永遠懷念金金

金金已經走左十日喇,我仲係無時無刻都好掛住佢,諗返起以前一齊既生活,好開心,但係永遠永遠都唔會再發生,因為佢已經帶住爸爸同媽媽比佢既愛走到去彩虹橋喇..... 而家心情平復返好多,唔會動不動就淚流滿面,仲可以笑住同人地講返金金d野,估唔到我都可以做到,真係多得ELAINE本"真情狗話",睇完個心平和左好多,金金只係暫時同我地分開左,佢會係天國等我地,我相信有一日我地一定會再重聚! 話雖如此,但當夜深人靜既時候,我都係仲會不禁流淚,我真係好掛住佢..... "金金,你好嗎,無左爸爸媽媽你一定要好好照顧自己呀! 記住我地約左遲D係彩虹橋相見呀,到時你要黎接媽媽喎,知唔知呀乖仔!" ~ 媽媽永遠都愛你 ~