睇返由第一日開始寫日誌, 唔經唔覺原來都有一年多, 時間真係過得好快, 快到真係好似周星馳d戲嘅對白咁"food一聲就飛過~". 唉~ 我d"周期性放假病 + 退休茫想症"又黎喇, 好鬼想放假去旅行, 見到人地去日本比d雪兜口兜面飛埋黎, 成個富士急白濛濛咁, 睇到都好鬼興奮
. 我成日諗唔知d雪係咩味道, 瞓係d雪度會有咩感覺(除咗又濕又凍之外la), 幻想整雪天使、將樹枝上面d雪彈落黎、拎住d雪球追住亞仔亞女黎掉, 攪到佢地e嘩鬼叫....諗起都爽~ 唔知幾時有得去呢
講起退休囉wor...唉....眼見個friend由一個女強人到轉型做咗靚太, 真係好鬼羨慕 + unbelievable. 從來無諗過佢會轉型, 仲要係轉呢一種型, 對我黎講簡直係晴天霹靂呀!!! 我點可以相信一個會呢度飛o個度去gei女強人會咁吖...., 問佢點解咁突然, 係咪比人fire呀, 你估佢點答我...佢話"做靚太都唔易架, 但係經濟都算ok囉, 我就情願係屋企打點下, 照顧下2個囡, 佢地都大喇開始要有人睇住, 他他條條咁生活囉, 我都唔想返工受完氣, 返到屋企仲要勞氣亞賓姐, 再咁落去會好快斷氣囉." 我眼見佢o個蝦子餅一邊聽一邊點晒頭, 唉...女人求咩吖, 就係求一個萬事都支持你gei男人囉, 萬事都拍晒心口話"萬大事有我(唔知堅定流la, 好過佢唔講)", 聽下都開心~ 亞仔, 呢句亞媽等你大咗同我講呀吓~
