妹妹係今個星期日12月7日出左世啦
, 原訂已book好今日12號10:00am入院開刀, 但妹妹星期日已經等唔切要出黎啦, 經歷如下: 約半夜3:30am半夢半醒痛醒
, 初時以為自己肚痛, 於是去廁所大便, 如是者去了好幾次, 心知不妙
, 心想唔通生得...唔會啩, 等多兩個鐘再算吧, 又驚唔知係唔係驚食炸胡, 陣痛持續到5點, 已經知道肯定係生得, 奶奶起身以為我瞓唔著, 我話唔係呀, 好似生得啦, 老公個時都起左身, 仲叫我入院, 但因為個日係星期日要比附加費, 加上半夜入去又再加錢, 所以我想等多兩個鐘先(平d麻)
, 而且個時都未係好痛(5分鐘痛一次, 每次30秒), 去到6點我就沖涼洗頭準備入院, 吹完頭見老公瞓左我又想等多陣先啦, 7點時老公醒左, 真係要入院啦, 因為已經見紅
, 去到醫院, 因人多要等, 只好坐埋一邊, 登記後護士話已book 10:30入手術室, 但我既陣痛已經開始越來越痛, 護士見我個樣咁辛苦, 於是9:45叫我入定去換衫瞓係張床到等我無咁辛苦, 但唔知點解, 我一瞓就好痛好痛
, 痛到好似要大便咁
, 於是大叫"護士", 一班護士即時同我檢查並即call張醫生, 檢查後即帶我入手術室, 一路堆我就一路痛, 大叫可唔可以比我瞓呀, 我想去大便呀
, 真係有生以黎最失禮, 入到手術室大便感覺又再次湧現, 護士比笑氣我吸及教我吸氣減低痛楚, 好一點但仲係好痛, 張醫生終於到左啦
, 佢叫我聞氣啦聞就唔痛啦, 我第一次聽到張醫生咁有中氣
, 最後麻醉師都到左啦, 好快我終於如我所願...瞓左啦
, 妹妹小花係10:27出世, 個晚老公帶埋家姐黎睇妹妹, 佢好開心呀
, 因為做左家姐啦, 我地一家人都好開心呀
