香港18區媽媽會 今日: 0 | 主題: 156871

積分: 29591

畀面勳章環保接龍勳章 hashtag影視迷勳章

5^#

發表於 07-9-16 00:20 |只看該作者

阮鄭一d都唔輕鬆架, 今年下午校轉小班教學, 可能會較上午校輕鬆...

原文章由 sk_siu 於 07-9-16 00:13 發表

8號舊墟 :完善的教學理念
院鄭: 輕輕鬆鬆又能升中派位好, 最鐘意校風好
兩間心大心細
另,可能會考慮循道衛理 (睇埋開放日)

私人傳訊

晴晴媽子

積分: 124

6^#

發表於 07-9-16 01:27 |只看該作者

我今日去左3間
8號舊墟
運頭塘田家炳
聖公會阮鄭夢芹

其實 3 間都係我心儀的學校, 今日特登去睇下個校舍同埋聽下佢地d講座

一早我去浸信會幼稚園聽田家炳陳校長講解小一選校, 好清楚明白, 我仲問佢學校有無精英班之分, 佢話4年級開始, 但佢話佢地一星期有兩次默書, 我就好替囡囡擔心, 因為壓力太大啦!

之後去左舊墟(因阿女要去大元村學琴), 舊墟都幾多野睇, 仲派左一d校外評核報告同學生去完交流後寫的文章, 個校外評核報告講到間學校非常好, 不過呢d響佢個校網都睇過, 而且唔使佢講, 我地都知佢學業成績唔錯啦, 我偷偷地問過d小導遊, 佢地每日有幾多功課, 原來都有成十幾樣! 嘩!!!原來咁多功課喎!!!

下午去左田家炳, 有攤位遊戲, 阿女話鍾意呢間學校, 我問點解, 佢話因為有遊戲玩, 有小禮物收......比佢激死!佢地派左個紙袋, 裏面有學校簡介同周年報告, 仲有一隻十五周年校慶紀念光碟( 不過未得閒睇)同埋升中派位成績, 仲有一張教家長填寫小一入學申請表須知, 真係幾細心喎!不過佢話有67%入英中, 我又覺得好似比想像中少喎......另外, 佢地d功課量又係出名多喎, 有個朋友話平常每日都有十樣以上, 如果係放假, 仲會係雙倍添喎!!呢點又係我要考慮之列......

之後去左阮鄭夢芹, 原來係分組參觀校舍同觀課, 我同阿女睇左數學同英文課, 見d小朋友好乖, 個個都好開心, 不過個上課情形就比唔到我d咩驚喜, 都只係一般學校o既上課模式(我以為會係做到好大型, 整餅咁整, 點知唔係...)另外我要讚下個帶隊老師, 佢好有禮貌, 有問必答, 不停咁講解, 仲成日同我地 d小朋友傾偈, 不過佢地今日無外籍老師當值, 我問個領隊老師, 原來一個要9月尾到職, 一個請左病假! 之後又去跳舞同唱歌仔, 囡囡怕醜到死, 唔敢唱...最後去聽講座, 開頭有幾個畢業生講學校簡介, 內容吸引, 講得好好, 之後到女校長講小一選校須知, 嘩!!!真長氣!!佢講左成半個鐘都未入正題, 好彩我朝早聽過咋, 如果囡囡真係讀呢間, 唔知會唔會比佢悶親, 不過好彩d學生係由老師去教, 唔係比校長教咋!

總結今日參觀所得:
舊墟 : 學生成績好, 絕對係名牌學校, 不過功課量就係本區內以數量多出名, ......
田家炳 : 學生成績唔錯, 對呢次開放日有準備, 好細心, 不過校舍雖然同其他兩間一樣, 但樓下活動空間最少, 觀感比較上略細, 死穴又係功課量超多!仲要差不多每個星期都有測驗...
阮鄭夢芹 : 以關愛學生做賣點, 提倡閱讀及愉快學習, 學生幾乖(16/9補充: 今日跟囡囡同學家長傾開, 佢地係響上午去參觀, 佢地唔單止係睇到教學示範o個 d學生, 仲因為當日係下午班長週, 所以都可以睇到其他學生小息同埋放學, 佢地都話d學生真係好乖), 不過......個女校長好鬼死長氣. 好難頂!

[ 本文章最後由晴晴媽子於 07-9-16 20:42 編輯 ]

希望晴晴越大越乖的媽子

私人傳訊

YuYuMother

水晶宮

積分: 59674

hashtag影視迷勳章畀面勳章 BK Milk勳章

7^#

發表於 07-9-16 09:12 |只看該作者

原文章由 晴晴媽子 於 07-9-16 01:27 發表
我今日去左3間
8號舊墟
運頭塘田家炳
聖公會阮鄭夢芹

其實 3 間都係我心儀的學校, 今日特登去睇下個校舍同埋聽下佢地d講座

一早我去浸信會幼稚園聽田家炳陳校長講解小一選校, 好清楚明白, 我仲問佢學校有無精英班 ...

hello.....路過講下先, 其實而家好多學校一星期有兩次默書, 唔係只得田家炳一間~~~

私人傳訊

積分: 29591

畀面勳章環保接龍勳章 hashtag影視迷勳章

8^#

發表於 07-9-16 13:38 |只看該作者

我都係搭訕, 睇你既分析, 你好認真好研究, 其實每間學校都會對開放日作出準備, 舊年我去左一間名牌學校睇, 小導遊好pro架, 不過我老公問佢, 你見到每個家長都係講同一番介紹架? 佢話係呀, 老師要求我地背, 我老公又問咁你學校點選出你地既小導遊架?佢話要係上年度成績平均分要有90分以上先得, 我老公話明白哂, 然後參觀美術室, 我老公嚇一跳, 望入去有幾個著校服既學生居然跳高跳低你打我我打你, 我老公行到一半之後, 我老公話唔睇啦, 我唔會揀呢一個學校, 小導遊有家長入門口已經明爭暗鬧, 上到去學生無老師在場就亂成一團, 我地明白好既自然比人睇得上眼, 但係刻意做勢, 就唔太欣賞...

至於你所講既阮鄭, 真係一間好傳統既宗教學校, 我識得既朋友仔女都係好乖巧, 其餘兩間都係出名多功課, 你要準備陪仔女做功課, 唔多唔少父母都有點壓力架...

原文章由 YuYuMother 於 07-9-16 09:12 發表

hello.....路過講下先, 其實而家好多學校一星期有兩次默書, 唔係只得田家炳一間~~~

私人傳訊

pandayumama

怪獸仔 Samuel blog 長毛飛 Matthew blog

積分: 393

9^#

發表於 07-9-16 15:58 |只看該作者

舊墟寶湖道個女校長又係長氣得來無內容,簡介會時間好難捱,聽完都唔知佢想表逹咩咁.

私人傳訊

YuYuMother

水晶宮

積分: 59674

hashtag影視迷勳章畀面勳章 BK Milk勳章

10^#

發表於 07-9-16 17:08 |只看該作者

原文章由 pandayumama 於 07-9-16 15:58 發表
舊墟寶湖道個女校長又係長氣得來無內容,簡介會時間好難捱,聽完都唔知佢想表逹咩咁.

我舊年聽完同你感覺一樣........哈哈~~~~~~

其實我覺得校長好重要, 話哂佢係話事人, 領導間學校架!! 所以我會睇埋個校長掂唔掂......

[ 本文章最後由 YuYuMother 於 07-9-16 17:11 編輯 ]

私人傳訊

Samuel媽

大宅

積分: 3745

11^#

發表於 07-9-16 18:40 |只看該作者

exactly, 又長又臭, 講咁多係想話學校幾巴閉, 資源有幾多啫.
我老公聽左15分鐘, 就話呢間唔多掂.
再加上後段佢答問時, 串個家長搵錯地方, 唔得閑既家長佢唔想要.

下? 唔係有教無類咩, 揀家長揀學生, 一味掛住自己向上爬, 我對呢間學校好有保留囉.

反而尋日去田千, 聽校長講簡介會, 佢好為學生著想, 有理想有衝勁, 唔係一味要學生攞好成績, 要學生愉快學習, 培養創意, 我見小朋友都好開心, 又有自信, 同老師關係好好, 這和我想個仔得到既能力一樣啊.

原文章由 pandayumama 於 07-9-16 15:58 發表
舊墟寶湖道個女校長又係長氣得來無內容,簡介會時間好難捱,聽完都唔知佢想表逹咩咁.

私人傳訊

loklokma47

子爵府

積分: 14161

畀面勳章 BK Milk勳章

12^#

發表於 07-9-16 18:58 |只看該作者

原文章由 Samuel媽 於 07-9-16 18:40 發表
exactly, 又長又臭, 講咁多係想話學校幾巴閉, 資源有幾多啫.
我老公聽左15分鐘, 就話呢間唔多掂.
再加上後段佢答問時, 串個家長搵錯地方, 唔得閑既家長佢唔想要.

下? 唔係有教無類咩, 揀家長揀學生, 一味掛住自己向 ...

認同，我暫時都係比較鍾意田千，孫方中都ok，寶湖舊墟，我個仔同呢間學校都無嘜緣份

私人傳訊

yvonne.wong

禁止訪問

積分: 995

好媽媽勳章

13^#

發表於 07-9-16 19:20 |只看該作者

提示: 作者被禁止或刪除內容自動屏蔽

私人傳訊

積分: 29591

畀面勳章環保接龍勳章 hashtag影視迷勳章

14^#

發表於 07-9-16 20:07 |只看該作者

yvonne.wong ,,

你朋友我都可能識!佢又係讀寶舊, 又係你所講既case...

原文章由 yvonne.wong 於 07-9-16 19:20 發表
大家要記住選小學
唔可以看表面,我小
朋友讀阮鄭,平時教
你好簡單,考試的試
題就千奇百怪,題目
又想考小朋友,又寫
得唔清唔楚,經常失
分,好彩就比你嘈回
分數,唔好彩就死得
唔抵.我有嗰朋友的
囡讀寶湖舊墟,在家
長 ...

私人傳訊

晴晴媽子

積分: 124

15^#

發表於 07-9-16 20:32 |只看該作者

原文章由 Samuel媽 於 07-9-16 18:40 發表
exactly, 又長又臭, 講咁多係想話學校幾巴閉, 資源有幾多啫.
我老公聽左15分鐘, 就話呢間唔多掂.
再加上後段佢答問時, 串個家長搵錯地方, 唔得閑既家長佢唔想要.

下? 唔係有教無類咩, 揀家長揀學生, 一味掛住自己向 ...

我今朝都有同老公同囡囡去, 一入到個校園就嘩左一聲, 平時都覺得間學校好靚啦, 但原來入面係咁大間, 成間中學咁!

響3樓放低左囡囡參加體驗班整帽, 然後就上4樓聽個校長講野.

我老公又係好似你老公咁, 聽左15分鐘就已經響度話個校長淨係 sell 間學校點叻點叻, 拎過咩獎, 都無 d 實質野例如教學理念, 校園生活, 教學模式...... 我老公話印象最深刻o個句係個校長話響舊墟教書係好辛苦o既, 呢句佢話信到十足, 因為佢一入去間學校就撞到個舊同學, 原來響度教緊, 佢都係咁同我老公講, 仲話 d 老師好大壓力, 如果帶隊拎唔到獎就會比人鬧, 所以每年都走好多老師, 學生就年年都會見到好多新老師.

我地聽左個校長講野一陣就離開左, 所以唔知後段答問時間佢竟然串個家長"搵錯地方, 唔得閑既家長佢唔想要", 可唔可以講下個詳情?

我同老公見囡囡未整完頂帽, 於是就去參觀一下, d 小導遊真係好醒目好有禮, 不過正如 mrs.so 響前面留言咁講, 一聽就知係經過特別訓練o既, 因為我問個4年級o既小導遊間學校多唔多功課, 佢好隨口就話都好多架, 都有成7-8樣架; 到我去到數學天地室, 我又問個6年級o既小導遊多唔多功課, 佢停左兩秒先答我話唔係好多咋,幾樣咋...... 我再問佢放假係咪會多好多, 佢就答都係差不多...(唔通六年級d功課會少過4年級o既?) 後來我行到去音樂室, 真係見到有 d 著住校服o既學生響恕走黎走去, 甚至仲跳上個台度玩(唔知 mrs. so舊年係咪黎呢間睇呢?)

本來一入間學校時我地都對間學校好有好感, 但到我離開時, 好感度已減少左好多啦......

如果個校長真係好似
Samuel媽所講咁串, 我諗我對呢間學校o真係要改觀啦!!!

希望晴晴越大越乖的媽子

私人傳訊

怪獸仔 Samuel blog 長毛飛 Matthew blog

積分: 29591

畀面勳章環保接龍勳章 hashtag影視迷勳章

16^#

發表於 07-9-16 21:36 |只看該作者

晴晴媽子 ,

你真係好鬼醒, 點解大家既老公入校門時, 同離開既一刻咁相似架...

唔好話我馬後炮, 我都話呢間名牌學校虛有其表呢!

仲有呢間名牌學校始早比新x民攻陷, 通常新x民d亞媽都唔駛點做架, 夠哂時間應酬校長既要求啦!

純粹個人意見, 如有得罪, 敬請原諒!

原文章由 晴晴媽子 於 07-9-16 20:32 發表

我今朝都有同老公同囡囡去, 一入到個校園就嘩左一聲, 平時都覺得間學校好靚啦, 但原來入面係咁大間, 成間中學咁!

響3樓放低左囡囡參加體驗班整帽, 然後就上4樓聽個校長講野.

我老公又係好似你老公咁, 聽左15分 ...

私人傳訊

Samuel媽

大宅

積分: 3745

17^#

發表於 07-9-16 21:46 |只看該作者

個家長條問題我唔係好記得, 好似係問校長, 話平時工作好忙, 冇咩時間, 學校有冇咩配合咁上下. 校長就話家長要配合, 佢唔好諗送小朋友去學校, 就叫學校搞掂, 如果你冇時間照顧, 咁佢就可能係搞錯左地方喇.

之後佢仲講左好多野, 話如果有得揀, 佢會揀家長, 揀果d同學校合作既家長.....佢話放假要學生去圖書館借10本書睇, 如果睇唔到, 會不斷打電話追家長......oh no...... 然後講話如果係直資就有得揀喇......

原文章由 晴晴媽子 於 07-9-16 20:32 發表

我地聽左個校長講野一陣就離開左, 所以唔知後段答問時間佢竟然串個家長"搵錯地方, 唔得閑既家長佢唔想要", 可唔可以講下個詳情?

私人傳訊

loklokma47

子爵府

積分: 14161

畀面勳章 BK Milk勳章

18^#

發表於 07-9-16 21:54 |只看該作者

mrs.so,

有問題想問妳，煩麻妳check pm!:loveliness: :loveliness:

私人傳訊

晴晴媽子