生好有問題。
無錯, 大學生咁大個人比個平台佢地正識討論’性’呢個問題我覺得係絶對無問題, 問題只係出在佢地使用的手法同埋佢地對外間評論所持的態度。性係一個好正經嚴肅的話題, 可以係好學術性的, 但係佢地用左好好低俗的手法同埋態度, 意識大胆唔係就等同態度正確的,問人最想同邊種動物性交,問人有冇諗過同屋企邊個人發生性行為….果d插圖露骨又核突……天呀, 點解而家d大學生變得咁低層次架!! (唔好意思, 突然間諗起之前某DJ又係問人最想強姦邊個女藝人, 好似都係讀中大…..咁邪!) 大學生可唔可以比番大學生應有的情操而唔好淪為市井之流呢?
仲有到而家佢地都仲死口話自己無做錯, 呢樣就好令人反感!!對與錯, 唔係自己話的, 唔通殺人犯死口話被殺果個人係死有如辜我地就可以判佢無罪咩!佢地有無反思點解人地會話佢地唔啱呢? 佢地有冇諗過自己有咩係做得唔妥呢? 無錯, 佢地可能不止於好似坊間d風月版咁駭人, 但係點解佢地份報紙會引起傳媒報導呢…一定係有人覺得有問題有說話講先至比傳媒有料寫囉! 睇報紙話佢地尋日又係中大搞論壇, 只係邀請贊成佢地的學者出席, 而持相反意見的學者就唔邀請, 咁又係咪正確的態度呢? 佢地一味話傳媒唔啱, 佢地而家呢個做法咪又係同傳媒一樣…………
如果我係呢班大學生, 我就會係發生事件之後第一時間, 先出嚟表明自己當初設立情色報的諗法先…..當然係有咁偉大講到咁偉大啦, 之後就向有關文章引起公眾不安而致歉，仲會講明編委會會檢討日後編輯的手法, 希望能夠發揮情色報作為討論性平台的作用云云…大方得體, 人地見你咁有誠意都會原諒你地年少無知la, 學校仲會企出嚟幫你地講說話打圓場添……死雞撐飯蓋咪仲惹人討厭!
發表於 
返回列表
