吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 甲亢

婦女醫護今日: 0|主題: 34022

收藏本版

發帖

返回列表

跳至頁

查看: 3069 | 回覆: 8

甲亢 [複製鏈接]

Bel-Air

複式洋房

積分: 378

1^#

發表於 08-1-3 13:44 |只看該作者 |倒序瀏覽 |打印

如果食完一年半至兩年葯, 想再懷孕會唔會好難?

0 0 0

私人傳訊

jaycee_mami

珍珠宮

積分: 45105

好媽媽勳章

2^#

發表於 08-1-4 13:35 |只看該作者

你最近的甲狀腺指數是否在正常範圍? 醫生說現在懷孕安全嗎? 如果醫生說無問題的話, 你食過一至兩年藥應該不影響懷孕架.

我甲亢反反覆覆困擾了我五年, 嚴重到飲過兩次碘水, 經期亦未試過準時, 有時兩個月無黎, 有時更耐, 之前都以為自己無得生.

飲完碘水一年多, 我竟然意想不到地有左. 在懷孕期間, 甲指數更低左少少, 要食補充劑, 不過你放心, 醫生會每個月幫你驗血及調藥 (我在瑪麗生架).

囝囝上個月出左世, 感謝上天, 他驗了兩次血都話無甲狀腺問題, 而且一切正常, 所以, 你唔好太擔心, 跟足醫生指示就可以.

私人傳訊

Bel-Air

複式洋房

積分: 378

3^#

發表於 08-1-4 23:01 |只看該作者

其實我依家都係食咗半年葯咋, 我係响我個女8個月大時發現有甲亢, 當時都好唔開心, so far 都叫 control 得到, keep 住 normal range, 依家一日食兩粒白色果隻葯 (我知有d人食綠色), 我d經期都ok準, 因為自己都唔細, 如果 lee 二三年唔生都唔洗諗架啦!

係呢, 咁你第一次飲碘水都 control 唔到, 要飲第二次, 當時個醫生有無提議你做手術呀? 咁係唔係飲第二次碘水之後就正常番晒, 隔咗幾耐至有bb呢? 你甲亢响邊度follow up? 我就响瑪麗睇緊

你個囝囝好可愛呀!

原文章由 jaycee_mami 於 08-1-4 13:35 發表
你最近的甲狀腺指數是否在正常範圍? 醫生說現在懷孕安全嗎? 如果醫生說無問題的話, 你食過一至兩年藥應該不影響懷孕架.

我甲亢反反覆覆困擾了我五年, 嚴重到飲過兩次碘水, 經期亦未試過準時, 有時兩個月無黎, ...

私人傳訊

jaycee_mami

珍珠宮

積分: 45105

好媽媽勳章

4^#

發表於 08-1-5 15:48 |只看該作者

我之前都係瑪麗睇架, 未飲碘水前在S6內科部睇開, 飲碘水後就轉介左去教授樓跟進, 相比之下, 我覺得教授樓d醫生經驗好d (我見有些是高級醫生). 你在瑪麗邊度睇架?

飲完第一次碘水後, 因為份量唔夠, 仍然有甲亢病徽, 所以在兩個多月後再飲第二次, 之後就正常哂. 坦白講, 那時簡直有"重生"的感覺, 因為我被甲亢折磨左五年幾, 由22歲發病開始, 皮膚及頭髮都未好過.

飲完第二次碘水, 瑪麗的醫生都唔建議我一年內懷孕, 而且要Keep住觀察一年. 跟住過左一年零一個月, 醫生就話我懷孕無問題啦, 於是即刻開工 (那時T4在14), 幸好第一個月就bingo. 因為一直都由內科部跟進, 所以醫生無同我提過做手術.

懷孕時我去私家照結構 (余X星醫生), 余醫生說我飲過兩次碘水, 仲想生的話就要快D, 因為拖得耐隻蛋會壞, 叫我襯後生快D生 (不過我打算生一個就算).

另外, 飲碘水有後遺症架, 就係有甲減, 現在我每日都要食一粒補充劑. 不過你放心, 瑪麗婦產科的醫生話補充劑有bb食都好安全, 相反大肚時食甲亢丸就唔好.

你記住下次大肚時, 返政府醫院做產檢, 因為醫院會每個月免費幫你驗血check甲狀腺. 我在私家婦產科驗一次, 要$1200 (驗血費600+診金600), 好貴呀.

私人傳訊

Bel-Air

複式洋房

積分: 378

5^#

發表於 08-1-7 15:58 |只看該作者

jaycee_mami,

真係好多謝係的分享, 我係响S6睇的, 可能要嚴重既case先會refer去教授樓, 我依家都係adjust緊d葯既份量, 1至2粒, 聽我個親戚講, 佢話基本上食緊葯係會control到的, 但係最大問題係完咗療程後仲keep唔keep到正常range就最難!

係呢, 你當時有無戒口, 例如海鮮...., 我係完全無戒口, 因為我好為食, 雖則身邊d人個個都叫我唔好食咁多!:tongue:

哈哈!

如果我真係再懷孕, 我一定會番政府醫院follow up, 因為之前果胎都係, 不過聽你所講要每個月抽一次血, 諗起都好驚!:-(

私人傳訊

jaycee_mami

珍珠宮

積分: 45105

好媽媽勳章

6^#

發表於 08-1-7 20:52 |只看該作者

我之前都係每日食一粒甲亢丸 (綠色那種), 不過停食無耐就番發, 好鬼慘.

我都無戒口, 因為我知病發有可能同壓力有關. 那時工作壓力好大, 情緒低落, 所以就出事.

至於大肚時抽血驗, 有時係要我自己爭取架, 因為政府有D醫生仔 (婦產科個D) 好似唔多識甲狀腺這病, 睇我時好求其. 我每次睇完都要主動問, 下個月睇要唔要驗血. 不過我寧願抽血痛, 總好過指數出事都唔知.

私人傳訊

kaichian

大宅

積分: 1248

7^#

發表於 08-1-8 00:26 |只看該作者

原文章由 jaycee_mami 於 08-1-4 13:35 發表
你最近的甲狀腺指數是否在正常範圍? 醫生說現在懷孕安全嗎? 如果醫生說無問題的話, 你食過一至兩年藥應該不影響懷孕架.

我甲亢反反覆覆困擾了我五年, 嚴重到飲過兩次碘水, 經期亦未試過準時, 有時兩個月無黎, ...

我個中醫話我有d甲亢, 想請教下究竟是什麼來?

私人傳訊

conly

大宅

積分: 4278

8^#

發表於 08-1-8 08:24 |只看該作者

唉! 我係一個單親mami一心諗住比心機自己捱大個女, 點知最近發現甲狀腺出咗問題, 但睇咗醫生食咗藥就冇m嚟, 上sat 去覆診同醫生講佢話應該唔關d藥事, 佢話如果今個月都唔嚟就要做好多
test, 但我未食藥之前d m有早冇遲, e+想問吓大埔d mami 有冇好醫生介紹, 最緊要唔好咁貴, (我今sat會去排政府) 我e+睇緊李山河, 唔該晒