日本之旅真係好玩, 雖然倦d同埋返黎做野做到扒係度!!!但都係值得~首先係度同大家分享一件小事~
話說我嗰團係零晨半夜機, 之前未試過所以心諗"好抵玩喎, 真係玩足5日"....點知....出事喇! 由於我地坐全日空, d位細到死又有野咬, 攪到瞓唔著鬼死咁辛苦, 點知一落地仲要即刻去行江戶村(一條普通街道, 只係兩旁d屋係舊式), 本身已經唔夠瞓暈暈地, 加埋個日竟然好好天...個太陽超曬超熱, 簡直想死. 備註: 日本d屋好矮所以基本上係無野傘太陽, 太陽係頭頂直曬落黎...硬食. 幾經辛苦捱到食lunch啦, 到咗下午d行程又係shopping, 唉....心諗....幾時先至有得返酒店攤抖呀, 好辛苦呀! 我地不論大人同細路都噫噫哎哎咁捱埋個下午. 終於返到酒店之後, 大家入到房已經不顧儀態咁....大字形扒咗係張床度, 開心過中六合彩. 個種辛苦簡直非筆墨所能形容, 我話過下次一定唔會再搭零晨機.