|
不知不覺間，我巳經是兩個小孩的媽媽，哥哥今年6歲，妹妹比佢細3歲。我的身份亦由少女變老婆，老婆變阿媽。幸好，我的樣子沒有因此而變形，而係愈來愈好。好多公司同事都驚訝我會愈來愈fit，個樣愈來愈young。雖然唔係什麼Model身材，不過起碼同其他媽咪騎埋一齊，我個look同身材一定係young好多正好多（呢個老公都非常同意呢！！！）。
我有同大家媽咪一樣，有為自己的樣子同身材努力，嘗試唔同的產品，方法，護膚品，護膚方法等，幸好係兩年前揾到合適自己的方法和合適的伯樂。係呢兩年中，我由136磅減到126磅(係我最努力時可以有121磅, 重輕過未結婚前），個外觀由（哥）師奶變姐姐仔。當然唔係話乜嘢肥人大變身，又唔係如坊間般什麼三個月減50磅的神奇女俠，不過效果是有目共睹的。
我也有從不同的網站, 論壇和群組中參考和觀摩不同人仕的＂變身＂過程和方法。 郤發現有很多不同的誤會和錯誤的論點，間接令到很多姊妹們失敗，最後放棄自己。我係呢兩年中,我不但得到自己滿意的身形, 也從中悟出一套自己的健康之道。 所以希望係呢到分享一下自己的觀點，等有心要keep fit減肥，要健康的人可以多一個參考的point。
我會不定時上載不同的題目，從中大家也可以來交流一下，等要靚的姊妹們可以靚足一世，永遠都２５歲。
但我不會放上自己的什麼前後照片在這裡，因為相信大家係我跟住的分享中，會了解我的觀點是否可行，不用照片，大家都可以成為自己的代言人。
