吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 我個囡囡在1月21日響廣華出世lu.....

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1575 | 回覆: 16

[2008年] 我個囡囡在1月21日響廣華出世lu..... [複製鏈接]

stella789

大宅

積分: 1472

1^#

發表於 08-1-26 09:21 |只看該作者 |倒序瀏覽 |打印

我個囡囡本身係2月7日出世，不過佢真係趕住出黎逗利是，終於在1月21日響廣華醫院出世!! 最好笑就係.....阿囡真係等媽咪炒左個賓妹先至肯出黎，真係怕左個賓妹.....

不如等我同大家分享一下我個產程!!

於1月20日晚上11點半左右我在沖涼的時候，覺得下身一直有少許液體流出，初時還以為自己在小便，但係心想....無理由呀...平時上廁所都唔會咁頻密，雖然通常都會一至兩小時會去一次廁所，但係果晚d感覺特別唔同。

於是沖完涼之後就打電話比我個陪月阿姨問過究竟，但係佢叫我多等1個小時看看會否有陣痛，不過我同佢講，我都已經過左37週，都叫做足月，不如去去醫院檢查一下穩陣d。不過臨走前都再去廁所先洗埋個頭，吹乾先至去醫院，然後就拎起個走佬袋坐的士去醫院。

到達醫院急症室辦好手續，就上北9產房登記，姑娘就安排我在產前房檢查，在我身上帶上bb心跳機，叫我訓在床上聽半小時，另給我一個制，倘若阿b有郁動要按一下，可以顯示阿b的動向。醫生前來收症時大約21日零晨1:30分，醫生只是問下症，幾點感覺到穿水等等....一直都無檢查我既下體到底是否真的穿水，我當時都有點火滾，因為我係估計自己穿水才走來檢查一下，但訓左咁耐，就算醫生前來收症，都無比個答案我究竟係唔係穿水....但係當時產前房(有2個，分一號及二號房)都滿晒，好好生意，當時我就訓響1號房，本來我好想訓覺，到左2點15分左右，有d尿急，就去左個廁所，因為訓在床上要脫內褲，當我起身準備去廁所時發現床上有血，相信係見紅，去完廁所就通知姑娘，不過佢地都無同我再檢查一下，我又無理佢，上床又再訓過。

到左3:00，陣痛開始黎料啦，平均7~8分鐘左右痛一次，不過我都可以忍受，無大聲叫，因為2號房有個媽咪叫得好大聲，當時我聽到都好驚，姑娘同個媽咪講:"太太，唔好叫得咁大聲啦，你只係開左3度咋"，所以，我都唔敢叫。

不過另一個姑娘走去我隔離床檢查時，我同佢講我開始有d痛，大約7~8分鐘一次，佢只答"哦"就走左。可能真係好生意得滯，唔得閒招呼我啦!! 之後大約3:30就縮短到5~6分鐘痛一次，到左4:10陣痛實在十分難受，終於我大叫左一聲"姑娘，我頂唔順啦!!!"跟住有兩個姑娘走黎同我檢查，迷迷糊糊中感覺有個姑娘用手伸入我下體，之後佢地就馬上將床邊圍欄拉起，然後推我出去，心想，應該姑娘係推我去產房，但佢地都無話比我知當時我究竟開到幾多度，只知道姑娘動作好快。

到左產房，助產士把笑氣放在我身邊，又將bb心跳機纏在我身上，不知從哪裡搬來一對腳踏及扶手，助產士一邊教我如何用力，對腳向外撐，雙手向自己拉，一連用力"痾"，因為係第一胎，沒有經驗，"痾"左15分鐘都唔得，助產士叫我抖抖，佢地又抖抖，成班助產士走晒，剩番一個響度"撓"埋雙手，用佢把口教我如何如何用力，之後我再次努力，可能佢見到阿b個頭仔，就走過黎幫我打麻醉針(在陰道口)，當時的助產士不知從哪裡又返回崗位，之後我又再用力的"痾"，頭仔已出，助產士又講，再次用力的痾啦，我又好合作地"痾"，膊頭亦已出，助產士即時將bb整個身體拉出，全個肚好似"咕嚕咕嚕"聲，之後就空空如也!!! 當時只不過係5點，全個產程只不過係2個小時(由陣痛開始計算)。

跟住過了一陣，助產士舉起bb比我望到底係仔定女，我同佢地講:"係女黎架"，之後佢地抱走幫bb沖涼及檢查，而我...就給助產士縫傷口，大約一個小時後就送我去產後房.......(東翼9樓.......正!!!!)

0 0 0

私人傳訊

艾菲公主

大宅

積分: 3248

2^#

發表於 08-1-26 10:08 |只看該作者

恭喜你咁快可以同個囡見面, 最令我羨慕嘅就係, 你成個過程好快呀!如果我好似你咁就好嘞。(ps, 我個囡將會o係3月先出世)

私人傳訊

MZ!

大宅

積分: 4869

3^#

發表於 08-1-26 10:35 |只看該作者

恭喜晒!

謝謝分享你的生產過程呀!
請問你是否第一胎呢?產程咁短0既?

私人傳訊

cmmcbb

子爵府

積分: 13279

好媽媽勳章

4^#

發表於 08-1-26 12:31 |只看該作者

congratulations~~
好好休息~

私人傳訊

tiktiktmlkl

男爵府

積分: 5301

認識瑞士牛牛第一回好媽媽勳章醒目開學勳章睛靈勳章

5^#

發表於 08-1-26 13:04 |只看該作者

恭喜晒呀~~祝你同bb健健康康,好羨慕呀,你個bb咁合作,唔駛痛咁耐~~

私人傳訊

lulalahk

大宅

積分: 3404

6^#

發表於 08-1-26 13:46 |只看該作者

恭喜晒!....so excited ar...我個囡將會o係2月先出世

私人傳訊

hitomiykk

男爵府

積分: 5909

認識瑞士牛牛第一回好媽媽勳章醒目開學勳章

7^#

發表於 08-1-26 14:01 |只看該作者

公喜你呀....祝bb身體健康,,而你就坐返個靚月啦,....你同bb都小心冷親..呢排天氣傻傻地~

私人傳訊

kung170

洋房

積分: 89

8^#

發表於 08-1-26 15:23 |只看該作者

喂......
恭喜晒妳呀!生產這麼快.我2月8日重未有動靜.
小心身體呀!bb快高長大.

私人傳訊

stella789

大宅

積分: 1472

9^#

發表於 08-1-26 15:26 |只看該作者

原文章由 MZ! 於 08-1-26 10:35 發表
恭喜晒!
謝謝分享你的生產過程呀!
請問你是否第一胎呢?產程咁短0既?

係呀，呢胎係我第一胎，仲要係高齡產婦......

私人傳訊

quzi

大宅

積分: 4651

10^#

發表於 08-1-26 15:38 |只看該作者

恭喜恭喜..
早左半個月都有七磅幾仲要咁快生到!!
真係好順利!!

私人傳訊

丁丁超人

大宅

積分: 4919

11^#

發表於 08-1-26 16:45 |只看該作者

恭喜晒
祝福妳和妳bb健健康康

私人傳訊

Keith0217

大宅

積分: 1289

12^#

發表於 08-1-28 10:59 |只看該作者

Stella,

咁啱:tongue:
妳個囡囡同我哋Keith 都係早上五時多出世
又咁啱:tongue:
我哋都係高齡產婦
又又咁啱:tongue:
產程都係兩個小時
又又又咁啱:tongue:
都係穿水入院
又又又又咁啱:tongue:
都係只聞笑氣都頂到痛

請問有冇靚女相呀
sent 去 Keith 個 Blog 可以嗎

生於2007年2月17日(3.93kg), 我是水瓶豬 :-D
Welcome to my blog
http://hk.myblog.yahoo.com/sorbpapa

私人傳訊