今日去左幫金金攪埋d身後事,再一次見到金金,但佢已經唔再活生生,而是冷冰冰咁訓左係度,我d眼淚再次一直流不停,我帶左佢最鍾意食既西莎同骨骨,仲有佢條狗帶! 佢沖左涼好靚仔,仲香噴噴,好似訓左覺咁,我同老公一面流淚一面摸住佢,佢好乖,我同佢講:金金好乖仔,媽媽永遠都咁錫你!" 之後我地親眼睇住佢比人推左去火爐,然後親手按左個掣.....我要崩潰啦.... 一個半鍾頭後我地可以攞返金金d骨灰.....金金真的走了,已經變成一堆灰! 我帶左d骨灰返屋企,佢終於都返到屋企喇!!  個心仲係好痛,畢竟佢得7歲半.... 雖然d朋友安慰我話金金好幸福,有我呢個咁錫佢既媽媽,但始終死左就死左,點樣都咁掛住佢....   "金金,你永遠都係我既身邊同心入面,爸爸同媽媽永遠都咁愛你!"