假日出去玩唔一定要好貴, 有時都有免費活動, 其實上年已經知每年消防局會做一D防火宣傳活動, 而當中我覺得最吸引係消防局開放日。但呢樣唔係區區都有, 有D地區只會响公園做個fair俾人玩下遊戲。我本身果區就係咁, 而港島區既消防局開放又比九龍同新界少, 所以要mark實唔好錯過。响 11月出左時間表我就mark實左, 1/2呢個星期日來薄扶林消防局, 它就近華富村。只是消防局門口已放了多部不同種類的消防車, 吸引大家都聚埋一齊留影, 其實入面仲多正野。
還有救護車, 這個已經對我來說不太特別, touchwood我同Karsten 去年入院已經坐過了=_="
更有消防車仲可以上去戴消防帽, D消防員又好nice, 仲同Karsten留影 (PS仲係靚仔,不過唔知人地介唔介意公開個樣, 所以我用公仔遮)。
又有心肺復甦法示範, 救護工具的展覽。而且還有數個關於防火的小遊戲玩有小禮物。
而最重要的是有救人示範, 有吹氣墊救跳落來既人(大人及小朋友不要模仿), 又有消防員示範游繩救人。
如果大少少的小朋友還可以玩吹氣彈床, 太多小朋友, 我不敢讓Karsten去玩。
對於Karsten來講, 這個免費活動玩了半天, 又可認下消防員的工作環境, 算是一種戶外學習。
如果大家也有興趣參觀, 可以到以下網立站查看自己附近地區的開放日時間, 目前只到3月可以得閒就click入去睇下。
