謝西嘉2007 寫道:
:
係威院生, 仲可唔可以揀用咩方法分娩呢? (如:聞笑氣/打針/無痛分娩)...
==> 可以, 威院24小時有麻醉師standby, 你可以anytime話要做無痛, 除非你產程已到到尾聲, 因為要call麻醉師, 佢要同你講解, 又要prepare, 可能你已生左, 至於打針同笑氣, 一向係到, 唔使擔心
知唔知可唔可以UPGRADE上私人病房住架?
==> 你係咪公務員或公務員家屬, 係既話可以, otherwise要比多d錢架喎
人地話普通房環境好差, 私人病房好好多?!
==> 我個時住普通房, 唔覺環境好差, 可能我無咩要求, 同埋順產只住3日, 開刀都係住4-5日到, 威記一向爆, 未必比你住到咁多日添, 所以唔難捱, 你指環境係咩??? 廁所??? ok喎
同埋如果想老公陪產, 係咪要先申請架? 我真係好怕自己去生, 好想老公係身邊呀!!!!
==> 唔使申請, 唔使上堂, 你臨落產房通知姑娘就ok啦, 我老公怕血, 我一早冇預佢陪產, 但係我係產房好耐, 助產士都話可以安排老公入黎見一見我, 佢地好好, 放心
我諗...唯一唔好, 係太多大陸人, 令到產前房, 產房, 產後房都好爆, 不過呢d佢地控制唔到, 同埋聽聞依家去公立醫院登記, 只接受你住個區先比你登記, 所以更加冇得揀, 一係比幾萬蚊去私家
你唔好諗咁多, 真係冇咩值得擔心, 保持心境開朗, 做多d運動, 行多d, 等產程順利d仲好啦
winwin815 寫道:
ryna, 威院個website有講住私家病房幾錢架, 不過我唔知生仔同其他病有冇唔同處理方法, 我記得好似二等房係二千八一日, 另外仲要比deposit架, 可唔可以加床陪住院我就唔知, 不過好似冇限探病時間既
笑氣係最簡單既止痛方法, 攞住個口罩係咁吸, 不過吸得多或者太勁, 會有反胃同埋暈既反較果, 我上胎去聽talk, 教當你個一下陣痛開始, 就要開始聞, 直至個次陣痛完, 就要比自己抖下, 吸返d新鮮空氣
止痛針比笑氣強勁少少, 同埋無咩副作用
無痛分娩有一定危險, 因為要係脊椎唔知邊一節吉支針, 好似吊鹽水咁, 因為個到係脊椎, 所以產婦要hold住, 唔係一陏, 麻醉師篤錯位, 就大鍋, 咁d麻醉藥會定時定候係條喉到注入你身體, 你亦有個制, 當陣痛越黎越勁, 自己可以控制加藥, 但係好多人話做完無痛會有腰骨痛呢個後遺症
其實, 如果你係第一胎, 我好建議你勤力d去聽產前講座, 好多奶粉公司都有搞, 美贊臣仲會送奶粉添架, 好多講座講生產過程同埋麻醉方法, 佢地講得清楚過我, 知己知彼, 就冇有怕啦
winwin815 寫道:
ryna, pwh除左係d單元talk之外, 仲有一個series8堂既產前課程架, 你去registeration counter去住個張枱望下, 係有張leaflet另外講, 有個透明箱比你放報名表入去架
我都係沙田, 我個時多數聽美贊臣既講座, 係tst搞多, 都係火車沿線啫, 另外你留意下仁安, 佢地都有架, 係大圍火車站有shuttle上去嘛
RyNa 寫道:
[quote]
winwin815 寫道:
ryna & 謝西嘉, 去健康院或者醫院門口, 大把姐姐幫你填埋表入會啦, 我都係咁入架咋
至於呼吸法, 會講解下囉, 但係唔好預有得practice, pwh都有架喎, 可以同registeration counter既姑娘講想上呢個堂, 佢地會寫紙比你去物理治療部, 不過要錢, $100