跳至

首頁
1

尾頁
   0


公爵府

積分: 29591

畀面勳章 環保接龍勳章 hashtag影視迷勳章


發表於 08-1-27 20:00 |顯示全部帖子
昨日亞仔講左件事比我知...佢同一個叔叔做左好朋友, 我就追問詳情, 經一輪向工人及亞仔了解, 之後事件大概係:

於上星期一大約下午1時, 工人接我大仔放學係寶鄉橋巴士站等巴士返粉嶺, 係排隊上車時我大仔發現有人推佢, 佢就向後望同個叔叔講『你仲咩推我』...叔叔立即好大反應係度鬧痴線, 不斷向我工人講bad boy, 我個仔聽到好唔開心好驚, 回應叔叔一句"關你咩事"!

工人就問亞仔發生咩事, 我仔就無出聲, 工人形容當時"old man好嬲好嬲不斷淨係聽到bad boy, "old man嬲到想出手打我仔", 後來有一個woman, 用英文同工人講"old man"話我仔痴線壞孩子, 後來工人就捉住亞仔上車, 係車上面呢個"old man"不斷鬧我仔, 直到"old man"落車...

隔左一日星期三, 同一地點時間, 工人+亞仔遇到叔叔, 我個仔主動同佢講"sorry", 工人話"old man"同佢講"he is good boy." 然後sometime遇見都會同我仔傾計...

我問工人點解唔即使report比我聽, 要亞仔事隔咁多日突然講我知, 我問你先講, 工人話因為怕我會唔開心同打亞仔, 所以唔夠膽講, 我再問工人"old man"見過幾多次, 佢話如果亞仔12點9放學sometime會見到, 佢地而家有傾有講, 無特別情況...

我將件事, 講比同事聽, 佢地叫我一定要去了解事件, 因為當時亞仔真係感覺到比人推撞, 所以先會無禮貌, 純粹係自我保護, 最驚係亞仔有同人講sorry既原因唔係覺得誤會個男人推撞佢, 而係覺得個男人太惡, 亞仔怕事先同人講sorry, 兩種唔同意思, 萬一下次亞仔真係比人推撞或者更嚴重, 就係今次既經驗, 惡就怕, 唔出聲怕事, 後果會好嚴重...

我既同事仲講...只係一個著住校服既小學生同工人, 一個男人咩事咁嚴重, 一件小事, 需唔需要嬲到咁, 係巴士站係車箱內鬧工人同小朋友, 唔係因為自己個仔比人鬧, 只係搞清楚呢個男人係無想過亞仔夠膽出聲問佢, 佢身有屎, 見工人唔識聽唔識講, 就恰人惡人先告狀

各位我聽到之後, 好唔開心, 我再三問亞仔有無講過咩無禮貌既說話, 令到叔叔咁嬲, 因為平時佢係一個害羞怕事既人, 所以我唔相信我仔會講出好粗皮既說話, 何況我問亞仔點解你會講"sorry", 我仔話覺得佢激嬲叔叔, 我同亞仔講, 你講對唔住係做得好岩, 媽咪會再了解事件...

我應該點做? 我係好介意"家教", 我接受唔到小朋友品德差, 平日我好著重小朋友待人處事, 我聽見亞仔肯為自己既行為同人"sorry", 我都覺得亞仔有進步, 但係從另一方面睇, 如果個男人真係有心摸我仔, 我個仔就係怕佢惡, 同人"sorry", 下次同樣事情佢會唔識分是非黑白, 因為我問亞仔, 你真係覺得有人推你撞你, 我仔堅持話真係有架, 所以我同事都叫我同工人去一次巴士站嘗試等下個男人問清楚來龍去脈, 萬一聽到係亞仔錯, 都知道亞仔平日待人態度, 萬一見個男人有問題, 就見亞仔唔好再同叔叔傾計...

各位點好呀?我好擔心呀!比d意見...定係我疑心大呢...?!


水晶宮

積分: 59421

hashtag影視迷勳章 畀面勳章 BK Milk勳章


發表於 08-1-27 20:10 |顯示全部帖子
原文章由 mrs.so 於 08-1-27 20:00 發表
昨日亞仔講左件事比我知...佢同一個叔叔做左好朋友, 我就追問詳情, 經一輪向工人及亞仔了解, 之後事件大概係:

於上星期一大約下午1時, 工人接我大仔放學係寶鄉橋巴士站等巴士返粉嶺, 係排隊上車時我大仔發現有人推 ...

明白你既擔心, 我覺得呢件事最錯係你工人, 唔即時報告件事你聽. 你鬧唔鬧你個仔, 都唔關你工人事.....如果我係你, 我會好serious咁話佢, 叫佢以後唔好再犯.

至於個男人, 我覺得佢好有問題. 學你話齋, 一個小朋友咁細, 駛唔駛上車鬧到落車呀? 就算之後無事, 我都覺得個男人唔係好正常囉!! 我覺得你應該叫囝囝同佢保持距離, 唔適宜做朋友囉~~~


公爵府

積分: 29591

畀面勳章 環保接龍勳章 hashtag影視迷勳章


發表於 08-1-27 22:19 |顯示全部帖子
yuyumother,

我都已經即時話左工人, 應該要立即report比我知, 我好認真同工人講我既擔心, 我都叫左工人再有機會見到個男人, 有禮貌咁問詳細, 話太太想清楚當日發生咩事, 同埋我叫工人即時打電話比我, 同我直接對話, 因為工人話個男人係有用英語同佢對話, 所以我先覺得好有問題, 工人問佢發生咩事, 佢點解唔用英語同我工人講, 要不斷用廣東話係度鬧, 呢樣我先諗唔通...?-(


伯爵府

積分: 18961

畀面勳章


發表於 08-1-27 22:54 |顯示全部帖子
原文章由 YuYuMother 於 08-1-27 20:10 發表

明白你既擔心, 我覺得呢件事最錯係你工人, 唔即時報告件事你聽. 你鬧唔鬧你個仔, 都唔關你工人事.....如果我係你, 我會好serious咁話佢, 叫佢以後唔好再犯.

至於個男人, 我覺得佢好有問題. 學你話齋, 一個小朋友咁 ...
我都好同意YuYuMother 的講法,mrs. so,不如你同你仔仔傾下,我都齁覺得小朋友的禮貌好緊要,但同時間,對於是非黑白的觀念都一樣緊要,千祈唔好令小朋友從少就覺得惡就大晒我亦覺得好緊要,當然點去處理你都要教導埋佢啦,mrs. so,不如你同你仔仔傾下計仔先啦!唔好再激親自己喇!


公爵府

積分: 29591

畀面勳章 環保接龍勳章 hashtag影視迷勳章


發表於 08-1-27 23:29 |顯示全部帖子
我見亞仔好似覺得自己同叔叔say sorry係岩, 仲好開心咁話叔叔唔嬲佢, 我真係好擔心, 呢個叔叔點解可以咁樣...

但係我只係聽一面之詞, 我又唔可以判斷叔叔係有問題, 我想明天我會早少少lunch time約工人係巴士站遇下個叔叔, 我要將正確訊息教亞仔之餘, 都要搞清楚來龍去脈, 唔想"莽"下判斷...

謝謝兩位既意見... tks!


大宅

積分: 1413


發表於 08-1-28 16:43 |顯示全部帖子
每個人對小朋友的行為有不同的尺度,已我個人經歷都是有些唔太喜歡小朋友的老友記。佢地十分保護自己,害怕比大意小朋正親。有時候都係掂到小小就發晒火呀,見到有D老友記未碰到佢都用隻手推開小朋友。都係教小朋友禮多人不怪,人多要小心D和同工人講睇多兩眼跟貼D。

:;pppp:


原文章由 mrs.so 於 08-1-27 23:29 發表
我見亞仔好似覺得自己同叔叔say sorry係岩, 仲好開心咁話叔叔唔嬲佢, 我真係好擔心, 呢個叔叔點解可以咁樣...

但係我只係聽一面之詞, 我又唔可以判斷叔叔係有問題, 我想明天我會早少少lunch time約工人係巴士站遇下 ...

首頁
1

尾頁

跳至