昨日天氣好熱, 呀囡又唔駛溫書, 食完早餐帶佢返公司個 swimming pool 舉行下水禮. 佢同佢老豆好 happy 咁跳左落水, 我用腳一點, 嘩.......好鬼凍呀. 原來真係未食五月糭, 寒衣未入倉, 真係好啱, 我就死都唔肯下水住, 佢兩個就游得好開心, 足足坐左係池邊個幾鐘, 曬到頭暈, 最慘係做左小蚊的午餐
即時捉佢地上水, 跟住沖左個靚涼, 食埋 lunch 加下午茶. shopping 左一陣, 當然又係呀囡有收獲啦.....
返到屋企五點幾, 六點幾仲好飽, 諗住唔煮飯, 點知呀囡七點幾喊肚餓, 咪煮飯囉.....屋企又無餸, 好彩仲有 d 罐頭, 雪櫃有 d 菜....又搞掂一餐.
咁又過左一日 family day